Po ashtu, krahasuar me muajin korrik 2025, ndryshimi mujor i çmimeve ka qenë 0,3%.

Sipas raportit të publikuar nga Instituti i Statistikave (INSTAT), rritja më e madhe është vërejtur në grupin e “argëtimit dhe kulturës” që ka shënuar një rritje të çmimeve prej 6,3%, pasuar nga “pije alkoolike dhe duhan” me 3,3%, dhe “qira, ujë, lëndë djegëse dhe energji” me 3,1%.

Grupi i “ushqimeve dhe pijeve joalkoolike” ka pasur një rritje prej 2,5%, ndërsa grupet e tjera si “hotele, kafene dhe restorante” dhe “mobilje, pajisje shtëpie dhe mirëmbajtje e shtëpisë” kanë shënuar gjithashtu rritje, respektivisht me 2,2% dhe 2,8%.

Brenda grupit të ushqimeve, disa produkte kanë pasur rritje më të theksuar të çmimeve. Ndryshimi më i madh është regjistruar në “vajra dhe yndyrna”, ku çmimet janë rritur me 6,5%, pasuar nga grupet e “qumështit, djathit dhe vezëve” me 3,6%, “mishit” me 3,2%, dhe “peshkut” me 2,4%.

Po ashtu, çmimet e frutave dhe zarzavateve janë rritur përkatësisht me 2,1% dhe 1,3%.

Krahasuar me korrikun 2025, disa grupe kanë shënuar rritje të çmimeve, siç janë grupet “qira, ujë, lëndë djegëse dhe energji”, “argëtim dhe kulturë” dhe “hotele, kafene dhe restorante”, që janë rritur me 0,5% secili.

Po ashtu, çmimet e “mobiljeve, pajisjeve shtëpie dhe mirëmbajtjes së shtëpisë” janë rritur me 0,4%, ndërsa grupet si “ushqime dhe pije joalkoolike”, “pije alkoolike dhe duhan” dhe “veshje dhe këpucë” kanë shënuar rritje prej 0,3% secili.

The post INSTAT: Çmimet e mallrave të konsumit, rritje vjetore prej 2,3% në gusht appeared first on Albeu.com.

Anketa që zhvilloi Barometri i Ballkanit, tregon se 3% e bizneseve të anketuara në vendin tonë, kanë pohuar se kanë zëvendësuat punonjësit me Inteligjencën Artificiale.

Gjithashtu, 3% e bizneseve në Kosovë dhe Malin e Zi i kishin zëvendësuar njerëzit me Inteligjencën Artificiale.

Të dhëna të brendshme referojnë se vitet e fundit, në presionin e mungesës së punonjësve, bizneset po nxiten të përdorin teknologjinë në të gjithë sektorët që nga bujqësia, industria dhe shërbimet. Drini Zusi, aksioner në kompaninë INCA në Lezhë, që operon në industrinë përpunuese, tha se Inteligjenca Artificiale dhe investimet në mekanikë e teknologji vitet e fundit po ulin varësinë nga rekrutimet e reja të punonjësve Z. Zusi tha se nëpërmjet ChatGPT dhe Midjourney në fushën e marketingut krijohet përmbajtja dhe nuk ka më nevojë për menaxher në këtë fushë.

Më parë, kompania paguante një agjenci ose konsulent të jashtëm për konceptin ose përmbajtjen e marketingut, por me versionet premium të ChatGPT këto produkte prodhohen vetë.

Industria është një nga përfitueset e mëdha të teknologjisë, pasi njësitë e prodhimit, të cilat e kanë ndier më së shumti mungesën e fuqisë punëtore, kanë investuar vitet e fundit në teknologji robotike, teksa përdorin edhe inteligjencën Artificiale për marketing dhe për të rritur produktivitetin. Projeksionet globale tregojnë se inteligjenca artificiale do të bëhet një zëvendësues i madh i vendeve të punës në të ardhmen.

Fondi Monetar Ndërkombëtar, lajmëroi më herët këtë vit se, inteligjenca Artificiale do të prekë pothuajse 40% të vendeve të punës në mbarë botën, duke zëvendësuar disa dhe duke plotësuar të tjerat. Ne kemi nevojë për një ekuilibër të politikave për të shfrytëzuar potencialin e ri, u shpreh nëpërmjet në blogu, Kristalina Georgieva, Drejtoreshë Menaxhuese e Fondit Monetar Ndërkombëtar.

