Tashmë ka nisur praktika për 3 vëllezërit Fation Bushgjokaj, Kristi Bushgjokaj, Aleksandër Bushgjokaj për futjen e tyre në regjimin e veçantë 41 bis.

Ngjarja e paprecedentë u regjistrua më 15 qershor 2026, në ambientet e Gjykatës së Posaçme, ku 4 të pandehur, që sipas SPAK kanë ndërvepruar si grup kriminal për vrasjen e Renis Dobrës në Mat, janë konfliktuar verbalisht dhe më pas janë kacafytur në një përplasje fizike me grushte dhe shkelma.

Situata u regjistrua në kamerat dhe audiot e gjykatës, të cilat tashmë janë tërhequr si provë materiale. E gjitha ndodhi teksa gjyqtari i çështjes, Bib Ndreca, ua dha fjalën të pandehurve të flisnin rreth pretendimeve të tyre për kërkesat e ndryshimit të masës së sigurisë “arrest në burg”.

Në relacionin informativ thuhet se më 15 qershor 2026, punonjësi i policisë pranë Drejtorisë së Përgjithshme të Burgjeve, Arjan Canaj, ka njoftuar Policinë e Burgjeve për një incident të rëndë, të ndodhur në ambientet e gjykatës.

Ngjarja është regjistruar si incidenti nr. 3135, ku rreth orës 11:33, protagonistë të përplasjes fizike janë 4 të pandehurit Fation Bushgjokaj, Kristi Bushgjokaj, Aleksandër Bushgjokaj dhe Petrit Çakri.

Në momentin që gjykata i ka dhënë fjalën të pandehurit Petrit Çakri, ai kërkoi që të shtyhej seanca për ndryshimin e masës së sigurisë.

“…Në këtë situatë e ka marrë fjalën i pandehuri tjetër, Fation Bushgjokaj, duke thënë që ky (Petrit Çakri) kërkon shtyrje pafundësisht të seancave sepse është mashtrues…” ,- thuhet në dokument.

Por në këtë moment ka ndërhyrë i pandehuri Petrit Çakri, duke u thënë tre vëllezërve se:

“…ju jeni pederastë dhe b*thë q…”.

Menjëherë në këtë çast ngrihet i pandehuri Kristi Bushgjokaj, i cili ishte i pozicionuar më afër Petrit Çakrit, për ta goditur, por bllokohet nga punonjësit e policisë.

Në të njëjtën kohë ngrihen mbi karriget e kafazit edhe dy të pandehurit e tjerë, Aleksandër dhe Fation Bushgjokaj, dhe hidhen përmbi punonjësit e policisë dhe godasin Petrit Çakrin.

Në këto momente ndërhynë punonjësit që ishin prezentë, duke stabilizuar situatën. Ndërkohë, me urdhër të kryetarit të seancës gjyqësore, Bib Ndreca, është marrë vendimi që të 4 të pandehurit të largohen nga seanca gjyqësore për sjelljen e manifestuar./Syri.net

The post Rrahja në sallën e gjyqit, komisioni propozon futjen në ‘41 Bis’ të vëllezërve Bushgjokaj appeared first on Albeu.com.

NJOFTIMI:

Më datë 26.12.2024, i dënuari Aleksandër Llanaj, i biri i Baftjar dhe i Xhiko, i datëlindjes 17.11.1991, lindur dhe banues në Vlorë, është vendosur në Regjim të Posaçëm (“41-bis”) për një periudhë 1-vjeçare në Institucionin e Ekzekutimit të Vendimeve Penale të sigurisë së lartë, Peqin.

Kalimi i tij në këtë regjim u krye në bazë të Urdhrit Nr. 650, datë 26.12.2024, të lëshuar nga Ministri i Drejtësisë, sipas ligjit “Për vendosjen në regjimin e posaçëm të ushtrimit të të drejtave në institucionet penitenciare të sigurisë së lartë”.

Aleksandër Llanaj është dënuar më parë me 35 vite burgim nga Gjykata e Rrethit Gjyqësor Vlorë, me vendimin Nr. 24, datë 20.01.2016, për kryerjen e veprave penale “Vrasje në rrethana të tjera cilësuese”, e kryer ndaj dy ose më shumë personave, në bashkëpunim, dhe “Mbajtja pa leje dhe prodhimi i armëve, armëve shpërthyese dhe i municionit”, të parashikuara nga nenet 79/dh-25 dhe 278/5 të Kodit Penal.

Gjatë vuajtjes së këtij dënimi, Aleksandër Llanaj është dënuar edhe për disa vepra të tjera penale:

Më datë 09.02.2017, me vendimin Nr. 79 të Gjykatës së Rrethit Gjyqësor Korçë, është dënuar me 8 muaj burgim për veprën penale “Futja ose mbajtja e sendeve të ndaluara në IEVP”, parashikuar nga neni 324/a/1 i Kodit Penal.

