Ashtu siç edhe në pamje, ky është momenti kur një person, ende i paidentifikuar, me xhup dhe kapuç të zi, ka kryer vjedhjen e pikës së këmbimit valutor në qendrën tregtare në zonën e “5 Majit” në Tiranë.

Gazetarja Xhensila Kodra, raporton se dyshohet që autori ka marrë 1.2 milionë lekë të vjetra. Po ashtu, gazetarja raportoi se autori ka hyrë si klient brenda pikës valutore dhe nën kërcënimin e armës, ka arritur të marrë sasinë e lekëve.

Më pas, ka dalë jashtë me shpejtësi, ndërsa ka arritur që të largohet me shpejtësi duke përdorur një motor.

Policia ka bërë rrethimin e zonës dhe ka ngritur pika kontrolli në akset rrugore përreth.

Njoftimi i Policisë:

“Rreth orës 09:10, në rrugën “5 Maji”, një shtetas ende i paidentifikuar, nën kërcënimin e një sendi në dukje armë zjarri (pistoletë), ka vjedhur një shumë parash në një pikë këmbimi valutor brenda një qendre tregtare dhe është larguar nga vendi i ngjarjes.

Menjëherë pas marrjes së njoftimit, shërbimet e Policisë kanë shkuar në vendngjarje, kanë bërë rrethimin e zonës dhe kanë ngritur pika kontrolli në akset rrugore përreth.

Shërbimet e Policisë po krehin zonën dhe po vijojnë kontrollet me qëllim kapjen e autorit.

Ndërkohë, grupi hetimor po punon për sqarimin e plotë të rrethanave të rastit”, njofton policia.

The post Grabitja me armë te “5 Maji”/ Momenti kur autori grabit pikën e këmbimit valutor, ja shuma e parave që arriti të marrë (FOTO) appeared first on Albeu.com.

Kryetarja e Organizatës së Veteranëve në Lezhë Marte Simoni tha se qëndrimi ndaj dëshmorëve nuk është vetëm çështje morali apo edukimi, nderi dhe dinjiteti kombëtar.

“Ne, kryetari i Bashkisë Lezhë, Elson Frroku dhe Prefekti Gjergj Prendi vlerësuam kontributin e të gjithë atyre që dhanë jetën për lirinë e vendit”.

Në aktivitetin e organizuar nga Bashkia Lezhë për Ditën e Dëshmorëve ra në sy mungesa e deputetëve të qarkut dhe përfaqësuesve të Partive Politike në Lezhë

The post Përkujtohet Dita e Dëshmorve në Lezhë, homazhe dhe kurora me lule në varrezat e dëshmorëve të qytetit appeared first on Albeu.com.

Në nderim të kësaj dite kryeministri,Edi Rama, mori pjesë në ceremoninë e homazheve shtetërore te Varrezat e Dëshmorëve të Atdheut.

Dita e Dëshmorëve e ka origjinën në 5 maj 1942, kur u vra Qemal Stafa, i cili me veprimtarinë e tij u kthye në simbol të Luftës Antifashiste Nacionalçlirimtare. Pas shpalljes së Pavarësisë më 1912 e deri me 1945, shteti shqiptar nuk krijoi një status ligjor për dëshmorët e Atdheut. Gjatë luftës Nacional-Çlirimtare, nisen përpjekjet e para, për të nderuar dëshmorët e rënë në fushat e betejave.

Pas çlirimit, më 28 gusht 1945, kryesia e Këshillit Antifashist Nacionalçlirimtar, miratoi ligjin Nr. 109 “Mbi shpërblimin e familjeve të dëshmorëve dhe invalidëve të Luftës Antifashiste Nacionalçlirimtare”.

Ky ligj sanksiononte trajtimin e familjeve të patriotëve që kishin luftuar e rënë për atdheun edhe para Luftës Antifashiste Nacionalçlirimtare, në kohën e Rilindjes Kombëtare, në luftërat për pavarësi, duke shënuar kështu përpjekjen e parë për një ligj integral për dëshmorët e Atdheut. Përpara krijimit të shtetit shqiptar, populli i kujtonte dëshmorët dhe mbante gjallë legjendat e tyre, nëpërmes këngës epike, dhe trashëgimisë të historisë të tyre nga brezi në brez.

