Operacioni u zhvillua në qarqet Fier, Lushnje dhe Divjakë, duke çuar në arrestimin e 6 personave të dyshuar për përfshirje në këtë aktivitet kriminal.

Gjithashtu, disa persona të tjerë janë shoqëruar nga policia dhe po merren në pyetje si pjesë e hetimeve që janë ende në vijim.

Pritet që më shumë detaje mbi këtë aksion, do të bëhen publike në një konferencë për shtyp që do të mbahet sot, në orën 11:00, nga Policia dhe Prokuroria e Fierit.

Operacioni vjen pas një sërë ankesash nga qytetarët, të cilët kanë rënë pre e mashtrimeve përmes platformave online që funksiononin si skema piramidale, duke premtuar fitime të shpejta në këmbim të investimeve financiare.

The post Firmat piramidale online/ Policia operacion në Fier, arrestohen 6 persona appeared first on Albeu.com.

Lajmi u bë i ditur të hënën nga Prokuroria Publike e Leuven-it, e cila konfirmoi se të ndaluarit ishin pjesë e një rrjeti ndërkombëtar të trafikut të drogës.

Hetimet kishin nisur që në nëntor të vitit 2023 nga Policia Federale Gjyqësore (PJF) në Leuven, pas dyshimeve se grupi kishte ngritur plantacione të sofistikuara kanabisi në Belgjikë dhe Francë, si dhe ishte i përfshirë në transport ndërkombëtar të lëndëve narkotike.

Grupi kriminal operonte kryesisht nga rajonet Diest, Geel dhe Liège, ndërkohë që kishte lidhje me bashkëpunëtorë në disa vende të tjera evropiane, duke përdorur një rrjet të mirëorganizuar logjistik.

Operacioni kulmoi më 20 maj me 11 kontrolle në qytetet Diest, Geel, Herstal, Lummen, Liège, Oupeye dhe Tremelo.

Tetë persona u arrestuan, nga të cilët gjashtë – të moshës nga 32 deri në 46-vjeç, u vendosën në paraburgim me urdhër arresti, ndërsa dy të tjerë u lanë të lirë por mbeten në hetim.

Në të njëjtën ditë, autoritetet shqiptare dhe franceze zhvilluan kontrolle të ngjashme në territoret e tyre, në koordinim me hetimet belge.

Gjatë aksionit, rreth 90 efektivë policie morën pjesë, përfshirë njësitë e posaçme dhe shërbimet doganore, si dhe policinë lokale nga disa qytete.

Sipas Prokurorisë së Leuven-it, gjatë kontrolleve u sekuestruan 36.5 kilogramë kanabis, si dhe substanca të tjera narkotike si ketaminë, kokainë, ekstazi, gaz i qeshur dhe amfetaminë.

Gjithashtu, u gjetën para cash, armë zjarri dhe prova të tjera materiale që do t’i nënshtrohen hetimeve të mëtejshme.

The post Operacion i madh në Belgjikë/ Goditet organizata kriminale shqiptare, 6 të arrestuar appeared first on Albeu.com.

Në kuadër të operacionit “Ari i zi 2”, policia bën me dije se në pranga kanë rënë shtetasit: Mohammed Sallit, Wissan Broud, Hassan Broud, Sami Shanta, Faez Ismaeil, Nedio Mejdani.

“Operacioni “Ari i zi 2”, sekuestrohen 400 000 litra naftë dhe anija në balastrat e së cilës ishte fshehur kjo sasi, me qëllim kontrabandimin.

Në pranga 6 shtetas dhe në hetim 5, sirianë, egjiptian dhe shqiptar, pjesëtarë të ekuipazhit të anijes. Shpallen në kërkim 2 organizatorët e dyshuar të rastit.

Dje, gjatë operacionit “Ari i zi”, u sekuestruan 670 000 litra naftë e kontrabanduar me të njëjtën mënyrë, si dhe u identifikuan 10 shtetas të implikuar në rast.

