Mes 4 viktimave, ishte dhe djali i ri, Musaen Zeneli 20 vjeç, i cili ishte në ditën e para të punës së tij. Djali i rritur jetim shkoi 1 ditë më parë në punë në hotelin “Gocaj”, gjë  e cila mund t’i kishte shpëtuar atij jetën.

“Përsa i takon Museinit që është viktima më e pafajshme e kësaj ngjarje, duhet thënë që ai e kishte për të filluar punë ditën e dielë. Megjithatë, nga mbrëmja e maturës që ka patur ditën e premte, ai ka nxituar të shkonte në punë një ditë më parë dhe pikërisht ndoshta ky nxitim dhe kjo ironi fatale i ka kushtuar dhe jetën.

Nga mbrëmja e maturës që e ka patur ditën e premte, në mëngjes është nisur, ndoshta dhe pa pushuar, shumë i lumtur i kishte thënë të ëmës që kishte gjetur më në fund një punë”, -kanë deklararuar gazetarja Kalaja mbi këtë rast.

Ngjarja ndodhi të dielën në orët e para të mëngjesit, vetëm pak pas mesnate, duke marrë 4 jetë dhe plagosur dy shtetas. Ngjarja e rëndë nisi për shkak të një debati për një pjesë plazhi, dhe disa shezlongë. Familja Ferracaku ka shkuar për sqarim tek familja Gocaj, por si duket debati mes tyre ka agravuar shumë  dhe janë përdorur armët. Dyshohet se janë përdorur 6 armë zjarri, ndërkohë janë vënë në arrest dy të plagosurit.

The post Mund të kishte shpëtuar! Detaji rrëqethës, 20-vjeçari shkoi 1 ditë më parë në hotel nga gëzimi i punës së re appeared first on Albeu.com.

Miq, familjarë, të njohur e të panjohur të viktimës kanë shprehur dhimbjen e tyre në rrjetet sociale, pas vrasjes së 20-vjeçarit, Musaen Zeneli.

Me hidhërim të madh, ata shkruajnë se i riu u vra nga dora e horrave dhe se rrogën e tij mujore e kishte aq sa kushtonin vetëm 10 plumba të atyre që qëlluan në mesnatë.

Qytetarët janë të indinjuar për 20-vjeçarin që vdiq sapo mbylli ditën e parë të punës, me vetëm 30 lekë në xhep që mund të ishin bakshishi i një dite të gjatë e plot lodhje.

“Prehu ne Paqe Musaen Zeneli, atje lart do jete me mire per ty. Allahu e mëshiroftë,”- shkruan dikush në rrjetet sociale.
“Musaen Zeneli, kamarieri jetim që u vra mbrëmë barbarisht prej dorës gjakatare të horrave, e kishte rrogën mujore aq sa kushtojnë 10 plumba të kriminelëve të cilëve nuk u kontrollohen kurrë shtëpitë dhe bizneset,”- shton dikush më tej.

“Djaloshi 20 vjeçar qe u vra aksidentalisht nje dite më parë ishte besimtar praktikant. Allahu e falte dhe e meshirofte!”– shton dhe një tjetër.
“Me hillerim te thelle ndaj me ju lajmin e hidhur te vdekjes se nxenesit tone Musaen Zeneli. Allahu e paste meshiru dhe i paste dhene gradat e shehidit. Ne diten e pare te punes pa i pas hak as hile kerrkujt paska ka kene rrisku i tij. Allahu i dhente saber nanes se tij dhe Familjareve,”- shkruan dhe dikush më tej.
Kujtim Ferracaku 59-vjeç, Xhovani Gocaj 25-vjeç, Edmond Gocaj 38-vjeç dhe Musaen Zeneli vetëm 20 vjeç u vranë mbrëmë në Velipojë, ndërkohë që vëllai i Kujtim Ferracakut, 54-vjeçari Hasan Ferracaku dhe nipi i tij 17-vjeçar Elmilind Dyli, janë plagosur dhe ndodhen në spital nën kujdesin e mjekëve.
Sherri nisi për shezlonget e hotelit, ndërsa kameriari u vra vetëm se rastisi në vendin e gabuar.

The post Filloi punën për tu bërë burri i shtëpisë, mesazhe vaji për 20 vjeçarin që humbi jetën në masakrën e Velipojës appeared first on Albeu.com.

Mësohet se babai i Myzerim Zenelit ishte mbytur në lumin Drin, teksa ishte futur për t’u larë.

Familja e Zenelit, e cila jeton në Bahçallëk të Shkodrës, ndodhet në kushte të vështira ekonomike, ndërsa nuk përballojnë dot financiarisht shpenzimet mortore.

Bizneset e familjeve Ferracaku dhe Gocaj ndodhen fare pranë njëri-tjetrit dhe debati lindi pikërisht për vendosjen e disa shezlongëve në plazhin e Velipojës, konflikt i cili përfundoi me katër humbje jete dhe dy të plagosur.

20 vjeçari kishte ditën e parë të punës e cila rezultoi dhe e fundit e jetës së tij.

The post Fati tragjik i 20 vjeçarit, si babai i Myzerimi u mbyt në lumin Drin vite më parë appeared first on Albeu.com.