Në kohën e komunizmit, 5 Maji u bë traditë. Ishte ditë e shënuar. Tiparin dallues të kësaj dite e përbënin vizitat në varrezat e dëshmorëve të Luftës Antifashiste Nacional-Çlirimtare dhe vizitat në familjet e dëshmorëve.

U ndërtuan varreza dëshmorësh në çdo qendër rrethi. Shqipëria, përpos 26 të tillave që ishin në qendrat e rretheve, pati dy të tjera, krejt të veçanta e që u përkisnin dy fshatrave martire, Kuçit të Kurveleshit dhe Pezës së Tiranës. Ndërsa në këtë të fundit përuleshin e nderonin gjithë udhëheqja e partisë dhe shtetit, si në 5 maj, ashtu dhe në 16 shtator, ditën e Konferencës së Pezës, në Kuç, si rregull shkonin nxënësit e shkollës së fshatit dhe familjet e dëshmorëve./albeu.com/

The post Sot 5 Maji, Rama merr pjesë në ceremoninë e nderimit të Dëshmorëve të Kombit appeared first on Albeu.com.

Ndërkohë ditën e sotme janë zbuluar sesa municione kishte brenda në thesin e fshehur brenda një grope.

U gjetën 73 fishekë luftarak të kalibër të madh, rreth 150 krehëra që mbajnë fishekë të kalibreve të ndryshëm, 92 pjesë shuli si ato të armës së zjarrit pjesë armësh automatike, 1 tytë mitralozi, 2 pajisje optike për armët se dhe 4 targa, nga të cilat 2 ishin angleze 1 targë italiane dhe 1 targë plastike shqiptare.

Armët dhe municionet luftarake janë dërguar për ekzaminim në laboratorin e policisë kriminale për të zbuluar nëse janë përdorur ose jo në ndonjë ngjarje kriminale. Gjatë operacionit nuk është arrestuar asnjë person dhe po punohet për të identifikuar poseduesit që i fshehën armët aty.

Njoftim policie

Policia e Shtetit del me informacion zyrtar pas zbulimit të një sasie armësh e municionesh ditën e djeshme në Tiranë.

Sekuestrohen pjesë të armëve të ndryshme, dylbi për snajper, një granatëhedhës, karikatorë dhe municion luftarak.

Më datë 05.10.2022, në rrugën “Besim Fagu”, Tiranë, shërbimet e Komisariatit të Policisë Nr. 4, pas informacioneve të marra në rrugë operative se disa persona, për shkak të presionit të Policisë, kishin transportuar dhe hedhur në një ambient të jashtëm, pjesë armësh e municion luftarak, menjëherë kanë ushtruar kontroll dhe kanë gjetur në rrugën “5 Maji”, pjesë armësh të ndryshme (kallashi, mitralozi të lehtë, mitralozi të rëndë, pushke), municione luftarake dhe pajisje optike ushtarake, të futura në thasë.

Grupi hetimor, nën drejtimin e Prokurorisë pranë Gjykatës së Rrethit Gjyqësor Tiranë, vijon punën për identifikimin e poseduesve të armëve dhe dokumentimin e plotë të këtij rasti.

Provat materiale do dërgohen në Institutin e Policisë Shkencore, për ekzaminim./albeu.com

The post U sekuestruan dje te “5 Maji”, zbulohen sa armë e municione kishte brenda thesit të fshehur në gropë appeared first on Albeu.com.

Zyrtarë të shtetit dhe politikës, dhe të afërm të të rënëve në Luftën Antifashiste Nacionalçlirimtare vendosën kurora me lule përpara memorialit në nderim të të rënëve në luftën anti-fashiste.

Kjo ditë bëri bashkë presidentin e Republikës së Shqipërisë Ilir Metën, Ministrin e Mbrojtjes Niko Peleshin, Kryetarin e Bashkisë Erion Veliaj, Ministren e Ekonomisë Anila Denaj dhe Kyetaren e Kuvendit Lindita Nikolla.

