Incidenti u regjistrua pasditen e së martës në aksin rrugor “Muhamet Gjollesha”. Sipas uniformave blu, shtetasi me inicialet Ç. K. u përfshi në një konflikt verbal me shoferin, i nxitur nga shkaqe të parëndësishme.

Gjatë përplasjes, 33-vjeçari dyshohet se ka ofenduar dhe i është vërsulur me të bërtitura drejtuesit të autobusit, përpara se të ushtronte dhunë fizike ndaj mjetit.

Si pasojë e goditjeve me grushte, ai ka dëmtuar seriozisht xhamin ballor të autobusit si dhe atë të derës anësore.

Sapo kanë marrë sinjalizimin, efektivët e Seksionit për Hetimin e Krimeve pranë Komisariatit Nr. 2 kanë ndërmarrë menjëherë veprimet e nevojshme hetimore dhe procedurale, duke finalizuar kapjen e tij në flagrancë.

Personi tani përballet me akuza për dy vepra penale: “Shkatërrim i pronës” dhe “Prishje e qetësisë publike”.

Dosja hetimore i ka kaluar organit të akuzës për procedurat e mëtejshme ligjore.

The post VIDEO/ Theu me grusht xhamat e autobusit gjatë një sherri me shoferin në Tiranë, policia arreston 33-vjeçarin appeared first on Albeu.com.

Në pranga kanë rënë pronari, M. B., 33-vjeç, banues në Tepelenë, si dhe banakieri A. Gj., 20 vjeç, banues në Lazarat.

Gjatë kontrollit fizik të 20-vjeçarit, policia gjeti 5 doza të dyshuara kokaine dhe 8 doza të dyshuara Cannabis Sativa.

Ndërkohë, gjatë kontrollit në banesën e pronarit të lokalit u sekuestruan 145 doza të dyshuara kokaine, një peshore elektronike dhe një armë sportive tip pistoletë, të cilën 33-vjeçari dyshohet se e posedonte pa leje.

Në total, në kuadër të operacionit u sekuestruan **150 doza kokaine, 8 doza cannabis, një armë sportive, dy celularë dhe një peshore elektronike.

Operacioni u zhvillua pas administrimit të informacioneve operative se në lokalin e natës në Potam shiteshin lëndë narkotike. Shërbimet e Komisariatit të Policisë Himarë ndërhynë në subjekt dhe bënë arrestimet në flagrancë.

Materialet procedurale i janë referuar Prokurorisë për veprime të mëtejshme.

The post Himarë/ Përshtatën lokalin për shitje të lëndëve narkotike, arrestohet pronari dhe banakieri appeared first on Albeu.com.

Në pranga u vu shtetasi E. F., 40 vjeç, banues në Ksamil, për veprat penale “shkelja e rregullave të mbrojtjes në punë” dhe “punësimi i paligjshëm”.

Nga hetimet paraprake dyshohet se viktima ka rënë në kontakt me rrymën elektrike, ndërsa ishte i angazhuar në punë të ndryshme brenda objektit.

Igli Gjoca nga Bajkaj i Delvinës, ishte pronar i një servisi automjetesh në zonën e Vrionit dhe gjatë sezonit veror punonte edhe si kamarier në Sarandë. Sipas informacioneve nga JOQ ai ishte thirrur për të kryer punë në “Orange Club”, që nuk lidhen me profesionin e tij.

33-vjeçari, i cili pritej të bëhej baba së shpejti, dyshohet se ishte duke salduar struktura hekuri në ambientet e lokalit kur ka rënë në kontakt me kabuj elektrikë në tokë. Ai është transportuar me urgjencë drejt spitalit të Sarandës, por nuk ka mundur të mbijetojë.

Policia vijon hetimet për zbardhjen e plotë të rrethanave të ngjarjes.

Njoftimi i policisë:

Specialistët për Hetimin e Krimeve të Komisariatit të Policisë Sarandë arrestuan në flagrancë për veprat penale “Shkelja e rregullave të mbrojtjes në punë” dhe “Punësimi i paligjshëm”, shtetasin E. F., 40 vjeç, banues në Ksamil, administrator i një lokali në Sarandë, pasi dje, gjatë punës në këtë lokal, ka humbur jetën shtetasi I. Gj., 33 vjeç, banues në Sarandë, i cili ishte punësuar në mënyrë të paligjshme. Nga veprimet e para hetimore dyshohet se ky shtetas ka humbur jetën si pasojë e kontaktit me rrymën elektrike. Vijojnë hetimet për dokumentimin e rrethanave të rastit.

