Pesë marinsat ishin në një avion Osprey MV-22B kur ai u rrëzua në veri të kufirit meksikan në Kaliforni të mërkurën.

“Jemi thellësisht të trishtuar për humbjen e marinsave tanë në këtë fatkeqësi tragjike,” tha gjeneralmajori Bradford Gering. “Zemrat tona janë me familjet dhe miqtë e tyre që përballen me këtë tragjedi.”

Emrat dhe moshat e marinsave nuk u publikuan.

Avioni Osprey, i cili mund të ngrihet dhe të ulet si një helikopter dhe të fluturojë si një avion konvencional me krahë, ishte i dislokuar në Stacionin Ajror të Trupave Detare në Kampin Pendleton rreth 225 km në perëndim të Glamisit ku ndodhi incidenti.

Sarah Marshall, një zëdhënëse e divizionit të këtyre avionëve tha se nuk kishte materiale bërthamore në bord, sipas gazetës Los Angeles Times./VOA

The post Rrëzohet avioni në Kaliforninë Jugore, humbin jetën 5 marinsa appeared first on Albeu.com.