E nominuara e GERB-it për postin e kryeministres, Maryia Gabriel, dhe lideri i partisë Ne Vazhdojmë Ndryshimin, Nikolay Denkov, janë pajtua që të dy të kenë pozitën e kryeministrit, përmes një rotacioni çdo nëntë muaj, njoftoi Gabriel gjatë një konference për media më 22 maj.

GERB fitoi zgjedhjet e 2 prillit, që ishin zgjedhjet e pesta parlamentare të mbajtura në Bullgari në dy vjetët e fundit. Kjo parti siguroi 26.5 për qind të vota, apo 69 ulëse në Parlament. Partia Ne Vazhdojmë Ndryshimin – Bullgaria Demokratike doli e dyta me 24.5 për qind të votave, duke fituar 64 mandate. Që të dy këto parti kanë 133 ulëse në Parlament, duke krijuar një shumicë në Parlamentin prej 240 ulësesh.

Sipas marrëveshjes, koalicioni qeverisës do të ketë agjendë pro-Bashkimit Evropian, anëtarësimin në Zonën Schengen dhe adaptimin e monedhës euro në mesin e prioriteteve kryesore. Po ashtu, prioritet është vendosur edhe luftimi i ndikimit rus në sektorin e sigurisë së Bullgarisë.

Bullgaria është udhëhequr kryesisht nga Qeveri në detyrë që janë emëruar nga presidenti Rumen Radev, që kur protestat shpërthyen më 2020, për shkak të zemërimit të publikut me korrupsionin në vend. Në shkurt, Radev shpërndau Parlamentin dhe shpalli zgjedhjet për 2 prill.

Qershorin e vitit të kaluar, Qeveria pro-perëndimore e kryeministrit Kiril Petkov, u rrëzua pas një mocioni mosbesimi në Parlament. Petkov udhëhoqi me ekzekutivin bullgar për gjashtë muaj.

Kriza politike ka detyruar Bullgarinë që të shtyjë miratimin e përdorimit të euros deri në vitin 2025. Në dhjetor, Austria dhe Holanda bllokuan procesin që Bullgaria dhe Rumania të pranoheshin në zonën e lëvizjes pa pasaporta, Schengen./rel/

The post Partitë bullgare arrijnë marrëveshje për formimin e Qeverisë appeared first on Albeu.com.

Autobusi, që transportonte turistë në Maqedoninë e Veriut pas një udhëtimi fundjavë në Stamboll, mori flakë në një autostradë në orët e para të 23 nëntorit. Të gjitha viktimat janë identifikuar si shqiptarë etnikë nga Maqedonia e Veriut, shkruan Reuters.

Gabimi njerëzor ishte ndoshta shkaku kryesor i aksidentit, thanë hetuesit bullgarë.

Arkivolët e gjelbër me 10 viktima u ulën në tokë në varrezat e fshatit Morane – të katër fëmijët e Enver Jahit, gruaja e tij, kunata e tij me dy fëmijët e saj dhe dy fëmijët e njërës prej motrave të Jahit – të gjithë nga Morane.

Arlinda Vlashi, mësuesja e 11-vjeçarit Omer Jahi, i cili u varros pranë tre vëllezërve e motrave të tij dhe nënës së tyre, erdhi për të nderuar.

“Si mund të shkoj në klasë tani kur nuk e shoh atë?” tha ajo me lot.

“Unë isha mësuesja e re e Omerit kur ai filloi klasën e gjashtë në shtator. Ai ishte një djalë shumë i mirë, shumë i mençur, shumë i sjellshëm dhe përvetësonte shpejt.”

Enver Jahi, i cili nuk shkoi në udhëtim për në Stamboll, sepse duhej të drejtonte restorantin e familjes, qëndronte duke qarë në shi, ndërsa varroseshin arkivolet, pasuar nga lutjet e hoxhës.

“Ky ishte një lajm shumë i keq për ne. Jo vetëm për mua por për të gjithë fshatin”, tha Nuredin Bajrami, një fqinj i familjes Jahi.

“Ne i njihnim shumë mirë, kishin edhe një restorant dhe njerëzit i vizitonin shumë shpesh. Ata ishin njerëz shumë të mirë.”

Trupat e viktimave të tjera të rrëzimit mbërritën me dy avionë ushtarakë bullgarë të premten pasdite në aeroportin e kryeqytetit të Maqedonisë së Veriut, Shkup./Ekspress/

The post Tragjedia në Bullgari: Shqiptari nga Maqedonia e Veriut përcolli sot në banesën e fundit 10 familjarë (FOTO LAJM) appeared first on Albeu.com.

“Rruga ishte krejt me naftë. Autobusi është lëvizur me 100km në orë dhe nuk kishte shenja frenimi. Aksidenti ka ndodhur si rezultat i gabimit njerëzor”, tha Vasko Pirgov – Sekretar për Siguri të Pernikut.

“Sipas informacioneve fillestare të mediave bullgare, në autobus ka pasur karburant i cili është blerë në Turqi ku është më i lirë se në Maqedoni dhe Bullgari. Zjarri ka shpërthyer nga ky karburant dhe kjo është një nga arsyet e fatkeqësisë. Qarkullojnë informacione se autobusi kur ka dalë nga gardhi mbrojtës, ka vozitur 50 metra pa ndalur.