Ajo tha se bota është në prag të një revolucioni teknologjik që mund të nxisë produktivitetin, rritjen globale dhe të rrisë të ardhurat në mbarë botën. Megjithatë, mund të zëvendësojë vendet e punës dhe të thellojë pabarazinë. Përparimi i shpejtë i inteligjencës Artificiale ka mahnitur botën, duke ngritur pyetje të rëndësishme në lidhje me ndikimin e mundshëm në ekonominë globale. Efekti neto është i vështirë për t’u parashikuar, pasi IA do t’i prekë ekonomitë në mënyra komplekse./ Monitor

The post Barometri i Ballkanit: 3% e bizneseve shqiptare kanë zëvendësuar punonjësit me Inteligjencën Artificiale appeared first on Albeu.com.

E mbërmja e shumëpritur sapo erdhi ku dje janë zbuluar 3 finalistët e këtij formati.

Nga 16 zëra briliantë, vetëm 3 prej tyre triumfuan dhe shkuan në finale.

Po flasim për Jet, Alis dhe Kleansën. Finalja e këtij spektakli do të zhvillohet më 19 prill, ku mes emocionesh do të zbulohet fituesi i këtij edicioni.

The post Triumfuan mes 16 zërave unik, këta janë 3 finalistët e ‘X Factor Albania’ appeared first on Albeu.com.

I kuqi i buzëve është nxjerrë pas gërmimeve në rajonin Jiroft në juglindje të Iranit në vitin 2001, por studime të fundit me teknologjinë e radiokarbonit tregon se mund të ketë ardhur prej vitit 1600 p.e.s.

Studimi publikuar në revistën ‘Scientific Reports’ thotë: “Studimi i objektit konfirmon qëllimin e tij kozmetik për ngjyrimin e buzëve dhe është rasti më i hershëm i analizuar deri tani”, thuhej në studim teksa shtohej se përbërësit mineralë të substancës së të kuqit të buzëve ishte hematit, një mineral që bëhet i kuq me procesin e oksidimit, ndërsa ishte shumë i ngjashëm me buzëkuqët që përdoren sot.

Mbetjet arkeologjike u zbuluan fillimisht në lumin Halil (provinca Kerman juglindje e Iranit) ku gjenden rrënojat e disa varrezave të shekullit të 3-të p.e.s.

Objekte të tjera artistike prej guri i bakri janë zbuluar në rajon që shfaqen tashmë në muzeumet publike të Kerman e Teheran. Megjithëse prejardhja e saktë e objekteve mbetet e paditur stilet e tyre tregojnë për epokën e hershme të Bronzit dhe rrjedhimisht civilizimin e lashtë Marhasi, shkruan rrjeti The Mirror.

The post Buzëkuqi më i vjetër në botë zbulohet në Iran, besohet se daton prej 3,700 vjetësh appeared first on Albeu.com.

Në komisaritatin nr.3  në rrugën “Mine Peza”, një polic është  plagosur me armë zjarri nga kolegu i tij.

Punonjësi i plagosur C.S është dërguar në spital në gjendje të rëndë, ndërsa autori L.Z është në komisariat.

Ende nuk dihet rrethanat e ngjarjes./albeu.com

The post Çfarë ndodhi në komisariatin nr.3, policët qëllojnë njëri-tjetrin appeared first on Albeu.com.

Sipas dyshimeve të SPAK, këto para kanë ardhur në vend ilegalisht dhe jënë nga para ta ardhura nga aktiviteti i paligjshëm.

Më herët për Gjykata e Tiranës dënoi Ervis Vladin, si personi i cili i futi këto shuma për akuzën e “Mosdeklarimit të të hollave në kufi”. Pak ditë më parë, Gjykata e Tiranës dënoi me 1 vit e 6 muaj burg Vladin, pasi u kap me 3.4 milionë euro të fshehura brenda makinave “Toyota Yarsi”.

Ai ka përfituar gjykim të shkurtuar që do të thotë se do të përfitojë uljen e 1/3 të dënimit.  Në të njëjtën dosje u dënua edhe Agim Çeka për “armëmbajtje pa leje” me 2 vjet 4 muaj.

Katër të arrestuarit në Shqipëri për këtë ngjarje kanë qene Edi Lika, Klevi Lika, Agim Ceka dhe Alban Mollaymeri, ndërsa janë liruar. Ndërsa të proceduar në Belgjikë janë Alfred Vladi, Elvis Vladi, Edi Lika, Agim Ceka, Alban Mollaymeri, Niman Nimani, Alman Nimani, Albana Vladi, Arianit Nimani, Drita Sopo dhe Driton Hakaj./albeu.com/

The post E FUNDIT/ Gjykata e Posaçme konfiskon 3.4 milionë eurot e “Toyota Yaris” appeared first on Albeu.com.