Një 8-vjeçare, e vetmja e mbijetuar, u dërgua në spital me plagë të rënda. Autobusi mori flakë kur u përplas në tokë në provincën verilindore Limpopo.

Pasagjerët ishin pelegrinët që udhëtonin nga kryeqyteti i Botsvanës Gaborone, për një shërbim të Pashkëve në Moria.

Automjeti humbi kontrollin dhe doli nga ura në kalimin malor Mmamatlakala midis Mokopane dhe Marken, rreth 300 km në veri të Johanesburgut, sipas transmetuesit publik të Afrikës së Jugut SABC.

Ministrja e Transportit Sindisiëe Chikunga, e cila shkoi në vendin e ngjarjes, shprehu “ngushëllimet e saj të përzemërta për familjet e prekura nga përplasja tragjike e autobusit”.

Ajo tha se qeveria e Afrikës së Jugut, do të ndihmojë në riatdhesimin e trupave dhe do të zhvillojë një hetim të plotë për shkakun e rrëzimit.

The post Aksident tragjik/ Autobusi bie në luginë, 45 persona humbin jetën, mbijeton vetëm një 8-vjeçare appeared first on Albeu.com.