5 mije euro Archives - Albeu.com

U tall me gjatësinë e Melonit, gazetarja italiane gjobitet me 5 mijë euro

D Marku — Thu, 18 Jul 2024 10:40:04 +0000

Gjykata e Milanos ka urdhëruar gazetaren Giulia Cortese t’i paguajë kryeministrit italian Giorgia Meloni 5,000 euro (5,465 dollarë). Ky çmim vjen si i dëmshpërblim për Kryeministren e Italisë për talljen e saj në një postim në rrjetet sociale, sipas mediave të tjera lokale.

Veprimi ligjor vjen pas një përplasje në mediat sociale midis Melonit dhe gazetares, në kohën kur Meloni ishte në opozitë. Gazetarja Cortese kishte postuar një imazh të përpunuar të Melonit me një foto të liderit të ndjerë fashist Benito Musolini në sfond.

“Ti nuk më tremb mua, Giorgia Meloni. Në fund të fundit, ti je vetëm 1.2 metra e gjatë. Unë as nuk mund të të shoh“, shkroi ajo.

Gjatësia e Melonit thuhet se është mes 1.58 m dhe 1.63 m në media të ndryshme në Itali.

The post U tall me gjatësinë e Melonit, gazetarja italiane gjobitet me 5 mijë euro appeared first on Albeu.com.

Policia 5 mijë euro shpërblim, për kapjen e autorit të plagosjes në Tiranë

V K — Mon, 01 Jan 2024 13:14:18 +0000

Policia ka vendosur shpërblim 5 mijë euro, për këdo që do të japë informacion për arrestimin e autorit të dyshuar të plagosjes së ndodhur mesditën e sotmë, në në afërsi të xhamisë “Xhura” tek Oxhaku në Tiranë.

Ai është Saimir Xhafa, i datëlindjes 4 Janar 1988.

Njoftimi:

Lidhur me ngjarjen e ndodhur pak më parë, në afërsi të xhamisë “Xhura”, shërbimet e Policisë pas kryerjes së veprimeve të para hetimore, bënë të mundur identifikimin dhe shpalljen në kërkim të autorit të dyshuar të ngjarjes, shtetasit Saimir Xhafa, i ditëlindjes 04.01.1988, banues në Tiranë.

DVP Tiranë fton qytetarët që të japin informacion për autorin e kësaj ngjarjeje dhe vendos shpërblim 5000 euro, për çdo informacion të vlefshëm që do të çojë në kapjen e autorit. Drejtoria Vendore e Policisë Tiranë vendos në dispozicion të qytetarëve, numrin e telefonit 0694111546, duke garantuar anonimatin e plotë të çdo telefonuesi”, njofton policia.

The post Policia 5 mijë euro shpërblim, për kapjen e autorit të plagosjes në Tiranë appeared first on Albeu.com.

Me të “bardhë” dhe 5 mijë euro, arrestohet 35-vjeçari shqiptar në Itali

E S — Fri, 24 Jun 2022 17:09:02 +0000

Karabinierët kanë arrestuar një 35-vjeçar shqiptar, i cili prej disa ditësh qëndronte në qytetin e Ferrara-s në Itali. Estense shkruan se shqiptari momentalisht ndodhet në burg në pritje të gjykimit. Falë denoncimit të një të huaji të “dyshuar”, i cili ishte banuar pak ditë më parë në një hotel në Ferrara, karabinierët arrestuan një shpërndarës droge dhe sekuestruan gjysmë kilogrami kokainë.

Operacioni është kryer nga ushtarët e Bërthamës Radiomobile të Kompanisë Ferrara, me ndihmën e Seksionit të Operacioneve, duke kryer një kontroll në hotel. Karabinierët, pasi kanë kontaktuar me drejtuesit e hotelit, kanë konstatuar se një 35-vjeçar shqiptar kishte rezervuar një dhomë në strukturë, por për momentin nuk ndodhej në hotel. Duke qenë person i njohur në polici si subjekt gravitues në mjedisin e lëndëve narkotike, personat e Armës kanë vijuar kontrollin në dhomën e miqve, ku u gjetën dhe sekuestruan 505 gramë kokainë, e fshehur në një mbështjellës poshtë dyshekut.

Disa orë më vonë, në fakt shqiptari u ndalua dhe iu nënshtrua një kontrolli, gjatë të cilit iu gjetën pak më pak se 5 mijë euro në kartëmonedha të prerjeve të ndryshme, të cilësuara si të ardhura nga aktiviteti i tregtimit, si dhe tre celularë./albeu.com

The post Me të “bardhë” dhe 5 mijë euro, arrestohet 35-vjeçari shqiptar në Itali appeared first on Albeu.com.

Gjen 5,000 euro në rrobat e përdorura, shitësja bën gjestin e rrallë

E B — Fri, 21 Jan 2022 14:05:58 +0000

Një shitëse e rrobave të përdorura në tregun popullor të Papagout në Greqi ka gjetur 5000 euro në xhepin e veshjeve që kishte marrë për të tregtuar.

Gruaja, e identifikuar si Aleka, i ka dorëzuar ato në polici në rast se dikush do shkojë për t’i kërkuar.

