Flakët u përhapën deri në pjesën e poshtme të qytetit, ku raportohet se u dogjën 7 banesa, për rrjedhojë Bashkia Himarë dha urdhër të menjëhershëm evakuimi për banorët dhe turistët e shumtë.

Veç zjarrfikësve që po përpiqeshin për izolimin e flakëve, në terren shkuan edhe forca të shumta policie, të cilët u angazhuam për evakuimin e banorëve dhe turistëve, duke bërë vendosjen e tyre pranë vijës bregdetare, për të qëndruar më të sigurtë.

Pavarësisht situatës së rënduar nga flakët nuk ishte e mundur ndërhyrja nga ajri me helikopter apo avion zjarrshues, pasi këto mjete emergjence nuk ngrihen natën sepse nuk ka pilotë të specializuar për këto lloj operacionesh.

Për pasojë, për izolimin e flakëve u angazhuan nga 1 automjet zjarrfikës me efektivë të Fierit, Tiranës, Peqinit, Librazhdit, Tepelenës, Himarës, Vlorës, Finiqit, Delvinës, Sarandës, Gjirokastrës e Dropullit.

Në ndihmë shkuan edhe forca vullnetare, ndërsa nga spitali nuk raportohet për asnjë qytetar apo efektiv të lënduar.

Ende nuk dihet shkaku i rënies së zjarrit në kodrat e Himarës, ndërsa situata ngre shqetësim serioz për sigurinë e qytetarëve dhe turistëve që ende vijojnë ta frekuentojnë masivisht bregdetin e saj. Operacioni për izolimin e zjarrit me helikopter ka nisur këtë mëngjes.

The post Pamje apokaliptike nga Himara/ Digjen 7 banesa, ushtria, emergjencat dhe zjarrfikësit në luftë me flakët, aktivizohen edhe helikopterë (VIDEO) appeared first on Albeu.com.