Specialistët për Hetimin e Krimeve në Komisariatin e Policisë Sarandë, kanë arrestuar në flagrancë shtetasin A. L., 54-vjeç, banues në Ksamil, i cili akuzohet se ka dhunuar dhe marrë në përdorim me forcë banesën e një gruaje, shtetases B. L., 38-vjeçe, gjithashtu banuese në Ksamil.

Sipas Policisë, ngjarja ka ndodhur më datë 31 maj 2025, kur është konstatuar se A. L. ka hapur me forcë derën e banesës, ka ndërruar bravën e portës, si dhe ka instaluar kamera sigurie dhe vendosur një portë të re, duke marrë kontrollin fizik të pronës në mënyrë të paligjshme.

Materialet procedurale i janë referuar Prokurorisë së Sarandës për veprime të mëtejshme, ndërkohë që 54-vjeçari pritet të përballet me akuzat për dëmtim prone, hyrje të paligjshme në banesë dhe marrje të padrejtë në posedim të pasurisë së tjetrit.

Njoftimi i policisë:

Specialistët për Hetimin e Krimeve në Komisariatin e Policisë Sarandë arrestuan në flagrancë shtetasin A. L., 54 vjeç, banues në Ksamil, pasi më datë 31.05.2025, është konstatuar se në mënyrë të përsëritur ka dhunuar banesën e shtetases B. L., 38 vjeçe, banuese në Ksamil, e cila është e pajisur me certifikatë pronësie për këtë banesë. Ky shtetas dyshohet se ka hapur me forcë dhe ndërruar bravën e portës, si dhe ka instaluar e vendosur kamera sigurie dhe një portë të re, në banesën e 38-vjeçares.

The post Ksamil/ 54-vjeçari i zë shtëpinë 38-vjeçares, i ndërron bravën dhe vendos kamera appeared first on Albeu.com.

Komisariati i Policisë Librazhd, në bashkëpunim me Stacionin e Policisë Prrenjas, kapi dhe ndaloi shtetasin në kërkim Kujtim Hoxha, 54 vjeç, banues në fshatin Kotodesh.

Gjykata e Shkallës së Parë e Juridiksionit të Përgjithshëm Tiranë, me vendimin e datës 12.04.2024, e ka dënuar këtë shtetas, me 4 muaj burgim, për veprat penale “Korrupsioni aktiv i personave që ushtrojnë funksione publike” dhe “Drejtimi i automjeteve në mënyrë të parregullt”, sepse më datë 09.04.2024, në bulevardin “Bajram Curri”, pasi është konstatuar nga punonjës i Policisë, duke drejtuar automjetin, në gjendje të dehur, i ka ofruar atij 50 euro, për të shmanguar ndëshkimin ligjor.

Materialet procedurale i kaluan Prokurorisë.

The post Tentoi të korruptonte punonjësin e Policisë, arrestohet 54-vjeçari i shpallur në kërkim në Librazhd appeared first on Albeu.com.

Anthony Stocks, 54-vjeç, dyshohet se e ka hedhur fëmijën 100 metra nga maja e një shkëmbi. Dëshmitarët dëgjuan një britmë dhe më pas panë diçka që të rrëzohej poshtë.

Prokurorja Zoe Johnson tha: “Për mrekulli ai nuk vdiq, por u plagos shumë rëndë dhe u desh të transportohej me helikopter në spitalin në Londër. Fillimisht, besohej se ajo që i kishte ndodhur atij ishte një aksident i tmerrshëm, por hetimet zbuluan një histori shumë më të errët”.

54-vjeçari detyroi një vajzë nën 13-vjeç të kishte kontakt s*ksual me të, duke e ditur se ishte e gabuar.

Djali tentoi të shpëtonte të motrën duke ndërhyrë. Pa lejen e nënës, i pandehuri mori vajzën në një shkëmb dhe tentoi të vriste djalin, duke e hedhur nga shkëmbi.

Stocks nuk u largua nga skena, por u bashkua me njerëzit që shkuan për t’i ardhur djalit në ndihmë. Sipas dëshmitarëve, ai nuk ishte më i qëndrueshëm në rrëfimet e tij. Ai iu afrua djalit dhe i tha: “Të thashë që të mos afroheshe buzë shkëmbit”.

Më pas ai u ul, mbante në dorë një cigare dhe nxori telefonin.

Djali pësoi lëndime shumë të rënda, duke përfshirë disa çarje të thella në lëkurën e kokës, gërvishtje në gjoks, mavijosje të shumta, fraktura të shumta në krahun e majtë dhe deformim në shpatullën e majtë.