The post 33-vjeçari ndërroi jetë duke salduar hekurat e lokalit, policia arreston administratorin e biznesit appeared first on Albeu.com.

Në pranga ka rënë shtetasi Danjel Skënderi, i cili është dënuar nga Gjykata e Korçës, me 4 vjet burgim, për veprat penale “Kultivimi i bimëve narkotike” dhe “Prodhimi dhe mbajtja pa leje e armëve të gjuetisë dhe sportive”.

Uniformat blu, shprehen se nga ky dënim, 33-vjeçarit i kanë mbetur për të kryer 1 vit, 10 muaj e 4 ditë.

Njoftimi:

Kapet një 33-vjeçar i shpallur në kërkim, i dënuar me 4 vjet burgim, për kultivim të bimëve narkotikëve dhe armëmbajtje pa leje.

Shërbimet e Komisariatit të Policisë Divjakë, në vijim të punës për lokalizimin dhe kapjen e shtetasve të shpallur në kërkim, bazuar dhe në informacionet e siguruara në rrugë operative, kanë bërë të mundur lokalizimin dhe kapjen e shtetasit në kërkim:

Danjel Skënderi 33 vjeç, banues në fshatin Çermë Sektor, Divjakë.

Ky shtetas është dënuar nga Gjykata e Korçës, me 4 vjet burgim, për veprat penale “Kultivimi i bimëve narkotike” dhe “Prodhimi dhe mbajtja pa leje e armëve të gjuetisë dhe sportive”. Nga ky dënim, atij i kanë mbetur për të kryer 1 vit, 10 muaj e 4 ditë.

Veprimet e tjera procedurale për këtë shtetas u kryen nga shërbimet e Komisariatit të Policisë Pogradec.

The post I dënuar me 4 vite burg për kultivim të lëndëve narkotike, arrestohet 33-vjeçari i shpallur në kërkim (EMRI) appeared first on Albeu.com.

Autoritetet sqarojnë se i riu është gjetur i mbytur në një kanal me ujë.

“Në vijim të informacionit të dhënë ditën e djeshme, për kallëzimin e bërë nga shtetasi H. Sh, për largimin nga banesa të djalit të tij, informojmë se shtetasi B. Sh., 33 vjeç, është gjetur i pajetë në një kanal uji, në afërsi të banesës së tij, në lagjen nr.15, Durrës”, informon policia.

Nga veprimet e para dhe këqyrja paraprake e trupit nuk janë konstatuar shenja dhune.

Dyshohet se 33-vjeçari aksidentalisht është rrëzuar nga ura, ka rënë në kanal dhe për pasojë është mbytur.

The post E rëndë në Durrës/ U denoncua i zhdukur nga i ati, 33-vjeçari gjendet i mbytur në një kanal appeared first on Albeu.com.

“Si rezultat i bashkëpunimit të vazhdueshëm ndërmjet Interpol Tiranës dhe homologëve në Itali, me qëllim finalizimin e procedurave për ekstradimin e shtetasve të kërkuar ndërkombëtarisht, u ekstradua në Shqipëri, shtetasi shqiptar i arrestuar në Itali, E. H., 33-vjeç.

Drejtoria e Interpol Tiranës e ka shpallur në kërkim ndërkombëtar këtë shtetas, sepse më datë 19.07.2023, i është caktuar masa e sigurisë “Arrest në burg” për veprën penale “Përndjekja”.

Nga hetimet dyshohet se në vitin 2019, ky shtetas, duke u prezantuar si shtetasi E. Sh., ka kanosur një shtetase, për t’i dërguar video intime”, njoftoi Policia.

The post Ekstradohet nga Italia 33-vjeçari i shpallur në kërkim ndërkombëtar appeared first on Albeu.com.

Sipas informacioneve të gazetës Bild, 33-vjeçari ka pasur një konflikt me të atin, të cilin dyshohet se e ka plagosur me thikë dhe nëna ka lajmëruar policinë.

Kur policia ka mbërritur aty, 33-vjeçari dyshohet se ka bërë një lëvizje kërcënuese drejt tyre dhe ata e kanë qëlluar për vdekje, sipas informacioneve nga policia e Dortmundit.

Dëshmitarët okularë konfirmuan se burri mbante një thikë. Incidenti ndodhi vetëm disa ditë pas një sulmi me thikë në qytetin e Solingenit, në të cilin mbetën të vrarë tre persona dhe tetë të plagosur.

Autori, një 26-vjeçar sirian që dyshohet se është i lidhur me organizatën xhihadiste të Shtetit Islamik, është dorëzuar në polici.