Më datë 06.12.2019, me vendimin Nr. 620 të Gjykatës së Rrethit Gjyqësor Korçë, është dënuar me 2 vite burgim për veprën penale “Rebelimi i të burgosurve”, parashikuar nga neni 270/2 i Kodit Penal.

Më datë 20.01.2021, me vendimin Nr. 27 të Gjykatës së Rrethit Gjyqësor Korçë, është dënuar me 2 vite burgim për veprën penale “Rebelimi i të burgosurve”, parashikuar nga neni 270/1 i Kodit Penal.

Më datë 10.02.2023, me vendimin Nr. 79 të Gjykatës së Rrethit Gjyqësor Elbasan, është dënuar me 3 vite e 4 muaj burgim për veprat penale “Futja ose mbajtja e sendeve të ndaluara në IEVP” dhe “Organizimi i llotarive të palejuara”, parashikuar nga nenet 324/a/2 dhe 197/1 të Kodit Penal.

Regjimi i posaçëm “41-bis” zbatohet në sistemin penitenciar për shtetas që përbëjnë rrezikshmëri të lartë shoqërore dhe kanë lidhje me organizata kriminale, banda të armatosura ose grupe të strukturuara kriminale. Ky regjim aplikohet sipas nenit 17 të ligjit nr. 81/2020 dhe mund të vendoset ndaj personave me status të paraburgosuri ose të dënuar që kryejnë vepra të rënda penale, të cilat cenojnë sigurinë publike dhe rendin kushtetues.

The post I dënuar për “Masakrën e Çoles”, futet sërish në regjimin 41- bis Aleksandër Llanaj appeared first on Albeu.com.

I akuzuar për nën vrasjen e një polici në vitin 1999, Veizaj u fut në regjim një vit më parë.

“Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtare Flora Hajredinaj, bazuar në nenet 112, 471 e vijues të K.Pr.Penale, nenin 17 të ligjit nr.81, datë 25.06.2020 “Për të drejtat dhe trajtimin e të dënuarve me burgim dhe të paraburgosurve”, me vendimin Nr.265, datë 31.07.2024, vendosi:

Rrëzimin e kërkesës së kërkuesit Erion Veizaj, të paraqitur nëpërmjet mbrojtësit të tij, avokatit O.K, regjistruar me nr.265, datë 03.05.2024, për shfuqizimin e urdhërit nr.209, datë 16.04.2024 “Për vendosjen në regjimin e posaçëm të ushtrimit të të drejtave në burgun e sigurisë”-njofton GJKKO.

The post Kërkoi të dilte nga regjimi “41 BIS” , GJKKO rrëzon kërkesën e Erion Veizajt appeared first on Albeu.com.

Urdhri është ekzekutuar të martën nga Drejtoria e Përgjithshme e Burgjeve dhe me aprovimin e Ministrisë së Drejtësisë dhe Prokurorisë së Posaçme.

Anterio Kaloshi, është dënuar përjetë për masakrën e Lushnjës në vitin 2017, ku përfshihet edhe Laert Haxhiu, teksa u ekzekutuan me armë Zamir Latifi e Jurgen Hoxha, si dhe u plagos Marius Xhepexhiu.

Kaloshi gjithashtu, ka fshehur dhe strehuar Orges Bilbilin, tjetër i arrestuar si një nga autorët e ngjarjes.

Ndërsa Aldo Hoxha akuzohet për vrasjen e Fatbardha Tafës, gjatë tentativës për të grabitur një varëse floriri nga qafa, të cilën i riu e masakroi për vdekje me thikë.

Ngjarja ndodhi më 7 gusht 2012 pranë Fushës së Aviacionit në Tiranë, teksa mbeti e plagosur edhe kunata e viktimës.

The post Mbanin kontakte me eksponentë të krimit, izolohen në ‘41 bis’ dy të dënuarit përjetë, Anterio Kaloshi dhe Aldo Hoxha appeared first on Albeu.com.

Por ende nuk është vendosur nëse do të hyjnë apo jo të burgosurit e dyshimtë në 41 biss.

Sipas burimeve të sigurta, aktualisht po shkëmbehet informacion mes Policisë së Shërbimeve Sekrete por edhe Drejtorisë së Përgjithshme të burgjeve që kanë në burgjet e sigurisë së lartë 10 të dënuarit që janë shpallur fajtorë në fushën e drogës dhe të vrasjeve.

Vendosja nën “Big Brother” e tyre në distancë po kryhet pas disa krimeve të rënda të muajve të fundit, që bëjnë fjalë jo vetëm për trafiqe por edhe për atentate.

Megjithatë nuk u dhanë më tepër detaje pasi operacioni sipas burimeve po kryhet nën sekret të plotë.