Nuk ka shenja frenimi, që do të thotë se ka humbur kontroll mbi automjetin. Kur ka hyrë në bankinë ka rënë zjarr, kurse zhurma në autobus e ka shkaktuar djegien e 45 personave që ishin grumbulluar në një nga dyert e autobusit”, tha për TV21 gazetarja, Patricija Kirova.

7 personat që kanë arritur të mbijetojnë, kanë arritur të shpëtojnë duke i thyer dritaret e autobusit.

Ata janë në gjendje stabile dhe do të kthehen pas dy ditësh. Njëri prej tyre ka frakturë, thotë ministri i Shëndetësisë, Venko Filipçe. Vozitësi ka ndërruar jetë në vendngjarje. “Ka informacione se nuk ka pasur edhe një shofer në autobus, që duhej të kishte që të realizohet udhëtimi nga Stambolli deri në Maqedoni. Në qoftë se njëri lodhet, atëherë tjetri duhet ta zëvendësojë”, shtoi gazetarja Patricija Kirova.

Kryeministri Zaev thotë se lë në duart e autoriteteve bullgare që t’i hetojnë arsyet e aksidentit. “Unë do të lë që ekspertët bullgarë analizat e fatkeqësisë t’i bëjnë në mënyrë profesionale”, deklaroi kryeministri Zaev.

Edhe pse mediat raportonin se vendi në të cilin ndodhi tragjedia është “pikë e zezë”, megjithatë gazetarja Patricija e mohon këtë, duke thënë se bëhet fjalë për një autostradë të re bashkëkohore. Autobusi nga Turqia ka hyrë në Bullgari në orën 21, kurse aksidenti ndodhi rreth orës 2 të mesnatës në autostradën “Struma” në relacion Sofje-Bllagoevgrad./ALSAT/

The post Misteri i shpërthimit të autobusit me shqiptarë, mediat: Kishte fuçi me naftë appeared first on Albeu.com.

Blinken shprehet se DASH dhe popullin amerikan shprehin ngushëllimet për humbjet e jetëve në incident.

“DASH dhe populli amerikan shprehin ngushëllimet për popullin e Maqedonisë së Veriut dhe Bullgarisë për humbjen tragjike të jetëve në aksidentin e sotëm të autobusit dhe në zjarrin e rënë në shtëpinë e të moshuarve. Zemra jonë është me ata që janë në zi ndërsa të lënduarve u urojmë shërim të shpejtë”, shkruan Blinken./albeu.com/

The post Tragjedia shqiptare në Bullgari, reagon vetë Anthony Blinken, numri dy i SHBA appeared first on Albeu.com.

Kryetari Konjufca para fillimit të seancës tha se të gjithë janë tronditur nga lajmi për aksidentin tragjik.

“Të gjithë jemi tronditur nga lajmi për aksidentin tragjik në Bullgari. Për këtë arsye po ju thërras t’i nderojmë të gjitha viktimat me një minut heshtje”, tha Konjufca./albeu.com/

The post Tragjedia me 46 viktima në Bullgari, Kuvendi i Kosovës e nis seancën me një minutë heshtje appeared first on Albeu.com.

Flamujt shtetërorë para qeverisë tashmë janë ulur në gjysmështizë.

Përveç familjes me katër anëtarë, me dy fëmijët 4 vjeçar binjakë që u shua, në këtë tragjedi humbën jetën edhe 5 nxënës të shkollës fillore “Ismail Qemali” në Shkup.

Nxënësit në këtë udhëtim ishin së bashku me familjarët e tyre./albeu.com/

The post Flamujt në gjysmështizë, Maqedonia merr vendim pas tragjedisë shqiptare në Bullgari: Tre ditë zi kombëtare appeared first on Albeu.com.

Sipas gazetës bullgare “Trud”, pronari i kompanisë së autobusëve është shqiptari Azdren Ziberi. Sipas informacioneve jozyrtare, “Besa Trans” kishte zyra edhe në Kyustendil të Bullgarisë.

Informacionet nga mediat Bullgare, bëjnë me dije se pesë prej udhëtarëve që kanë humbur jetën në ngjarjen tragjike ku autobuzi u përfshi nga flakët, ishin fëmijë.

Kujtojmë se autobusi, i cili ishte nisur nga Stambolli për në Shkup u aksidentua në një autostradë 40 kilometra në jug të kryeqytetit Sofje dhe me pas u përfshi nga flakët.

Ndërkohë shtatë pasagjerë janë dërguar në spital për të marrë ndihmën e nevojshme mjekësore. Nuk dihen ende shkaqet e këtij aksidenti të rëndë, ndërsa autoritetet kanë filluar hetimet për zbardhjen e plotë të ngjarjes./albeu.com/

The post EMRI/ Tragjedia me 45 viktima në Bullgari, policia “mësyn” në zyrat e kompanisë, kush është pronari shqiptar (VIDEO) appeared first on Albeu.com.