Në vijim të veprimeve policore, me qëllim goditjen e rasteve të kontrabandimit të sasive shumë të mëdhaja të naftës, nga Tunizia, me anije, Seksioni për Hetimin e Krimeve Ekonomike dhe Financiare i DVP Durrës, Antikontrabanda dhe Seksioni për Mbështetjen Operacionale të Hetimit të DVP Durrës, Drejtoria për Hetimin e Krimeve Ekonomike dhe Financiare e DPPSh-së, Drejtoria e Kufirit dhe Migracionit Durrës, Guardia di Finanza Durrës, si dhe Dega e Doganës Durrës, finalizuan operacionin policor të koduar “Ari i zi 2”.

Gjatë operacionit u arrestuan në flagrancë shtetasit sirianë M. S., 56 vjeç, kapiteni i anijes, Ë. B., 42-vjeç, ndihmës i oficerit të parë, H. B., 47-vjeç, shefi i inxhinierëve, S. Sh., 25-vjeç, shefi i ofiçinës, F. I., 23-vjeç, mirëmbajtës i pompave të naftës, si dhe shtetasi shqiptar N. M., 34-vjeç, oficer i parë i anijes.

Gjithashtu, u identifikuan dhe u shpallën në kërkim organizatorët e dyshuar të këtij rasti, shtetasit J. K., 31-vjeç, banues në Tiranë, dhe S. S., 32-vjeç, banues në Durrës. Vijon intensivisht puna për lokalizimin dhe kapjen e tyre.

Më tej, gjatë këtij operacioni, u referuan materialet në Prokurori, ku nisi procedimi në gjendje të lirë për 5 pjesëtarë të tjerë të ekuipazhit të anijes, përgjegjës për mirëmbajtjen e mjetit.

Nga kontrolli në anije, në balastrat që shërbejnë për balancimin e mjetit, u gjetën 400 000 litra naftë e dyshuar e kontrabanduar nga Tunizia. Materialet procedurale i kaluan Prokurorisë, për veprime të mëtejshme”, njofton policia.

The post Sillnin naftë nga Tunizia në Durrës/ Arrestohen 6 persona, shpallen në kërkim 2 organizatorët (EMRAT) appeared first on Albeu.com.

“Specialistët e Sektorit për Hetimin e Narkotikëve arrestuan shtetasin R. Zh., 39-vjeç, banues në Tiranë, pasi gjatë kontrollit fizik, shërbimet e Policisë i gjetën një sasi lënde të dyshuar narkotike kanabis, e cila u sekuestrua në cilësinë e provës materiale.

Specialistët e Sektorit për Hetimin e Krimeve Ekonomike dhe Financiare ndaluan shtetasin A. K., 24- vjeç, banues në Fushë Krujë, për veprat penale “Mashtrimi” dhe “Falsifikimi i dokumenteve”.

Specialistët e Seksionit për Hetimin e Krimeve në Komisaritin e Policisë Nr. 4 arrestuan shtetasit:

– Sh. Q., 60-vjeç, dhe F. Q., 64-vjeç, të dy banues në Shish Tufinë, pasi dyshohet se për motive pronësie janë konfliktuar fizikisht me njëri-tjetrin. Gjatë kontrollit fizik, shërbimet e Policisë i gjetën shtetasit F. Q., një kosore, e cila u sekuestrua në cilësinë e provës materiale;

– E. L., 34-vjeç, banues në Tiranë, pasi ditën e djeshme, rreth orës 18:50, në një lokal në rrugën “Fitnete Rexha”, ka goditur me grusht, në kokë, shtetasin R. F., 43-vjeç. 43-vjeçari ndodhet në spital, në kujdesin e mjekëve.

Specialistët e Seksionit për Hetimin e Krimeve në Komisaritin e Policisë Nr. 6 arrestuan shtetasin Gj. L., 44-vjeç, banues në Tiranë, pasi dyshohet se ka ushtruar dhunë ndaj të dashurës së tij. Materialet i kaluan Prokurorisë”, njofton policia.