Deri më tani nën regjimin e ashpër 41 biss mbahen vetëm 7 të burgosur dhe të paraburgosur për të cilët sipas një hetimi në distancë i ngjashëm me këtë që po kryhet aktualisht, u mblodhën të dhëna se secili nga të burgosurit ishte i rrezikshëm dhe mbante komunikime me anëtarë të grupeve jashtë burgut.

Në 41 biss janë dy vëllezërit Klemend dhe Eldi Çala të arrestuar si anëtarë në megagrabitjen e Rinasit, një ngjarje që vijon të ketë në kërkim Talo Çelën.

Po ashtu nën regjim të ashpër dhe super të kontrolluar është edhe Arbër Çekaj, i dënuar me 14 vite burg për trafikimin e 613 kilogramëve kokaine. Së bashku me të në 41 biss është edhe Fatmir Pjetri i “Bandës se babagjyshëve” që u kap me Çekajn pas tentativës për t’u arratisur nga 313.

Si dhe Redjan Rraja nën akuzë për atentatin në aksin Tirane-Durrës si dhe dy vlonjatët Viktor Ymeri dhe Aleksandër Llanaj, njeri i kthyer në burg jo shumë kohë pasi i kishte lënë qelitë dhe tjetri për masakrën e Çoles./Top Channel/

The post “Big Brother” të fortëve në burg, SPAK: Dyshohet se urdhëruan atentate muajt e fundit appeared first on Albeu.com.

Njoftimi:

Incidenti në IEVP Peqin, vlerësim për regjimin 41/BIS

Pas incidentit të ndodhur në IEVP Peqin, ku tre të paraburgosur K.L, K.I dhe A.D goditën punonjësit e policisë në detyrë, nga ana e drejtuesve të IEVP Peqin dhe gjithë zinxhirit drejtues të burgjeve u morën këto masa:
a) Përjashtimi i tre të paraburgosurve për 14 ditë nga çdo aktivitet i përbashkët në IEVP Peqin.
b) Përgatitja e praktikës për të paraburgosurin K.L për kalimin e tij në rregjimin e veçantë për 90 ditë.
c) Referimi i çështjes në prokurori për të tre të paraburgosurit.
d) Ka nisur vlerësimi nëse ndonjëri prej tre të paraburgosurve plotëson elementët për të kaluar në rregjimin 41/BIS./albeu.com

The post Goditën gardianët në burgun e Peqinit, izolohen në regjimin 41/BIS tre persona appeared first on Albeu.com.

Lëvizja e tij u krye në masa të rrepta sigurie nën shoqërimin e Forcave Operacionale të DPB, Renea dhe Policisë së Shtetit. Procedura e transferimit është kryer pa asnjë incident.

Kujtojmë se dy ditë më parë, Shullazi iu nënshtrua një operacioni në dy krahët./albeu.com

The post Pas operacionit, Shullazi trasferohet sërish në regjimin 41-bis appeared first on Albeu.com.

Ai ka shkuar në ambientet e spitalit I rrethuar nën masa të rrepta sigurie nga frocat e RENEA-s.

Bëhet me dije se ai ka shfaqur probleme shëndetësore në regjimin “41 bis”, në të cilin mbahej.

Kujtojmë se së fundmi, Emiljano Shullazi ka kundërshtuar  sërish vendimin  e  Gjykatës së  Lartë për qëndrimin brenda izolimit “41 bis”, duke kërkuar ndryshimin e vendimit. Avokatët e kanë konsideruar këtë vendim si të padrejtë për të burgosurin.

Shullazi dhe grupi i tij është dënuar me 55 vite burg në total, vendim i dhënë nga Gjykata për Krimet e Rënda. Ata e kanë apeluar këtë dënim, por ende nuk ka një vendim nga ana e Apelit. Për Shullazin dhe pjesëtarët e tjerë është vënë një vit afat për të qëndruar në qelitë e “41bis”./albeu.com/

The post Çfarë ndodhi? Emiljano Shullazi përfundon në spital appeared first on Albeu.com.

Sipas burimeve, procesi gjyqësor do të zhvillohet rreth orës 13:00 nën masa të rrepta sigurie për shkak të çështjes së ndjeshme, si dhe pa praninë e të pandehurve dhe të avokatëve.

Gjykata e zhvilloi seancën e fundit pa praninë e avokatëve të Shullazit, duke argumentuar se ata po sfidojnë drejtësinë.

Që prej nisjes së procesit në dhjetor të vitit 2018, numri i seancave të shtyra në Apel ka qenë mbi 40, duke futur gjyqin në ngërç./albeu.com/

The post “Blindohet” Apeli i GJKKO, “vuloset” sot fati i Shullazit dhe antarëve të tjerë të bandës appeared first on Albeu.com.