Sipas policisë, u arrestuan: H. V., 54 vjeç, lindur në fshatin Trush dhe banues në fshatin Pulaj, Velipojë, si dhe nipi i tij shtetasi E. D., 17 vjeç, lindur e banues në fshatin Guri i Zi, bashkia Shkodër, të cilët janë në Spitalin e Traumës në Tiranë, të dyshuar për kryerjen e veprave penale “Vrasja në rrethana të tjera cilësuese, kundër dy ose më shumë personave” dhe “Prodhimi dhe mbajtja pa leje e armëve luftarake dhe municionit”, në bashkëpunim.

Gjithashtu janë shpallur në kërkim 3 vëllezër, djemtë e Hasan Ferracakut: Abedin Ferracaku, Shyqyri Ferracaku dhe Besar Ferracaku të dyshuar si bashkautorë në këtë ngjarje, për kryerjen e veprave penale “Vrasja në rrethana të tjera cilësuese, kundër dy ose më shumë personave” dhe “Prodhimi dhe mbajtja pa leje e armëve luftarake dhe municionit”.

Në cilësinë e provës materiale janë sekuestruar dy armë zjarri pistoleta, njëra prej të cilave u gjet në vendngjarje, ndërsa tjetra u gjet gjatë kontrollit në hotelin e familjes Gocaj.

Njoftimi

Shkodër

Në vijim të veprimeve hetimore të kryera grupi i posaçëm hetimor, për zbardhjen e ngjarjes së ndodhur rreth orës 00:30, në Pulaj Plazh, Velipojë, ku si pasojë e një konflikti të çastit mbetën të vrarë me armë zjarri 4 shtetas dhe u plagosën 2 të tjerë, bazuar në provat e grumbulluara u arrestuan në flagrancë shtetasit:

H. V., 54 vjeç, lindur në fshatin Trush dhe banues në fshatin Pulaj, Velipojë, si dhe nipi i tij shtetasi E. D., 17 vjeç, lindur e banues në fshatin Guri i Zi, bashkia Shkodër, të cilët janë në Spitalin e Traumës në Tiranë, të dyshuar për kryerjen e veprave penale “Vrasja në rrethana të tjera cilësuese, kundër dy ose më shumë personave” dhe “Prodhimi dhe mbajtja pa leje e armëve luftarake dhe municionit”, në bashkëpunim.

Gjithashtu janë shpallur në kërkim shtetasit A. V., Sh. V. dhe B. V., vëllezër, banues në fshatin Pulaj, Velipojë, bashkia Shkodër, të dyshuar si bashkautorë në këtë ngjarje, për kryerjen e veprave penale “Vrasja në rrethana të tjera cilësuese, kundër dy ose më shumë personave” dhe “Prodhimi dhe mbajtja pa leje e armëve luftarake dhe municionit”, në bashkëpunim.

Në cilësinë e provës materiale janë sekuestruar dy armë zjarri pistoleta, njëra prej të cilave u gjet në vendngjarje, ndërsa tjetra u gjet gjatë kontrollit në hotelin e familjes Gocaj.

Grupi hetimor, nën drejtimin e Prokurorisë, vijon punën për zbardhjen e plotë të rrethanave të ngjarjes, identifikimin dhe kapjen e personave të tjerë të përfshirë në konfliktin me armë.

Materialet procedurale do t’i kalojnë Prokurorisë së Rrethit Gjyqësor Shkodër, për veprime të mëtejshme.

The post Masakra në Velipojë: Arrestohen 2 të plagosur, në kërkim 3 vëllezër appeared first on Albeu.com.

Drejtori i Policisë së Shkodrës Niko Brahimaj dha një prononcim për mediat mbi vrasjen e katërfishtë.

Niko Brahimaj deklaroi se në këtë konflikt janë përdorur më shumë se një armë, ndërsa policia ka sekuestruar një pistoletë si provë materiale. Ai shtoi se janë sekuestruar një numër kamerash nga vendngjarja, por kushtet e pamjeve kanë qenë të kufizuara për shkak të errësirës.

“Rreth orës 00:30 ka ndodhur një ngjarje tepër e rëndë kriminale para hotel Gocaj. Për shkak të një konflikti me armë të çastit për motive të dobëta, për shkak të ndarjes së pronësisë mbi sipërfaqet me rërë ku vendosen shezlongët, kanë gjetur vdekjen Kujtim Ferracaku, Xhovano Gocaj, Edmond Gocaj dhe Myzerim Zeneli. Është përdorur më shumë se 1 armë. Kemi bërë sekuestrimin e kamerave të sigurisë. Do të ketë persona të arrestuar dhe të shpallur në kërkim”.

Drejtori i Policisë bën me dije se të plagosur kanë mbetur shtetasit Hasan Ferracaku dhe Elmedin Dyli. Në vendngjarje kanë shkuar Drejtori i Përgjithshëm i Policisë Ardi Veliu, drejtori i Departamentit të Policisë Kriminale Tonin Vocaj, si dhe grupi hetimor me specialistët e drejtorisë së Policisë Shkodër. /albeu.com/

The post Krimi me 4 viktima e 2 të plagosur në Velipojë, drejtori i Policisë: U përdor më shumë se 1 armë! appeared first on Albeu.com.