Kompania u detyrohet ankuesve rreth 92 dollarë për çdo model, dhe një pagesë totale maksimale prej 500 milionë dollarëve, të cilat pritet të ekzekutohen gjatë këtij muaji.

Kjo shumë do të zbatohet vetëm për pronarët e modeleve iPhone 6, 6 Plus, 6s, 6s Plus, SE, 7, dhe 7 Plus, në SHBA.

E njejta gjë pritet të ndodhë edhe me pronarët e modeleve të iPhone në Britaninë e Madhe.

Në vitin 2020, kompania amerikane ishte akuzuar se po ngadalësonte qëllimshëm telefonat, megjithëse nuk e ka pranuar akuzën.

Sipas Justin Gutmann, gjiganti teknologjik ka mashtruar deri në 25 milionë klientë duke i “ngadalësuar” pajisjet pa dijeninë e tyre.

Kjo thuhet se u realizua nëpërmjet përditësimeve të softuerit të cilat zvogëluan performancën e modeleve të vjetra me kalimin e kohës.

Edhe më herët Apple është përballur me raste të ngjashme, ku është detyruar të paguajë 113 milionë dollarë në Arizona, dhe 500 milionë të tjerë në Kaliforni.

The post Apple vendos të paguajë 500 milionë dollarë klientet që ankohen për pajisjet e tyre appeared first on Albeu.com.

Në vitet 1980, Mike Tyson dërgoi kundërshtarët njëri pas tjetrit në KO, duke u bërë kampioni më i ri i botës në peshat e rënda të të gjitha kohërave, në vitin 1986 në moshën 20 vjeçare. Nuk është çudi që amerikani ka grumbulluar qindra miliona dollarë gjatë karrierën e boksit. Dhe në fakt mund të besoni se ai ishte tashmë i sigurt financiarisht në atë kohë. Por nuk është kështu. Siç tregon ai tani në podcast “The Pivot”, nuk ka mbetur asgjë nga kjo pasuri.

Çfarë bëri ai me pasurinë? Festa të çmendura, shpenzime pa hesap. Dhe shpenzoi një pjesë të madhe për gratë. Konkretisht, gati 500 milionë dollarë!

“Kam shpenzuar milionat e mia të fundit në rehabilitimin tim, sepse nuk kishte mbetur asgjë nga 500 milionë dollarët që fitova si boksier. E gjitha kishte të bënte me femrat. U deshën 15 deri në 16 vjet, dukej si shumë para, por të gjitha u zhdukën.”

Fëmijët nuk marrin asgjë

Kjo do të thotë gjithashtu se tetë fëmijët e tij nuk do të marrin asgjë. Por Tyson nuk kishte ndërmend të mbushte llogarinë e tyre bankare një ditë gjithsesi. Ai thotë: “Ajo që u lë atyre është mësimi për të punuar shumë dhe për t’u lutur shumë. Paratë nuk do t’i ndihmonin, do t’i dëmtonin sepse nuk do t’i mësonin të ngriheshin për veten e tyre, të kapërcenin fatkeqësitë dhe të punonin shumë.”/ h.ll/albeu.com

The post Myke Tyson: Shpenzova 500 milionë dollarë me femrat, fëmijët nuk do të marrin asgjë appeared first on Albeu.com.