Kryeministri Edi Rama nuk ishte i pranishëm gjatë homazheve të ditës së sotme, pasi ndodhet në Varshavë pasi do të jetë pjesëmarrës në Konferencën e Donatorëve për Ukrainën.

Dita e Dëshmorëve e ka origjinën në 5 maj 1942, kur u vra Qemal Stafa, i cili me veprimtarinë e tij u kthye në simbol të Luftës Antifashiste Nacionalçlirimtare.

Në këtë ditë janë të shumtë emrat e të gjitha kohërave që kujtohen me mirënjohje jo vetëm për vlerat e përjetshme dhe kontributin që dhanë për çlirimin e vendit për një të ardhme më të mirë, por edhe të gjithë ata që sakrifikuan jetën e tyre për liri, demokraci, të drejtat e njeriut dhe dinjitetin e çdo shqiptari.

The post 5 Maji bën bashkë politikanët, homazhe te Dëshmorët e Kombit appeared first on Albeu.com.

“MIRËMËNGJES

Përulësisht me #RESPEKT për ata që e deshën atdheun me jetë. Të paharrueshmit, Dëshmorët tanë”, shkruan Rama.

Dita e Dëshmorëve e ka origjinën në 5 maj 1942, kur u vra Qemal Stafa, i cili me veprimtarinë e tij u kthye në simbol të Luftës Antifashiste Nacionalçlirimtare.

Pas shpalljes së Pavarësisë më 1912 e deri me 1945, shteti shqiptar nuk krijoi një status ligjor për dëshmorët e Atdheut. Gjatë Luftës Nacionalçlirimtare, nisën përpjekjet e para, për të nderuar dëshmorët e rënë në fushat e betejave. Pas Çlirimit, më 28 gusht 1945, kryesia e Këshillit Antifashist Nacionalçlirimtar, miratoi ligjin Nr. 109 “Mbi shpërblimin e familjeve të dëshmorëve dhe invalidëve të Luftës Antifashiste Nacionalçlirimtare”. Ky ligj sanksiononte trajtimin e familjeve të patriotëve që kishin luftuar e rënë për atdheun edhe para Luftës Antifashiste Nacionalçlirimtare, në kohën e Rilindjes Kombëtare, në luftërat për pavarësi, duke shënuar kështu përpjekjen e parë për një ligj integral për dëshmorët e Atdheut.

Në vitet ’60-të statusi i dëshmorit përpunohet më tej dhe zgjerohet, duke specifikuar termin ”Dëshmor i Atdheut”. Në këtë ligj futen edhe Varrezat e Dëshmorëve të Atdheut, të cilat u ndërtuan në të gjitha qendrat e rretheve të vendit. U ndërtuan edhe Varrezat e Dëshmorëve të Atdheut në Tiranë me monumentin “Nënë Shqipëri”.

Me 1992-1993, me ndërrimin e sistemit politik, pësoi ndryshime edhe statusi i Dëshmorit të Atdheut.

Në vitin 2000, u miratua ligji Nr. 8607 datë 27.04, “Statusi i Dëshmorit të Atdheut”, në të cilin përfshihen dëshmorët e të gjitha periudhave historike, madje edhe të rënët në vitet 1997-1999, në Shqipëri dhe në Luftën Çlirimtare të Kosovës./albeu.com

The post Sot 5 Maji, Rama: Të paharruar dëshmorët tanë appeared first on Albeu.com.

Rama shprehet se ata do vendosen në shtëpi me qira të paguara nga shteti derisa të ndërtohen shtëpitë e tyre të reja.

“Po pse me mire te mos i benim qendrat e reja shendetesore dhe asfaltet qe s’u bene kurre, meqe eshte viti 2022 apo me mire t’i bejme?! Sa per ata banoret qe po u prishen banesat e kemi thene nja njeqind here qe do i lem neper shtepie me qera te paguar nga shteti derisa t’u ndertojme shtepite e reja”, shkruan Rama.

