Stuhia ka përfshirë një territor të gjerë të vendit, nga Teksasi deri në Massachusetts, duke sjellë reshje të dendura bore, erëra të forta dhe të ftohtë ekstrem. Viktima janë raportuar në disa shtete, ndërsa shkaqet e vdekjeve lidhen kryesisht me hipoterminë, aksidentet rrugore, rrëzimin e pemëve, përdorimin e pasigurt të gjeneratorëve dhe incidente ajrore.

Një nga rastet më tronditëse është shënuar në New Jersey, ku një burrë 67-vjeçar u gjet i pajetë jashtë shtëpisë së tij, me lopatën e borës në dorë. Autoritetet dyshojnë se ai ka ndërruar jetë gjatë pastrimit të borës, si pasojë e kushteve ekstreme të motit.

Sipas Shërbimit Kombëtar të Motit, temperaturat e ndjera për shkak të erërave të ftohta kanë zbritur deri në -50 gradë Fahrenheit, duke e bërë qëndrimin jashtë jashtëzakonisht të rrezikshëm edhe për disa minuta. Paralajmërimet për ngrirje dhe hipotermi janë në fuqi për miliona qytetarë.

Situata është përkeqësuar edhe nga ndërprerjet masive të energjisë elektrike. Mbi 525 mijë familje kanë mbetur pa drita, kryesisht në Tenesi, Misisipi dhe Luiziana. Në disa zona është shpallur gjendje e jashtëzakonshme, ndërsa transporti ajror është paralizuar me mijëra fluturime të anuluara ose të vonuara.

Meteorologët paralajmërojnë se një tjetër stuhi dimërore pritet të godasë bregun lindor gjatë fundjavës, duke u bërë thirrje qytetarëve të shmangin daljet e panevojshme dhe të tregojnë kujdes maksimal.

The post Rritet bilanci i viktimave, 34 të vdekur nga stuhia vdekjeprurëse “Fern” në SHBA appeared first on Albeu.com.

Të paktën 34 persona u vranë dhe shtatë u plagosën pasi persona të armatosur sulmuan një fshat në shtetin veriperëndimor të Nigerisë, Kaduna.

“Persona të armatosur të paidentifikuar sulmuan fshatin Madamai në Kaura. 34 banorë janë konfirmuar të vdekur pas sulmit. Shtatë të tjerë pësuan lëndime”, tha komisioneri i sigurisë shtetërore Samuel Aruëan të hënën, duke shtuar më vonë se sulmi ndodhi të dielën vonë.

Aruëan shtoi se dy të dyshuar janë marrë në pyetje në lidhje me sulmin.

Gjithashtu të dielën, persona të armatosur sulmuan një kishë në rrethin Kachia të shtetit Kaduna.

“Një person humbi jetën dhe disa adhurues u plagosën rëndë,” tha Aruëan në një deklaratë të veçantë.

Rrëmujrat atje i bëjnë bandat kriminale, të cilat sulmojnë kryesisht veriperëndimin dhe qendrën e Nigerisë dhe djegin e grabisin gjithçka, duke filluar nga bagëtitë, prodhimet bujqësore, etj.

Kohët e fundit, këto grupe të rrezikshme kriminale, e kanë zgjeruar aktivitetin kundët popullatës./albeu.com

The post 34 të ekzekutuar në një fshat, bandit bëjnë “kërdinë” appeared first on Albeu.com.