Gjatë mbledhjes, është themeluar Shoqata e Bashkive dhe janë zgjedhur organet e reja përfaqësuese të këtij organizmi.

Më poshtë janë edhe emrat që do të mbajnë pozicionet drejtuese të këtij organizmi.

Njoftim i Asamblesë së të Zgjedhurve Vendorë Demokratë!

Sot, në 16 shtator u zhvillua Asambleja e të Zgjedhurve Vendorë Demokratë nën kujdesin e Prof. Dr. Berishës dhe me iniciativën e 6 kryetarëve të bashkive demokrate, të dalë nga zgjedhjet vendore të 14 Majit, kryesuar nga Kryetari i Bashkisë Kavajë, Fisnik Qosja, Kryetari i Bashkisë Memaliaj, Albert Malaj, Kryetari i Bashkisë Mirditë, Albert Mylyshi, Kryetarit të Bashkisë Pukë z.Rrok Dodaj, Kryetarit te Bashkisë Has z. Miftar Dauti dhe Kryetarit të Bashkisë Fushë-Arrëz z.Hil Curri.

Asambleja e të Zgjedhurve Vendorë:

Denoncoi farsën zgjedhore të zgjedhjeve të 14 Majit dhe paraqiti domosdoshmërinë e votës së lirë.

Mbështeti dhe inkurajoi Kryetarët dhe Këshilltarët e Bashkive në betejat për fuqizimin dhe rivendosjen e autonomisë vendore në Shqipëri.

Parashtroi platformën demokrate për mbrojtjen dhe thellimin e demokracisë lokale, decentralizimit, përshpejtimit të integrimit, përsosjes së shërbimeve dhe financimeve publike, zhvillimit rajonal, rishikimit të reformës territoriale e çështje të tjera lokale.

Asambleja rithemeloi Shoqatën e Bashkive dhe zgjodhi organet e reja përfaqësuese të Shoqatës së Bashkive të Shqipërisë:

– Fisnik Qosja, Kryetar i ShBSH

– Albert Mëlyshaj, Nën/Kryetar

– Albert Malaj, Nën/Kryetar

– Ilir Alimehmeti, Drejtues i Dhomës së Këshilltarëve Bashkiak

– Miftar Dauti, Drejtues i Dhomës së Qarqeve.

The post Mbledhja e Berishës me 6 kryebashkiakët e “Bashkë Fitojmë”, rithemelohet Shoqata e Bashkive, zgjidhen organet e reja përfaqësuese appeared first on Albeu.com.