Lajmin e ka bërë të ditur zëvendës prokurori kryesor dhe drejtori i Shërbimit Nacional Hetues në Bullgari, Borisllav Sarafov.

Ai deklaroi për BTA se tashmë janë identifikuar të 45 viktimat e autobusit që ndërruan jetë si pasojë e djegies së autobusit në autostradën Struma. Identifikimi i tyre është bërë me profile të ADN-së.

“Në orët e hershme të mëngjesit më 23 nëntor në autostradën tek fshati Bosnek, autobusi me targa të Shkupit, që ka qarkulluar nga Turqia drejt Republikës së Maqedonisë së Veriut ka dalë nga rruga dhe ka marrë flakë. Dje, me dekret të prokurorit publik, është lëshuar miratim që eshtrat e viktimave t’u dorëzohen përfaqësuesve të Qeverisë së Republikës së Maqedonisë së Veriut për transport dhe transferim të familjarëve të tyre”, tha Serafov.

Qeveria bullgare do të ndihmojë në transportin e tyre me sigurimin e një aeroplani ushtarak./albeu.com/

The post Përfundon identifikimi i viktimave nga aksidenti tragjik në Bullgari, gati transportimi i trupave appeared first on Albeu.com.

Homazhet janë zhvilluar në sheshin “Skendërbej”, ku shumë qytetarë kanë ndezur qirinj dhe kanë vendosur lule me emrat e personave që kanë humbur jetën në aksident.

Ky organizim kryesisht është thirrur përmes rrjeteve sociale nga aktivistë dhe figura publike.

Kujtojmë se aksidenti tragjik ka ndodhur më 23 nëntor në një autostradë në jugperëndim të Sofjes.

Fillimisht mjeti ka humbur kontrollin duke u përplasur me barrierat  anësore.

Më pas autobusi është përfshirë nga flakët. Si pasojë e aksidentit, kanë humbur jetën 46 qytetarë. Nga hetimet e deritanishme, dyshohet se ka qenë gabimi i shoferit, por do të pritet përfundimi i hetimeve për të përcaktuar shkakun.

Për këtë ngjarje, Maqedonia e Veriut dhe Kosova kanë shpallur ditë zie kombëtare, ndërkohë që Shqipëria nuk e ka bërë një gjë të tillë./albeu.com/

The post Qirinj dhe lule, homazhe në sheshin “Skënderbej” për 46-viktimat e aksidentit në Bullgari (VIDEO) appeared first on Albeu.com.

“Të gjitha viktimat në autobusin e aksidentuar kanë vdekur si pasojë e asfiksisë nga zjarri, e jo nga lëndimet nga aksidenti, sipas të dhënave të ekspertizës mjeko-ligjore të caktuar nga hetimi, njoftoi sot zëvendëskryeprokurori Borislav Sarafov”, raporton mediumi bullgar Dnevnik.

Autobusi, i regjistruar në Maqedoninë e Veriut, është përfshirë nga flakët në një autostradë, në jugperëndim të Sofjes, mëngjesin e 23 nëntorit.

Hetimet për shkakun e zjarrit kanë nisur. Në mesin e viktimave janë gjithsej 12 fëmijë, përfshirë du vëllezër binjakë nga 4 vjeç.

Shumica e udhëtarëve ishin turistë që ktheheshin nga një udhëtim në Stamboll të Turqisë. Shtatë persona kanë shpëtuar dhe janë dërguar me djegie në spital.

Maqedonia e Veriut ka shpallur tri ditë zie për viktimat. Ditë zie kanë shpallur edhe Kosova dhe Bullgaria./Gazeta Express

The post Ekspertiza e autoriteteve bullgare: Viktimat vdiqën nga zjarri, jo nga lëndimet e aksidentit appeared first on Albeu.com.