Sipas Berishës, Moore i kishte kërkuar që të mbështeste një person brenda PD, por ai nuk ka pranuar.

Të gjitha fjalët e tjera që thuhen për takimin mes tyre, sipas Berishës janë vetëm thashetheme.

“Në mënyrë absolute një takim miqësor. Një. E dyta më kërkoi të mbështes një njeri që unë s’ja mora përsipër. Çdo gjë tjetër është gënjeshtër e pacipë. Më kërkoi të mbështes një njeri tjetër.Unë  mendoj se nuk duhet të bëj publike një bisedë konfidenciale. Por pse e tregova? Sepse ka pasur shqiptarë por edhe vetë Kim ka thënë se ne e kemi paralajmëruar Berishën, dhe një ndër emrat që ka cituar është ky emër”, tha Berisha në “Opinion” në Klan.

Ish-kryeministri nuk preferoi të zbulojë emrin e personit që Moore i ka kërkuar të mbështesë, duke thënë se nuk preferon të tregojë diçka më tepër nga ajo bisedë të cilën e quan miqësore dhe konfidenciale./albeu.com/

The post “Nuk pranova”, Berisha zbulon për herë të parë çfarë i kërkoi ish-zyrtari i DASH në zyrë appeared first on Albeu.com.

Histori njerëzore që pak thuhen dhe rrallë dalin në publik dhe një e tillë është ajo e kësaj gruaje 67 vjeçare e cila ka pranuar të tregojë drejtpërdrejt në televizion, atë që i ka ndodhur dhe rrjedhën që të lë pa frymë gjithë këto vite.

Gruaja që foli në News24, tha se ai që ishte për vite të tëra i dashuri i saj dhe për të cilin iu shkatërrua familja dhe ka mbetur vetëm, e ka dhunuar dhe plaçkitur.

Rrëfimi nis me moshën 15 vjeçare. Atëherë, sikurse rrëfen gruaja që sot është 67 vjeç, ai e ndiqte gjithë kohës, ndërsa familja e kishte fejuar me një djalë.

“Ky vazhdonte të më ndiqte dhe pas nja 4 vitesh që isha e martuar, e takoj në rrugë ku unë po prisja makinë për të shkuar në Tiranë. Ky kalon dhe më thotë eja se andej e kam rrugën. E mbaja mend dhe filluam të kishim një marrdhënie me këtë person”.

Gruaja pohon se edhe ai ishte i martuar dhe kishte fëmijë. Madje “gruaja e tij e dinte që ai kishte një të dashur që isha unë”.

Hapëm bashkë një biznes me fruta perime ku ai bëri pjesë edhe motrën time. Atëherë, 1996, i pata dhënë 100 mijë lekë, rrëfeu gruaja.

Por më pas nisën telashet. “Fëmijët e mi e morën vesh që kisha një lidhje me këtë person. Ai më torturonte, më mbante në punë dhe më detyronte të qëndroja larg banesës time”.

Kjo dhunë u dyfishua pasi u rrah nën tortura dhe nga djemtë e saj. Ajo, shpresat i kishte tek ai, sepse mori premtim për martesë.

Më vonë e kuptoi se ishte thjesht mashtrim, por nuk e linte dot edhe pse ai e rrënoi nga lekët: “Edhe pse unë u dhunova vazhdova lidhjen me të. Burri nuk donte të më ndante edhe pse e mori vesh. Por djemtë e mi nuk e pranuan dot tradhtinë dhe ne u divorcuam në 2004.

Unë u largova nga shtëpia sepse burri mori çiften të më vriste. Jam penduar për atë që ndodhi, jam penduar edhe në sy të tij, pasi unë jetoj vetëm sot pa askënd. Nuk më do askush as fëmijët, as nipat as mbesat.

Ky jo vetëm më turpëroi apo dhunoi, por më mori rreth 26 milionë lekë të vjetra. Ky jo vetëm mua por edhe dhëndrit i mori edhe 11 milionë të vjetra dhe i ktheu vetëm 8 milionë.  Ai edhe gocën e vet e ka zhvatur.

Ai pretendon se m’i ka dhënë, pasi më ka blerë një objekt që është 32 metra katrorë”.

E ndërsa 67 vjeçarja demaskonte burrin që thoshte se e kishte dashur dhe prej tij ngeli në mes të katër rrugëve, ai ka një tjetër version.

Në lidhje direkte në emisionin ku u rrëfye e moshuara, ai tha se po përballet me sajesa: “Ajo mashtron, nuk i kam lekë borxh asaj, ia kam shlyer të gjitha. Ajo mashtron dhe gënjen, kam letra dhe dokumente dhe mund të vini ti shikoni, kam edhe një dëshmitar. Zonjën e kam pasur shoqe jo të dashur, nuk di pse e ka shkatërruar familjen e saj, unë jam i pastër. Ajo ka dhjetë vjet që nuk punon dhe unë e mbaj deri me mjekë dhe me të gjitha pagesat”. /bw

The post Ndodhi edhe kjo! Gruaja 67-vjeçare denoncon live të dashurin: Isha e martuar, më grabiti lekët! appeared first on Albeu.com.