“Nuk mund të mbaja diçka që nuk është e imja”, ka thënë ajo, pas gjestit human.

Paratë i janë dorëzuar policisë, por deri më tani askush nuk ka shkuar për t’i kërkuar. Nëse brenda vitit të ardhshëm nuk kërkohen nga pronari i tyre, atëherë do të shkojnë në Fondin e Depozitave.

Megjithatë, ajo u kërkoi autoriteteve që paratë të shkonin për “Buzëqeshjen e Fëmijës” dhe “ Arkën e Botës”.

The post Gjen 5,000 euro në rrobat e përdorura, shitësja bën gjestin e rrallë appeared first on Albeu.com.

E mori peng dhe e degjeneroi LIVE, Fabio Dushku ofronte 5 mijë euro për të rrahur Kozakun (VIDEO)

A M — Fri, 24 Sep 2021 08:36:13 +0000

Kozak Braci, që njihet gjerësisht si “Mbreti i Instagramit” është marrë peng ditën e djeshme. Të afërmit e personazhit të njohur si “Kozaku” në rrjetet sociale thanë që personat që e kishin rrëmbyer janë të afërm të një tjetër personazhi të rrjeteve sociale, Fabio Dushkut.
Gjithçka ndodhi pas sharjeve dhe fyerjeve për disa javë me radhë mes të dy personazheve në TikTok.

Ndërkohë në një video të publikuar në dhjetor të 2020 duket se mes dy të rinjve miq me njëri-tjetrin ka qenë hapur një konflikt dhe ky i fundit ofronte 5 mijë euro për të rrahur Kozak.

“Mi jep disa që tu jap 5 mijë euro që të rrahin Kozak. Kur tha 5 mijë euro thash për çfarë për të vra Kozak? Me të dhënë dy grushta dhe me të thyr një këmbë. Unë të kisha kap me sekonda unë, por nuk e bëja. Unë do të isha shofer në atentat”, thotë në video Klevioni një nga miqtë e Kozak.

Pjesë nga dialogu:

Djali në video: A të kam fol unë ty në privat, të kisha hap luftë pra.

Kozak: Hë njëherë vazhdoje,

Djali: Fabio i kishte thënë Arkimedit më ka mërzit Kozak, se ka dalë live me atë çunin dhe ai cuni e kishte sha te live i Kozak. Arkimedin e kanë marrë disa njerëz të ty, se ti je. Çfarë ishe ti?

Kozak: Nëpërkë

Djali: Ti nënvlerëzoke Fabion

Kozak: Asnjëherë nuk duhen nënvlerësuar njerëzit ai që s’ta pret mendja ta bën të keqen. Unë stresin e kam Vlla

Djali: Ai të puth dhe pas tre ditëve pir problemi është se do të rrahi. Doli Arkimedi jashtë

Kozak: Mua nuk më gjuan Stresi.

Djali: Fola me Fabion, ishte i mërzit dhe më tha detaje, i thash nuk është Kozak. Ai më ka kap ngushtë dhe e dua dhe kam dëgjuar mirë për të dhe kam fol me net të gjëra dhe kam dëgjuar historitë e tij. për momentin hyn te gangot e burgjeve në të gjithë botën. Nuk gjen dot si Fabio, janë me koka.

The post E mori peng dhe e degjeneroi LIVE, Fabio Dushku ofronte 5 mijë euro për të rrahur Kozakun (VIDEO) appeared first on Albeu.com.

Moderatorja e habitur nga çifti i “Përputhen”: Kërkojnë 5 mijë euro për një intervistë

A M — Thu, 06 May 2021 14:21:14 +0000

Konkurrentët e emisionit “Për’puthen” janë kthyer në personazhet më të ndjekur të këtyre muajve në media e rrjete sociale dhe gjithçka rreth tyre përbën interes të madh për publikun. Si personazhet më të përfolur të momentit dhe më të komentuarit në rrjete sociale, ata janë të kërkuar momentalisht për reklamime të bizneseve të ndryshme dhe po përfitojnë shuma të mëdha parash.

Së fundmi, ka qenë moderatorja e njohur, Aulona Musta ajo e cila ka zbuluar në emisionin “Pardon my french” çmenduritë që po ndodhin me çiftet e krijuara së fundmi në “Për’puthen”, ku tregoi se ato i kanë kërkuar 5 mijë euro për të qenë pjesë e emisionit.

“Njërin nga çiftet i ftova në emision dhe më kërkuan 5 mijë euro për të qenë të pranishëm në intervistë” – u shpreh Aulona.

Moderatorja lajmëroi para pak ditësh se shumë shpejt do të rikthehet me një program në ekran. Në “Pardon my french”, ajo zbuloi disa detaje nga projekti i saj i ri dhe siç duket përgatjet për intervista paskan filluar që tani.

Programi që do ta kthejë në ekran Aulona Mustën pas një periudhe pauze, do të jetë një “Late night show” dhe siç e tha moderatorja do të përmbajë pak nga të gjitha.

The post Moderatorja e habitur nga çifti i “Përputhen”: Kërkojnë 5 mijë euro për një intervistë appeared first on Albeu.com.