Mediat bëjnë me dije se pritet që mëngjesin e sotëm me dy helikopterë ushtarakë në Shkup të mbërrijnë viktimat.

Ambasadori i Bullgarisë në Maqedoninë e Veriut, Angel Angelov, ka njoftuar se trupat e pajetë do të barten me dy avionë transportues ushtarak.

Ndërkohë, Ministri i Jashtëm, Bujar Osmani, nëpërmjet një statusi në Facebook ka bërë me dije se sot do të ndryshojë orari i pritjes së kufomave.

Ai njoftoi se pas transportit në aeroportin e Shkupit, me kërkesë të disa familjarëve, kufomat do të dërgohen në shtëpitë e tyre ose në varreza në mënyrë që të mbërrijnë para namazit të Xhumasë.

Ndërkohë Ministria e Punëve të jashtme ka bërë me dije se trupat e viktimave do të priteshin me homazhe në sheshin “Skënderbeu” në Shkup ku do të vendoseshin edhe kurora me lule në nder të tyre./albeu.com/

The post Tragjedia në Bullgari, mbërrijnë sot në Maqedoni 45 trupat e pajetë appeared first on Albeu.com.

“Prokurori publik i cili po e udhëheq lëndën do të vlerësojë nëse ka nevojë dhe a do të shqiptohen masa. Që ta mos prishim hetimin, për momentin nuk do të ishte mirë t’i zbulojmë të dhënat lidhur me atë se cilët persona janë dëgjuar, në çfarë roli janë dëgjuar dhe cilët persona planifikojmë t’i dëgjojmë në vazhdim”, tha prokurori publik, Lubomir Joveski.

Sipas prokurorëve bullgarë, pronari i kompanisë nuk mund të mbajë përgjegjësi, sepse siç thanë, ai nuk e ka drejtuar autobusin.

“Pronari nuk mund të akuzohet, sepse ai as nuk e ka drejtuar autobusin, e as nuk ishte përfshirë në udhëtimin e organizuar. Domethënë, pronari i këtij autobusi dhe kompania është me seli dhe menaxhim në Republikën e Maqedonisë së Veriut”, u shpreh Biser Jordanov Mihajllov – zëvendësprokuror në Pernik.

Edhe përkundër asaj se zjarri kaploi tërë autobusin për vetëm disa minuta, hetuesi kryesor pohon se të nuk është transportuar karburant. Shton se ende po analizohen mbetjet e autobusit.

“Kategorikisht i hedhim poshtë supozimet se është transportuar benzinë ose se ka pasur eksploziv. Nuk mund të thuhet me siguri të plotë tani, por janë bërë kontrolle dhe nuk janë zbuluar mjete shpërthyese dhe mbetje të tilla. Por, sërish do të them, puna e kimistëve dhe teknikëve bashkë me ekspertët auto-teknikë vazhdon në mënyrë intensive  dhe jam i bindur se së shpejti do të kemi të dhëna më të qarta sa i takon kësaj çështjeje”, shtoi Mlladen Hristov Petrov nga Shërbimi për hetime i Republikës së Bullgarisë.

Edhe Joveski është i prerë se në fuçitë që nuk ishin përfshirë nga flakët nuk është transportuar naftë, edhe pse ka pasur gjurmë të karburantit. Por, a ka pasur fuçi të mbushura të cilat janë djegur gjatë një shpërthimi kaq të madh?

“Nëse në vendin ku shpërtheu zjarri janë gjetur fuçi boshe të cilat paraprakisht janë shfrytëzuar për naftë dhe nëse organet bullgare në pajtueshmëri me analizat kumtuan se atje ka pasur mbetje të naftës dhe se fuçitë nuk janë djegur, si mund të flasim se me to është bërë kontrabandë me naftë?

Kolegët nga Bullgaria thanë se për këtë do të ketë ekspertizë, kurse unë nuk e di ku ishin vendosur ato fuçi, do të kishin lënë gjurma në autobus. Kjo rrethanë do të qartësohet përmes një ekspertize”, potencoi Lubomir Joveski – prokuror publik.

Prokurorët e Bullgarisë thonë se deri në fund të javës së ardhshme do të përfundojë procesi i identifikimit të viktimave dhe se atëherë familjet do të mund t’i marrin kufomat e të afërmve të tyre me qëllim që të mund t’u organizojnë varrim dinjitoz./TV 21/

The post Profilet e ADN-së u dorëzohen prokurorëve bullgarë, 8 persona përfshi pronarin e “Besa Trans” do të merren në pyetje appeared first on Albeu.com.

Në rrjetet sociale është publikuar një video 3D që tregon skenën se si ndodhi aksidenti tragjik.

Nga pamjet në video, duket se shoferi ka humbur kontrollin dhe autobusi është përplasur me barrierat anësore të rrugës, duke shpërthyer në flakë.

Kujtojmë se ngjarja e rëndë ka ndodhur në orët e para të mëngjesit të së martës.

The post Dalin pamjet 3D, tregojnë si ka ndodhur aksidenti në Bullgari (VIDEO) appeared first on Albeu.com.

Familja 12-anëtarëshe Jahiu ka humbur gjashtë fëmijët që ishin në atë autobus bashkë me gjashtë familjarët e tjerë. Sipas informacioneve që KOHA ka marrë nga të afërmit e viktimave, të gjashtë fëmijët ishin nën 12 vjeç.

Në shkollën ku fëmijët kishin vijuar mësimin, sot është ndërprerë mbajtja e mësimit në nderim të tyre, raporton KOHA.