Inspektoriati i Mbrojtjes së Territorit nisi sot një tjetër aksion në lagjen “5 Maj” në Tiranë duke hasur herët në mëngjes rezistencën e banorëve. Ata kundërshtojnë prishjen e banesave të tyre, ndërsa janë përplasur me forcat e policisë, të cilat ishin të shumta. Aksioni u shoqërua me britma dhe të qara. Një pjesë e banorëve kanë hedhur gurë e sende të forta në drejtim të uniformave blu./albeu.com/

The post Përplasjet e sotme te “5 Maji”, Rama “sherr” me qytetarët në Facebook (FOTO LAJM) appeared first on Albeu.com.

Një qytetar në Facebook i komenton Ramës duke i thënë se po nxjerr qindra familje jashtë që kompanitë e miqve të tij të përfitojnë.

Komentuesi: Nuk ju vjen turp qe dilni neper rrjete sociale kur nxirrni me qindra familje jasht nga shtepitè e tyre …per ti dhen leje ndertimit nje kompleks pallatesh… identik per perfitim te disa kompanive te shokeve tuaj.

Rama i është përgjigjur duke i thënë: Dalip Byku nuk kemi nxjerre asnje jashte nga shtepia per asnje kompani te asnje shokut tone, por po ndertojme nje lagje te re ku edhe ata qe i kane shtepite pa leje e qe sigurisht do t’iu prishen, do te marrin shtepi te re me nje vlere shume me te madhe se ajo qe kane! Prandaj turpi le t’u mbetet atyre qe bejne politike percarese edhe me catite e familjeve, nderkohe qe ne do te bejme per te gjitha ato familje te njejten gje qe beme me familjet e prekura nga termeti, pa dallim partie e krahine./albeu.com

The post Rama reagon sërish për tensionet te “5 Maji”: Sigurisht që do prishen shtëpitë pa leje, por banorët do të marrin një më të madhe appeared first on Albeu.com.

Njëri prej komentuesve i thotë se do të ngelet në histori si njeriu që solli diktaturën, ndërsa Rama i përgjigjjet se fyerjet nuk janë argumenta, ndërsa përmendja e diktaturës është pa lidhje.

“Ne cilën diktature zonje shteti te jep shtepi pasi te prish banesen pa leje dhe sa te te ndertohet shtepia te mban me qera, ku, kur ka ndodhur dicka e tille? Fyerjet nuk jane argumenta, ndersa permendja e diktatures keshtu pa lidhje fare eshte fyerje per te gjitha viktimat e diktatures!”- shkruan Rama.

Sa i përket një tjetër komenti të një qytetari që i shkruan se se po ushtron forcë për të nxjerrë banorët nga banesat, Rama thotë se nuk është përdorur asnjë torturë dhe shton se asnjë që shoqërohet me forcë, i cili do të  pengojë zhvillimin nuk hidhet në rrugë.

“Asnjë torturë përkundrazi, asnjë njeri që shoqërohet forcërisht për të mos e penguar forcërisht zhvillimin nuk hidhet në rrugë po edhe kur banesa është pa leje fare, merr bonusin e qirasë deri në ndërtimin e një shtëpie, njësoj siç bëmë me të prekurit nga tërmeti, pra me shumë njerzillëk dhe solidaritet. Po natyrisht që askush nuk mund të arrë peng punën sepse kështu pastaj i bie që shumë nëna e baballarë që presin të hyjnë në shtëpi pas tërmetit, të mbahen penga nga pak të tjerë”, shkruan kryeministri. /albeu.com

The post Prishjet e banesave te “5 Maji”, Rama: Në cilën diktaturë shteti të jep shtëpi pasi të prish banesën pa leje (FOTO LAJM) appeared first on Albeu.com.

Berisha shkruan se po ushtrohet terror policesk ndaj banorëve që po mbrojnë si heronj shtëpitë e tyre.

“Terror policesk ndaj banorve te 5 Majt! Ata po mbrojne si heronj shtepite te tyre! Sb”, ka shkruar Berisha.

Kujtojmë se skenat e para gjatë ditës së sotme, kanë qenë jo fort të këndshme, pas përplasjeve të ndodhura mes banorëve e policisë./albeu.com/

The post Shembjet te “5 Maji”, Berisha nxjerr pamjet dhe denoncon: Terror policesk (VIDEO) appeared first on Albeu.com.