Uniformat Blu në Kavajë, bëjnë me dije se dje rreth orës 22:00, është njoftuar se shtetasi rus V. U., rreth 66-vjeç, i cili jetonte në katin e tretë të një pallati në Golem të Kavajës, nuk përgjigjej prej disa ditësh në telefon.

Menjëherë shërbimet e Policisë, kanë shkuar në adresën e dhënë dhe kanë konstatuar se dera e jashtme e banesës ishte e mbyllur.

Shërbimet e Policisë kanë hapur me forcë derën e banesës, ku kanë gjetur pa shenja jete shtetasin V. U.

Ndërkohë në vendngjarje, ndodhet grupi hetimor i cili nën drejtimin e Prokurorit, po kryen veprimet për sqarimin e rrethanave dhe dokumentin ligjor të shkakut të humbjes së jetës të 66-vjeçarit.

Raportohet se 66-vjeçari rus, kishte afro një vit që kishte ardhur në Shqipëri.

Ai kishte marrë leje qendrimi sipas ligjeve tona, ndërsa apartamentin ku u gjet i vdekur e kishte blerë. Nuk ka pasur shenja ne trup, as ne banesë që te lindin dyshime për një vrasje të mundshme.

Dyshimet janë për vdekje për shkaqe natyrale, por do të jetë ekspertiza mjeko ligjore ajo që do të përcaktojë shkakun e vërtetë të vdekjes së 66-vjeçarit rus.

Trupi i pajetë e shtetasit rus është dërguar në Tiranë. Autopsia do të kryhet nga Instituti i Policisë Shkencore.

The post E rëndë, 66-vjeçari rus gjendet pa shenja jete brenda banesës së tij në Kavajë, dyshimet e para appeared first on Albeu.com.