Sipas burimeve zyrtare, si rezultat i shkëmbimit të informacioneve të siguruara nga strukturat e specializuara të Policisë së Shtetit, me homologët në Greqi dhe në Itali, mbi vendndodhjen e 3 shtetasve të shpallur në kërkim ndërkombëtar, përkatësisht për llogari të autoriteteve gjyqësore në Gjirokastër, në Korçë dhe në Mat, policitë partnere finalizuan 3 operacione policore për kapjen dhe ndalimin e tyre.

-Në kuadër të operacionit “Triplet” u arrestua nga policia greke, shtetasi Altin Merdani, 45 vjeç, i lindur në Memaliaj. Në vitin 2017, ai është dënuar nga Gjykata e Apelit e Gjirokastrës, me 4 vjet e 8 muaj burgim, për veprën penale “Trafikimi i narkotikëve”. Në vitin 2015, në bashkëpunim me 2 shtetas të tjerë, transportonte 100 kg lëndë narkotike Cannabis Sativa, me qëllim trafikimin. Nga dënimi total, 45-vjeçarit i kanë mbetur për të vuajtur rreth 2 vjet e gjysmë burgim.

-Në kuadër të operacionit “Dënimi” , u arrestua nga policia greke, shtetasi Elsjabo Dikolli, 31 vjeç. Në vitin 2023, ai u dënua nga Gjykata e Korçës, me 4 vjet e 7 muaj burgim, për veprën penale ” Ndihma për kalim të paligjshëm të kufijve”. Nga dënimi total, 31-vjeçarit i kanë mbetur për të vuajtur rreth 3 vjet e 8 muaj burgim.

-Në kuadër të operacionit “Masa” u arrestua nga policia italiane, shtetasi Nerim Klosi alias Nerim Taci alias Ardit Klosi alias Astrit Klosi, 49 vjeç, i lindur në Mat. Në vitin 2022, Gjykata e Matit i ka caktuar masën e sigurisë “Arrest në burg”, për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Prishja e qetësisë publike”. Ai akuzohet se më datë 31.12.2021, ka qëlluar me armë zjarri në ajër. Gjatë kontrollit në banesë Policia i gjeti armë zjarri, lëndë plasëse dhe municion luftarak.

Interpol Tirana po bashkëpunon me homologët në Greqi dhe në Itali, për të finalizuar procedurat për ekstradimin e këtyre shtetasve, në Shqipëri.

The post EMRAT+AKUZAT/ Arrestohet në Itali shqiptari me 4 emra, në pranga dhe dy të tjerë të shpallur në kërkim ndërkombëtar appeared first on Albeu.com.

Edhe pse ka ende shumë kohë deri në hapjen e merkatos, Juventusit i mungojnë shumë lojtarët në disa pjesë të fushës.

Siç vë në dukje La Gazzetta dello Sport, mbrojtja e Juventusit ka ndryshuar shumë jo vetëm për sa i përket emrave, por edhe personaliteteve: kapiteni Giorgio Chiellini dhe Matthijs de Ligt janë zëvendësuar nga i riu Gleison Bremer nga Torino dhe Federico Gatti nga klubi i Serisë B Frosinone”.

Humbja më e madhe është sigurisht Chiellini, pasi ai është një njeri me karizëm të madh dhe forcë të brendshme. Skuadra ka nevojë për një qendërmbrojtës të majtë, ndërsa braziliani dhe italiani janë të dy të djathtë. Për disa kohë, Cherubini ndoqi lojtarin e Fiorentinës, Igor Julio.

Gjithashtu në lapsin e drejtorit sportiv është Gabriel i Arsenalit, Badiashile i Monakos dhe Ndika i Eintracht. Ky i fundit është i interesuar edhe për Interin, i cili është në kërkim të një zëvendësuesi për De Vrey. 

The post Juve është ende në kërkim të një trashëgimtari të Chiellini, ka katër emra në listë appeared first on Albeu.com.