Një ditë para të martës, një burrë i armatosur me thikë u qëllua për vdekje nga policia në qytetin Mers, rreth 45 kilometra larg Solingen.

The post Tentoi të vriste babain pas një konflikti, nëna thërret policinë, 33-vjeçari qëllohet për vdekje nga oficerët appeared first on Albeu.com.

Sipas informacioneve policore, ai kurohej për probleme të shëndetit mendor.

Raportohet se viktima është Emiljano Baholli.

Njoftimi i policisë:

Mëngjesin e sotëm, në rezervuarin e fshatit Kagjinas, Kolonjë, është gjetur i mbytur, pa shenja dhune, shtetasi Emiljano Baholli., 33-vjeç, banues në fshatin Borovë, Kolonjë.

Nga të dhënat e para dhe deklarimet e marra familjarëve të tij, rezulton se ky shtetas vuante nga probleme të shëndetit mendor dhe ishte larguar nga banesa e tij, mbrëmjen e djeshme.

Grupi hetimor po punon për sqarimin e rrethanave të ngjarjes.

The post Emri/ E rëndë në Kolonjë, 33-vjeçari gjendet pa shenja jete në rezervuar, për ҫfarë dyshohet appeared first on Albeu.com.

Uniformat blu në Pogradec, kanë bërë të ditur se shtetasin E. Gj., 33-vjeç, në bazë të dyshimeve se posedonte lëndë narkotike, i është bërë shenjë të ndalonte, por ai ka kundërshtuar urdhrin e punonjësit të policisë për të ndaluar dhe ka gëlltitur një sasi të vogël lënde narkotike kanabisi.

“Seksioni për Hetimin e Narkotikëve arrestoi në flagrancë shtetasin E. Gj., 33-vjeç, banues në Pogradec, pasi në lagjen nr. 1, Pogradec, është konstatuar në lëvizje dhe në bazë të dyshimeve se posedonte lëndë narkotike, i është bërë shenjë të ndalonte, por ai ka kundërshtuar urdhrin e punonjësit të policisë për të ndaluar dhe ka gëlltitur një sasi të vogël lënde narkotike cannabis sativa.

33-vjeçari mori mjekimin e nevojshëm në spital”, njofton policia.

The post Pogradec/ Gëlltiti drogën për t’i shpëtuar policisë, 33-vjeçari dërgohet me urgjencë në spital appeared first on Albeu.com.

Mëosohet se Alban Qira ka qenë i dënuar më parë për krime në fushën e narkotikëve, si dhe është autor dhe i 2 shpërthimeve të tjera në këtë biznes, të kryera më datat 18.11.2023 dhe 07.03.2024.

Njoftimi i Policisë:

Durrës/Zbardhen 3 rastet e vendosjes së lëndës eksplozive në një mobileri.

Identifikohet, lokalizohet dhe vihet në pranga 33-vjeçari Alban Qira nga Kruja, i cili 4 ditë më parë, dyshohet se vuri lëndë eksplozive në ambientet e jashtme të mobilierisë së një 48-vjeçari, në fshatin Rrashbull

Gjithashtu, nga hetimet dyshohet se ky shtetas, i dënuar më parë për krime në fushën e narkotikëve, është autor dhe i 2 shpërthimeve të tjera në këtë biznes, të kryera më datat 18.11.2023 dhe 07.03.2024.

Nga shpërthimet ka patur vetëm dëme të pjesshme materiale.

Sekuestrohen 2 automjete dhe 2 celularë të 33-vjeçarit, si dhe maska dhe veshje të dyshuara të përdorura gjatë krimeve.

Si rezultat i veprimeve të thelluara hetimore të kryera në drejtimin e Prokurorisë së Durrësit, për të zbardhur 3 shpërthime të lëndëve eksplozive, të kryera gjatë 2 viteve të fundit, në biznesin (mobilieri) e shtetasit A. A., 48 vjeç, në fshatin Rrashbull, strukturat hetimore të Komisariatit të Policisë Durrës mundësuan identifikimin, lokalizimin, kapjen dhe arrestimin e autorit të dyshuar të këtyre rasteve, shtetasit A. Q., 33 vjeç, banues në fshatin Borizanë.

Nga këto veprime dyshohet se më datat 18.11.2023, 07.03.2024 dhe 03.04.2024, shtetasi A. Q. ka vënë lëndë eksplozive (mina artizanale), në ambientet e jashtme të mobilierisë së shtetasit A. A..

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

The post EMRI/I vuri tri herë eksplozivin mobilierisë në Durrës, arrestohet 33-vjeçari appeared first on Albeu.com.