The post Çfarë po ndodh në Tiranë? Gjashtë të arrestuar në 24 orët e fundit, policia del me njoftim zyrtar appeared first on Albeu.com.

Specialistët për Hetimin e Krimeve në Komisariatin e Policisë Nr. 1 arrestuan shtetasin J. T., banues në Tiranë, pasi dyshohet se ka ushtruar dhunë ndaj bashkëshortes së tij dhe vajzës së tyre të mitur.

Specialistët për Hetimin e Krimeve në Komisariatin e Policisë Nr. 2 arrestuan shtetasin A. D., banues në Tiranë, pasi dyshohet se ka ushtruar dhunë ndaj bashkëshortes së tij.

Specialistët për Hetimin e Krimeve në Komisariatin e Policisë Nr. 4 arrestuan shtetasit:

– E. H., banues në Tiranë, pasi dyshohet se ka ushtruar dhunë ndaj bashkëshortes së tij;

– E. Xh., banues në Tiranë, pasi ditën e djeshme, në rrugën “4 Dëshmorët”, dyshohet se, pas një konflikti të çastit, ka goditur me mjet prerës shtetasin A. D., 60 vjeç, i cili si pasojë është dëmtuar dhe ndodhet në spital, në kujdesin e mjekëve.

Specialistët e Komisariatit të Policisë Rrugore Tiranë arrestuan shtetasen D. U., 23 vjeçe, banuese në Tiranë, pasi në kryqëzimin e rrugës “Njazi Meka” me rrugën “Sul Gjashta”, duke drejtuar mjetin tip “Ford Fiesta”, është përplasur me biçiklistin, shtetasin H. B., 64 vjeç, banues në Tiranë. Si pasojë 64-vjeçari është dëmtuar dhe ndodhet në spital, në kujdesin e mjekëve.

Ndërkohë, më datë 13.10.2024, rreth orës 02:45, në Laknas, në ambientet e jashtme të banesës së shtetasit I. I., 72 vjeç, dyshohet se ka shpërthyer një sasi e vogël lënde plasëse, dhe si pasojë ka vetëm dëme materiale (është dëmtuar një pemë ulliri).

The post 6 të arrestuar në Tiranë, policia jep detajet appeared first on Albeu.com.

Ndërkohë për të pandehurin Andi Lamani është kërkuar 9 vite burg në total. 6 vite janë kërkuar për “falsifikimin e parave” ndërsa 3 vite të tjera për dhënien ndihmë të paligjshëm për kalimin e kufijve. Edhe Adi Lamani do të përfitojë uljen e 1/3 të dënimit për shkak të gjykimit të shkurtuar.

Për sa i përket të pandehurit Mikel Mukja, 34 vjeç, banues në Elbasan, çështja është veçuar.

Në dosjen e siguruar nga ABC theksohet se Krimi Ekonomik në Elbasan ka marrë informacion se Andi Lamani dhe Klinton Boriçi qarkullonin para të falsifikuar. Policia ka mundur t’i sekuestrojë ndërsa u mësua se këto para në Elbasan janë sjellë nga Andi Lamani, banues në Fier. Këto para të falsifikuara sipas burimeve nga Prokuroria shiteshin me 1800 lekë të reja copa. Dyshohej se paratë ai i merrte nga Nikolla dhe Aleksandër Lleshanaku të cilët ishin edhe prodhuesit e këtyre parave.

Si ndodhi arrestimi

Operacioni u organizuar më 20 prill të 2021, ku 7 persona ranë në prangat e policisë së Elbasanit për shkak se akuzoheshin për falsifikim parash. NË atë kohë u arrestuan 7 persona pas një hetimi disa mujor nga Seksioni për Krimin Ekonomik dhe Financiar duke finalizuar operacionin e koduar “Ëorld Coins”. Të arrestuarit janë Andi Lamani, 29 vjeç, banues në Fier; Jurgen Hoxhaj, 26 vjeç, banues në Tiranë; Fiqiri Koçi, 31 vjeç, banues në Kavajë; Kliton Boriçi, 26 vjeç, banues në Elbasan; David Kullau, 48 vjeç, banues në Elbasan dhe Mikel Mukja, 34 vjeç, banues në Elbasan. Gjithashtu është arrestuar në flagrancë Nikolla Lleshanaku, banues në Elbasan.

