Policia bën me dije se kishte ushtruar vazhdimisht dhunë ndaj saj dhe e kishte kërcënuar se do e vriste.

Pas arrestimit të tij, materialet hetimore i kanë kaluar prokurorisë për veprime të mëtejshme procedurale, për veprën penale “Dhuna në familje”.

Njoftimi i policisë:

Parandalohet një ngjarje e mundshme kriminale në familje.

Ushtroi dhunë ndaj bashkëjetueses dhe e kërcënoi se do ta vriste, vihet në pranga 40-vjeçari i dënuar më parë për vrasje.

Specialistët e Seksionit për Hetimin e Krimeve në Komisariatin e Policisë Nr. 3, pas njoftimit të marrë nga një shtetase, se bashkëjetuesi i saj e dhunonte, menjëherë kanë organizuar punën dhe në kuadër të operacionit policor të koduar “Parandalimi” kanë arrestuar në flagrancë shtetasin:

D. H., 40 vjeç, i dënuar më parë për veprën penale “Vrasja”.

Ky shtetas dyshohet se në mënyrë të vazhdueshme ka ushtruar dhunë ndaj bashkëjetueses dhe e ka kërcënuar se do ta vriste.

Materialet i kaluan Prokurorisë, për veprime të mëtejshme procedurale, për veprën penale “Dhuna në familje”.

The post Parandalohet krimi në Tiranë, 40 vjeçari i dënuar më parë dhunoi dhe kërcënoi bashkëjetuesen appeared first on Albeu.com.