Në 5 bashki qytetarët do të zgjedhin mes 3 alternativave të PS, PD dhe koalicionit “Shtëpia e Lirisë” e mbështetur dhe drejtuar nga ish-kryeministri Berisha.

Bashkia Dibër është e vetmja bashki ku qytetarët do të kenë mundësi të zgjedhin mes 4 kandidatëve, ku krahas PS, PD dhe koalicionit Shtëpia e Lirisë do të ketë edhe një kandidat të partisë “Lëvizja e Re”.

Shkodra do të jetë beteja më e fortë e këtyre zgjedhjeve edhe për shkak se është një bastion historik i PD, e cila e ka fituar bashkinë në çdo betejë elektorale pas vitit 1990.

Në 2019 ku PD refuzoi të hyj në zgjedhje socialistët mundën ta fitojnë të vetëm bashkinë, por një precedent penal i fshehur nga kandidati i PS, Valdrin Pjetri la në detyrë kryebashkiaken demokrate Voltana Ademi.

Edhe Durrësi është një bashki ku pritet të ketë një garë mes kandidatëve. Bashkia e cila prej disa mandatesh është një bastion i të majtëve me ish-kryebashkiakun, Vangjush Dako në krye këtë herë sfidohet nga dy përfaqësues të së djathtës.

Dibra deri në vitin 2011 ishte një bashki e drejtuar nga të djathtët, por pas asaj beteje është qeverisur vetëm nga kryebashkiak të majtë. Lushnja ngeli pa kryebashkiak për shkak të arrestimit të ish-kryebashkiakut Fatos Tushe. Edhe

Lushnja në 3 betejat e fundit për zgjedhjet vendore është drejtuar nga socialistët. Vora ka qenë një bastion i PD deri në vitin 2019, kur opozita refuzoi të hyj në zgjedhje vendore.Në 6 mars, Vora do të jetë rezultati i parë që do të mësohet për publikun për shkak se në këtë bashki do të votohet dhe numërohet elektronikisht.

Rrogozhina e ngelur prej 2 vitesh pa kryebashkiak për shkak se kryebashkiaku i saj, Haxhi Memolla ndërroi jetë.

Fushata për zgjedhjet e 6 marsit ishte e qetë, por shpallja e rezultatit përfundimtar pritet të prodhojë një panoramë të re kryesisht brenda opozitës e cila për herë të parë në këto zgjedhje doli me 2 kandidatë të ndryshëm pas përplasjes disa mujore Basha-Berisha.

Durrës 258633

Shkodër 166983

Dibër 56662

Lushnje 104249

Rrogozhinë 31996

Vorë 30053

Në Total 648.576 zgjedhës

20 janar meta dekreton zgjedhjet

Durrës 2019-PS 2015-PS 2011-PS

Shkodër 2019-PS(VALDRINI) 2015-PD 2011-PD

Dibër 2019-PS 2015-PS / 2011-PD

Lushnje 2019-PS / 2015-PS/ 2011-PS

Rrogozhinë 2019-PS 2015-PS 2011-PD

Vorë 2019-PS 2015-PD 2011-PD/abcnews.al/

The post Nesër beteja për 6 bashki, sa votues pritet të marrin pjesë në zgjedhjet e pjesshme appeared first on Albeu.com.