Sipas të dhënave të INSTAT, rreth 45% të punësuarve sipas deklarimit zyrtar në tatime paguhen nën 50 mijë lekë bruto në muaj.

Në totalin e të punësuarve me pagë në tremujorin e dytë, 25% paguheshin deri në pagën minimale.

Në kufirin 40,001-50,000 lekë paguhen 20% e të punësuarve. Më tej në kategorinë e pagave 50.001- 60.000 lekë, paguhen 9.4% e të punësuarve dhe në kategorinë 60.001-95.000 lekë 26.8% e të punësuarve që u takojnë më së shumti punonjësve në administratë.

Por duke qenë se shumica të punësuarve në këtë nivel pagash, përbëhen nga mësues infermierë dhe kishin paga nën nivelin e mesatares deri në qershor 2024, pjesa e të punësuarve me pagë që paguhen nën nivelin e pagës mesatare përbën mbi 70% të të punësuarve.

Të dhënat e INSTAT referojnë se në tremujorin e dytë të vitit 2023, së paku pesë sektorë në vend kishin paga më të ulëta se mesatarja.

Punonjësit e artit, aktiviteteve argëtuese, industrisë, tregtisë, transportit, hoteleve, restoranteve, ndërtimit, bujqësisë dhe peshkimit paguhen në nivelin e pagës mesatare.

Në anën tjetër pagat në aktivitet financiare, informacionit dhe komunikimit, administratës publike dhe aktiviteteve të pasurive të paluajtshme kishin paga mbi nivelin e pagës mesatare në tremujorin e dytë të vitit 2024.

Të dhënat zyrtare të INSTAT, tregojnë se paga mesatare mujore bruto (paga zyrtare e deklaruar në tatime) arriti në 75,114 lekë në tremujorin e dytë, ose 5% më shumë se në të njëjtën periudhë të vitit të kaluar.

Në krahasim me tremujorin e parë 2024, rritja ishte vetëm 2% njësoj sa inflacioni.

Rritja më e lartë ishte në sektorin privat me 6.7%, ndërsa në sektorin publik pagat u rritën vetëm 1.8%.

Të dhënat tregojnë se pati rritje agresive të pagave ndërmjet tremujorit të dytë 2021 deri në fund të 2023.

Këto zhvillime u nxitën nga rritja e pagave në sektorin publik, sidomos pagës minimale e cila u rrit katër herë ndërmjet tremujorit të dytë 2022 deri në fund të vitit 2023.

Niveli i pagës minimale në këtë periudhe arriti nga 30 mijë në 40 mijë lekë.

Kjo rritje nxit në paga më të larta në të gjithë nivelet e stimuluar edhe nga politika e qeverisë, për të çuar pagën mesatare në sektorin publik në rreth 900 euro./Monitor

The post 45% e punonjësve paguhen më pak se 50 mijë lekë në muaj bruto appeared first on Albeu.com.

Sipas propozimit të Ramës, për të gjithë ata punonjës që marrin deri në 50 mijë lekë të reja në muaj do të ketë taksim zero.

“Të flas për 380 mln euro që faktikisht nuk ekzistojnë, është pak si e sikletshme. E kam dëgjuar që ju përsërisni që ne e taksokemi punën më shumë se kapitali, sepse e paskemi më shumë në rajon, por kjo nuk është e vërtetë. Shkon në maksimumin 5,.5% dhe Shqipëria ka taksat më të ulëta. S’ka në rajon biznes me zero taksë, apo taksë zëro për pagat, deri në 400 mijë lekësh. Së shpejti do të sjellim propozimin që ta zerojmë deri në 500 mijë lekë. Nga del këtu që paskemi taksën më të lartë të punës. Këtu kam raportin që flet për punësimin. Përtej aludimeve, unë di këtë që kur ne kemi marrë detyrën, të regjistruar në total në punë ishin 349 mijë vetë. Di këtë që sot të regjistruar janë 707 mijë persona”, tha Rama./albeu.com/

The post Rama bën propozimin: Çfarë benefitesh do të kenë ata që marrin deri në 50 mijë lekë të reja appeared first on Albeu.com.