Deri tani, nuk ka informacione zyrtare mbi shkaqet që çuan në aksidentin e autobusit. Pronari i kompanisë së autobusit është intervistuar nga organet kompetente dhe ka thënë se nuk ka pasur më parë incidente me linjat e autobusëve të tij.

Dyshohet se në autobus ka pasur shishe të mbushura me naftë, ndonëse një gjë e tillë ende nuk është konfirmuar zyrtarisht.

Gjithsesi hetimet janë në vijim e sipër dhe pritet që shumë shpejt të dalë një rezultat konkret nga ekspertiza./albeu.com/

The post E RËNDË/ 12 anëtarët e familjes Jahiu “shuhen” në aksidentin në Bullgari, 6 ishin fëmijë appeared first on Albeu.com.

Sipas informacioneve, autobusit i ka plasur goma e përparme djathtas, e më pas është përplasur në parmakë dhe është zvarritur. Në atë moment është derdhur karburanti që lidhet me ngrohjen në autobus, duke shkaktuar zjarrin. Kjo ka ndodhur në pjesën e përparme të autobusit. Këto detaje u zbuluan në një deklaratë për Televizionin Kombëtar Bullgar nga Vasko Pirgov, i cili është ekspert i motorëve me djegie të brendshme dhe ishte ndër të parët që mbërriti në vendin e tragjedisë në mëngjes. Sipas tij, shoferi pranë karrigeve të përparme ka pasur tuba të mbushur me naftë, dhe për këtë shkak ka ndodhur shpërthimi.

“Zjarri ka ndodhur për shkak të gabimit të shoferit, i cili është shpërqendruar në rrugë. Aty është një çezmë ku ndalen njerëzit që kanë ndonjë nevojë, është për pauzë, ka disa lokacione të këtilla dhe është e thurur me bankinë. Duke hyrë në bankinë, shoferi ka goditur dhe e ka thyer shenjën që tregon se aty ka çezmë. Ajo shenjë ka fluturuar rreth 35 metra. Me siguri autobusi ka lëvizur me shpejtësi më shumë se 100 km në orë. Autobusi nuk ka shenja frenimi, do të thotë, shoferi nuk ka reaguar në mënyrë përkatëse”- deklaroi Vasko Pirgov- ekspert për motorë me djegie të brendshme.

Megjithatë, organet bullgare të hetimit nuk kanë vërtetuar nëse në autobus ka pasur fuçi me karburant. Në zbulimin e shkaqeve të tragjedisë do të punojnë vetëm organe bullgare të hetimit.

“Po vijmë sërish te versionet kryesore, a është gabim njerëzor apo mosfunksionim teknik i autobusit? Ka qenë edhe shoferi i dytë, por nuk mund të themi nëse ka shpëtuar. Mendojmë se të dy shoferët nuk kanë mbijetuar”- pohoi Borisllav Sarafov, Shërbimi hetimor kombëtar i Bullgarisë.

Bullgaria paralajmëron hetim të shpejtë.

“Dua të siguroj kolegët e mi nga Maqedonia e Veriut se Prokuroria Publike e Bullgarisë do të bëjë çdo përpjekje për të kryer hetim të shpejtë, objektiv dhe efikas për të përcaktuar arsyet e këtij incidenti të rëndë”- tha Sijka Mileva, Prokuroria publike e Bullgarisë.

Shefi i Prokurorisë publike në Maqedoni, Ljubomir Joveski dhe shefja e Prokurorisë për Krim të organizuar, Villma Ruskoska, ishin në vendin e ngjarjes dhe informuan, se me kolegët bullgarë do të bashkëpunojnë vetëm rreth dokumenteve të Besa transit “.

“Këtu është në vendngjarje, atje ku është autobusi, është edhe pronari i kompanisë së transportit. Fola shkurt me të. Ai tha se ka 20 vite, që është kompani transporti. Deri më tani nuk ka pasur ndonjë incident, kjo sipas tij. Por, siç thanë tashmë kolegët, ne do ta sigurojmë dokumentacionin e plotë për të gjithë autobusët – kur janë të regjistruar, kur kanë qenë për kontroll teknik dhe do t’ua dërgojmë kolegëve këtu në Bullgari.“- pohoi Vilma Ruskovska, Prokuroria për krim të organizuar dhe krim.

“Dokumentet për pronësinë e autobusit janë siguruar dhe do t’ua dorëzojmë kolegëve të Prokurorisë Publike Bullgare. “Por duhen studiuar shumë dokumente për të vërtetuar faktet”- tha Ljubomir Joveski, Kryeprokuror i Maqedonisë.

Kryeministri Zaev dhe kolegu i tij bullgar, Stefan Janev theksuan se sot nuk do të spekulojnë për shkaqet e aksidentit, por këtë do ta vërtetojnë organet hetuese./Alsat/

The post “I plasi goma e parë”, tragjedia me 46 viktima në Bullgari, zbardhen dyshimet e para appeared first on Albeu.com.

Të lënduarit ndodhen në trajtim mjekësor në Bullgari dhe bëhet me dije se të gjithë janë jashtë rrezikut për jetën.

Lista e personave që kanë shpëtuar:

Sh. N. Saleh 36 vjeç

Medina Lutfi 25 vjeç

Lulzim Sulejmani 26 vjeç – nga Presheva

Gjyla Jasharovska 49 vjeç

Minir Jasharovski 50 vjeç

Ebib Pajazitovski 49  vjeç

Zulehja Jasharovska 16 vjeç/Alsat.mk/

The post EMRAT/ 7 shqiptarët që i mbijetuan aksidentit tragjik në Bullgari appeared first on Albeu.com.