Në Itali, alarmi i kuq është shpallur për disa qytete të mëdha, mes tyre Bolonja, Firence, Milano dhe Torino.

Në Romë, pelegrinët në Sheshin e Shën Pjetrit u mbrojtën nga dielli me çadra dhe mjete të tjera, ndërsa Papa zhvilloi lutjen tradicionale të së dielës nga Pallati Apostolik.

Meteorologët shpjegojnë se temperaturat ekstreme janë shkaktuar nga një masë ajri shumë e ngrohtë që lëviz nga Saharaja drejt Evropës, e njohur si “anticikloni afrikan”, i cili ka krijuar një “kupolë nxehtësie” mbi pjesë të mëdha të kontinentit.

Edhe Spanja po përballet me kushte të rënda atmosferike. Agjencia meteorologjike AEMET ka lëshuar alarme të kuqe dhe portokalli për rajone të ndryshme, ku temperaturat pritet të kalojnë 39–40 gradë Celsius.

Në Madrid, banorët dhe turistët po përdorin ventilatorë portativë dhe po kërkojnë strehim nga dielli përvëlues.

Situata është kritike edhe në Francë, ku dhjetëra rajone, përfshirë Parisin, janë vendosur në alarm të kuq. Autoritetet kanë vendosur mbylljen e qindra shkollave dhe kanë mbajtur të hapura gjatë natës parqet dhe kopshtet publike për t’u ofruar qytetarëve mundësi freskimi.

Për më tepër, janë vendosur kufizime për shërbimin e alkoolit gjatë aktiviteteve publike, me qëllim lehtësimin e punës së shërbimeve të urgjencës.

Vapa ka filluar të ndikojë edhe në infrastrukturë. Kompania hekurudhore franceze ka paralajmëruar për probleme në rrjet për shkak të zgjerimit të shinave dhe dëmtimit të linjave elektrike, duke anuluar dhjetëra udhëtime dhe u bërë thirrje qytetarëve të shtyjnë lëvizjet jo të domosdoshme.

Në Gjermani, ku temperaturat kanë arritur deri në 38 gradë Celsius, autoritetet kanë paralajmëruar për stuhi të forta në rajonet lindore.

Në Berlin, reshjet intensive dhe erërat e fuqishme detyruan ndërprerjen e aktiviteteve në natyrë dhe evakuimin e spektatorëve nga një turne tenisi.

Ndërkohë, qendrat për shpëtimin e kafshëve në Belgjikë raportojnë një rritje të ndjeshme të rasteve të kafshëve të stresuara nga temperaturat e larta, veçanërisht zogjve të vegjël që rrezikohen nga nxehtësia ekstreme.

The post Mbyllen shkollat dhe anulohen fluturimet! Evropa po “digjet” nga anticikloni afrikan, rriten temperaturat appeared first on Albeu.com.

Dita më e nxehtë do të jetë e premtja dhe temperaturat në Tiranë, Berat, Elbasan, Fier, Shkodër dhe Lezhë, do të arrijnë 40-41 gradë celsius.

Gjithashtu, moti pritet të jetë kryesisht i kthjellët e orët e plota me diell pa përjashtuar alternimet e herëpasherëshme të vranësirave, kryesisht nga orët e mesditës e pasdite në relievet kodrinore-malore të vendit.

Vranësirat hera herës pritet të shoqërohen me reshje të shiu me intensitet të ulët. Reshjet pritet të jenë në formën e shtrëngatave afatshkurtra, shoqëruar me shkarkesa elektrike e në mënyrë të izoluar breshër.

Era do të fryjë me drejtim veriperëndim-verilindje me shpejtësi 3-8m/s, ndërsa gjatë ditës së hënë përgjatë vijës bregdetare, lugina e male era fiton shpejtësi 10-14m/sek, shoqëruar me dallgëzim të forcës 1-3ballë.

The post Vala e të nxehtit afrikan mbërthen sërish Shqipërinë, ja dita kur temperaturat do të kalojnë mbi 40 gradë Celsius appeared first on Albeu.com.