Këta persona në bashkëpunim me njëri-tjetrin, akuzohen gjatë një periudhe kohore disamujore, kanë hedhur në treg dhe kanë përdorur kartëmonedha të prerjeve të ndryshme të dyshuara si të falsifikuara, në disa qytete si Elbasan, Tiranë, Fier etj. Gjatë aksionit të arrestimit, policia e Elbasanit ka sekuestruar edhe 150.000 lekë shqiptare të dyshuara si të falsifikuara, 2760 euro të dyshuara si të falsifikuara, 8 aparate celular, një presë që shërbente për prodhimin e kartëmonedhave, një presë elektrike që shërbente për prodhimin dhe ngjitjen e kartëmonedhave të dyshuara të falsifikuara, pllaka stampuese metalike dhe plastike që shërbenin për stampimin e tyre, shirita ngjitës, letër e bardhë kalk, fletë karboni, rulo me letër varaku, etj.

The post 50 euro për 1800 lekë/ Prokuroria e Elbasanit çon për gjykim dosjen e 6 të arrestuarve: Falsifikuan mijëra euro dhe lekë appeared first on Albeu.com.

Mediat spanjolle raportojnë se Agjentët e Policisë Kombëtare në Tarragona , arrestuar gjashtë persona me origjinë shqiptare pasi dyshohet se janë përgjegjës për dy plantacione marijuanë në shtëpi në La Móra dhe Valls. Ky operacion ka nisur muaj më parë dhe është ndarë në dy faza.

Gjatë fazës së parë të hetimit, agjentët mundën të verifikonin, pas disa vëzhgimeve, ekzistencën e një plantacioni brenda një shtëpie në La Mora. Pas kontrolleve në këtë banesë u gjet një plantacion me 780 bimë marihuanë . Agjentët ishin në gjendje të kapnin 9,620 kg boçe të paketuara në çanta të mbyllura dhe një pushkë të kalibrit 22 mm. Në këtë operacioni janë arrestuar tre persona me origjinë shqiptare .

Një fazë e dytë me 4,476 bimë

Faza e dytë filloi me një telefonatë anonime që denonconte ekzistencën e një plantacioni tjetër , këtë herë jashtë (në natyrë), në Valls . Pasi u verifikua vërtetësia e asaj që u denoncua në thirrjen në fjalë dhe pas kryerjes së vëzhgimeve të ndryshme, u regjistrua një pronë bujqësore , e vendosur në një poligon të qytetit të sipërpërmendur. Në këtë zonë u gjetën 4476 bimë marihuanë , të ruajtura nga tre persona me origjinë shqiptare , të lidhur me të arrestuarit e parë, të cilët u arrestuan në vend. Të arrestuarit janë dorëzuar në Gjykatën Hetimore.

Ngritja e mafies shqiptare

Organizatat kriminale me origjinë shqiptare po marrin nën kontroll plantacionet e marijuanës në Spanjë. Në këtë operacion të fundit të CNP-së, konfirmohet edhe një herë forca që mafia shqiptare po merr në kultivimin dhe trafikimin e marijuanës. Në këtë kuptim, më 16 qershor, Mossos d’Esquadra dha një konferencë për shtyp pikërisht për të shpjeguar rrjedhat e një organizate makro kriminale , e përbërë gjithashtu nga shtetas shqiptarë, me qendër në Spanjë dhe që faturohej nga 9 deri në 12 milionë euro me trafikun ndërkombëtar të drogës që ata kultivonin.

The post Po kultivonin më shumë se 5 mijë rrënjë lëndë narkotike, “shkërrmoqet” banda shqiptare në Spanjë, arrestohen 6 persona appeared first on Albeu.com.