Edmond Xhafa është lënë në burg pasi ditën e djeshme doli në seancën dëgjimore në Porta Nuova të Italisë ku disa ditë më parë rrahu një 21-vjeçare në palestër dhe më pas u kap me drogë.

Sipas mediave vendase, 48-vjeçari shqiptar dy ditë pas denoncimit të pronares së palestrës, e cila publikoi dhe pamjet e dhunës, u kap me drogë, armë pa leje dhe municione, si dhe marrjen e mallrave të vjedhura dhe veprat kundër dopingut. Me të, të martën e kaluar, gjatë një blici nga karabinierët, në pranga përfundoi edhe shoku i tij Fabrizio Zaramelli, 53 vjeç.

Dje të dy janë marrë në pyetje nga gjyqtari hetues Nicola Colantonio. Shqiptari i mbrojtur nga avokati Giuseppe Piserchia ka shfrytëzuar të drejtën për të mos u përgjigjur ndërsa Zaramelli i ndihmuar nga avokati Paolo Zaccardi përsëriti atë që i kishte thënë menjëherë karabinierëve, se 160 gram kokainë, arma me 58 fishekë dhe anabolikët e gjetur në shtëpinë e tij teksa stërvitej me Xhafën, nuk janë të tijat.

“Unë. nuk kam asnjë lidhje me këtë histori”, tha ai.

Nga hetimet rezultoi se armët dhe plumbat ishin vjedhur në vitin 2019 nga një shtëpi në Francavilla. Në përfundim të marrjes në pyetje, gjyqtari vërtetoi arrestimet për shkak të rrezikut të përsëritjes së krimeve. Avokatët e tyre tani do të shqyrtojnë nëse do të paraqesin një kërkesë në gjykatën e rishikimit.

Në një video të publikuar nga pronarja e një palestre në Porta Nova Xhafa shihet teksa godet dhunshëm një 21-vjeçare e cila po stërvitej aty. Vajza, edhe pse ka marrë disa lëndime, nuk ka bërë denoncim në polici por ka qenë pronarja e palestrës e cila ka denoncuar Xhafën, ende nuk dihen motivet e dhunës ndaj së resë./albeu.com

The post Dhunoi 21-vjeçaren në palestër dhe u kap me drogë, arrestohet 48-vjeçari shqiptar (EMRI) appeared first on Albeu.com.

Karabinierët e kanë kapur Xhafën në shtëpinë e mikut të tij ku edhe strehohej.

Në momentin e arrestimit Xhafa dhe miku i tij kanë qenë duke bërë stërvitje në një dhomë të cilën e kishin kthyer në palestër.

Gjithashtu mediat italiane, bëjnë me dije se gjatë kontrollit të ushtruar në banesë, kasafortë është shfaqur një pistoletë automatike e markës “Colt Dallara Castom”, kalibër 10, me 58 fishekë. Arma dhe plumbat ishin vjedhur në vitin 2019 nga një shtëpi në Francavilla.

Dyshimi i hetuesve është se 53-vjeçari italian ka vënë në dispozicion kasafortën për të fshehur armën e shokut të tij shqiptar dhe për t’i bërë një nder. Çfarë mund të kishte bërë shqiptari me atë armë është një pyetje që ndoshta do t’i drejtohet gjatë marrjes në pyetje, që do të bëhet në ditët në vijim.

Përkrah shtangës së hekurt, në tavolinën e kuzhinës së Edmond Xhafës (i njohur shkurt si Edi), që u bë protagonist i incidentit të ndodhur të mërkurën e kaluar në palestrën “Audacia”, në Porta Nuova, është gjetur edhe një qese kokainë dhe disa shishe me anabolikë.

Në total u sekuestruan 160 gramë kokainë, “pjesërisht e ndarë në doza dhe materiale të ndryshme për paketim me një peshore lektronike precize”. Dy miqtë e apasionuar pas palestrës ndoshta përdorin personalisht anabolikët, ndërsa raporti i policisë flet për “15 ampula steroide duke përfshirë nandrolone dekanoate dhe testosterone”.

Ai akuzohet për mbajtje të armëve dhe municioneve, marrje mallrash të vjedhura, trafik droge dhe vepra antidoping, ndërsa në pranga ka përfunduar edhe miku i tij, Fabrizio Zaramelli.

Deri më tani, shqiptari nuk është akuzuar për krime për sulmin ndaj të resë, por ka një hetim të hapur për këtë mëngjesin e së hënës, pasi vajza u dëgjua nga prokurorja Benedetta Salvatore në një intervistë që zgjati dy orë e gjysmë.

Vajza nuk ka denoncuar shqiptarin, por hetimi ka nisur sipas detyrës zyrtare pasi prognoza e raportuar është më shumë se 20 ditë. Në vend të kësaj, pronarja e qendrës së fitnesit, Sara D’Alessandro, bëri një ankesë.

The post Rrahu 21-vjeçaren në palestër, prangoset “gangua” shqiptar (VIDEO) appeared first on Albeu.com.