Për shkak të traumës që pësoi, djali nuk mban mend asnjë gjë nga incidenti u tha në gjykatë. Stocks u arrestua për herë të parë menjëherë pas rënies së djalit nga shkëmbi.

Ai tha në një deklaratë për policinë se ishte ulur në një stol dhe po pinte një cigare, ndërsa djali qëndronte buzë shkëmbit.

Stocks u arrestua sërish më 12 maj të vitit të kaluar, me dyshimin për abuzim s*ksual me një fëmijë nën 13-vjeç.

Stocks u arrestua sërish më 23 nëntor 2023, me dyshimin për tentativë vrasje.

The post E rëndë, tentoi të shpëtonte motrën nga duart e pedofilit, 54 vjeçari hedh nga shkëmbi të miturin appeared first on Albeu.com.

Sipas informacioneve policore, viktima jetonte i vetëm ndërsa uniformat blu janë nga vëllai i të ndjerit, i cili ishte personi i parë që e kishte gjetur.

Policia sqaron se viktimës nuk i janë gjetur shenja dhune në trup.

The post E rëndë në Pogradec/ 54-vjeçari gjendet pa shenja jete në banesën e tij appeared first on Albeu.com.

54-vjeçari i dënuar nga drejtësia italiane me mbi 5 vite burg, u arrestua nga policia e Durrësit.

Njoftimi i policisë:

“Operacioni nga shërbimet e Drejtorisë Vendore të Policisë Durrës, në bashkëpunim me FAST Albania në zbatim të masave të përcaktuara në planin operacional kombëtar “Sundimi i ligjit”.

I dënuar me burgim, nga autoritetet gjyqësore në Itali, për disa vepra penale në fushën e narkotikëve dhe në atë të krimeve ekonomike, arrestohet provizorisht për t’u ekstraduar, 54-vjeçari.

Në vijim të aksioneve intensive të Policisë, të kryera në kuadër të operacionit kombëtar të koduar “Sundimi i ligjit”, për kapjen e shtetasve të shpallur në kërkim ndërkombëtar ose kombëtar, si dhe në bazë të informacioneve të siguruara nga inteligjenca policore dhe të shkëmbyera ndërmjet Interpol Tiranës dhe Interpol Romës, u kap në kuadër të operacionit “Perugia”, dhe u vu në pranga provizorisht, me qëllim ekstradimin në Itali, shtetasi i shpallur në kërkim ndërkombëtar Arian Malo, 54 vjeç.

Gjykata e Apelit e Perugias e ka dënuar 54-vjeçarin, me 4 vjet e 10 muaj burgim, për veprat penale “Trafikimi i lëndëve narkotike”, “Mospagimi i taksave dhe sigurimeve shoqërore” dhe “Deklarimi i rremë”, të parashikuara nga Kodi Penal italian.

Interpol Tirana vijon të bashkëpunojë me homologët, për të kryer ekstradimin e shtetasit Arian Malo, në Itali”, njofton policia.

The post I dënuar në Itali për trafik droge, kush është 54-vjeçari i arrestuar në Durrës appeared first on Albeu.com.

Provat që e vërtetojnë këtë janë të forta, të cilat sqarojnë se ka qenë vetë 54-vjeçari që ka pranuar se ditën e vrasjes ka pasur një debat me dhëndrin e saj, por që ka mohuar vrasjen. Provat në fakt tregojnë për një version tjetër. Ekspertiza ka gjetur gjurmë baruti në duart e 54-vjeçarit, çka ka bindur prokurorët se ai është vrasësi dhe sipas tyre, çështja mund të jetë drejt fundit.

“Analiza e gjurmëve të barutit në krahët e V. ka rezultuar pozitive. Kjo të paktën tregon se V. ka qenë të paktën prezent atë natë kur kanë ndodhur të shtënat. Provat kundër tij vazhdojnë të grumbullohen. Në fakt tani presim vetëm rrëfimin e tij. Kështu do të mund të ndërtojmë dinamikën e ngjarjes. dhe në këtë mënyrë të afërmit e tij do të gjejnë pak qetësi.Familjarët e Marios presin me padurim zbardhjen e ngjarjes,” thanë burimet gjyqësore.

Ilir S. nga Koekelare, i cili njihej edhe si Mario S., u gjet i vrarë mbrëmjen e 18 korrikut në qytetin IJzer, pranë motoçikletës së tij të parkuar. Iliri nuk ishte i martuar me vajzën e tij piktorit, Melanie, por së bashku me të kishte një vajzë 5-vjeçare dhe kujdesej edhe për fëmijën e saj nga një lidhje e mëparshme.

The post Vrasja e 28-vjeçarit shqiptar në Belgjikë, autori është vjehrri i tij: U gjetën barut në duar appeared first on Albeu.com.