Ndryshimet e fundit në retorikën e Uashingtonit kanë ngjallur frikën se Ukraina mund të jetë nën trysni për të arritur një marrëveshje jo të favorshme për paqen, apo se mund të lihet të përballet me Rusinë pa mbështetjen e Shteteve të Bashkuara.

Siç njoftojnë korrespondentet e Zërit të Amerikës, Myroslava Gongadze dhe Anna Chernikova, ndërsa shumica e ukrainasve janë tashmë në favor të bisedimeve të paqes, shumë këmbëngulin që zgjidhja të jetë sipas kushteve të Ukrainës.

Qendra Mjekësore Razom në Kiev u hap në shkurt 2024 nga veterani i luftës Petro Krasytskyi dhe mjeku i tij i familjes.

Pasi shërbeu në ushtri në 2015 dhe përsëri pas fillimit të sulmit të Rusisë, zoti Krasytskyi e planifikoi ngritjen e klinikës gjatë trajtimit për lëndimet e pësuara.

Ndërsa numri i veteranëve të Ukrainës pritet të arrijë në 4 deri në 5 milionë, ai thotë se e sheh qendrën si një investim në të ardhmen e vendit.

“Nëse nuk do të besonim në të ardhmen e vendit tonë, nuk do të kishim filluar asnjë nga këto. Nuk do të kishte asnjë qendër mjekësore – thjesht do të kishim shkuar jashtë vendit dhe ky do të ishte fundi“, thotë ai.

Shumë në Ukrainë kanë optimizmin e zotit Krasytskyi, por ndryshimet e fundit në politikën dhe retorikën amerikane kanë shqetësuar shumë ukrainas për të ardhmen e vendit teksa hyn në vitin e katërt të luftës me Rusinë.

Ukrainasit kanë frikë se lëkundjet në angazhimin amerikan mund të dëmtojnë përpjekjet për të frenuar forcat ruse dhe mund të dobësojnë pozitat e Ukrainës në negociatat e ardhshme.

Maria Mezentseva, ligjvënëse nga partia në pushtet e Presidentit Volodomyr Zelenskyy, i tha Zërit të Amerikës se trysnia është e lartë dhe se disa mesazhe për Ukrainën janë zhgënjyese.

“Ende presim paqen, negociata të drejta dhe asgjë për Ukrainën që nuk do të vendoset pa Ukrainën.

// Presim kohëra të vështira, por tashmë e shoh këtë unitet [brenda vendit], të cilin ndoshta filluam ta humbim pak, duke u rikthyer. Dhe ndoshta këto tronditje janë të nevojshme për këtë qëllim”, thotë deputetja.

Anketimi i fundit i firmës Gallup tregon se 52% e ukrainasve mbështesin bisedimet e paqes.

Oleksiy Melnyk nga Qendra Razumkov, një institut ukrainas i politikave publike, vëren se ai sheh një ndjenjë në rritje të realizmit në shoqërinë ukrainase në lidhje me perspektivat për paqen.

“Ekziston një botëkuptim i përgjithshëm se një armëpushim i mundshëm nuk është fundi i luftës.

// Mendimi mbizotërues është se nëse amerikanët dhe rusët arrijnë një lloj marrëveshjeje për armëpushimin, kjo do të jetë thjesht një lloj tjetër periudhe e ndërmjetme”, thotë zoti Melnyk.

Viktimat në radhët e civilëve në Ukrainë u rritën me 16% në vitin e tretë të luftës, me mbi 1,600 vdekje ndërsa sulmet ajrore ndaj civilëve u trefishuan, sipas organizatës ACLED me seli në Shtetet e Bashkuara.

Në rrugët e Kievit, shumë shpresojnë se bisedimet e paqes do t’i japin fund armiqësive, por nuk janë të kënaqur me idenë për t’i bërë lëshime Rusisë dhe Presidentit Vladimir Putin.

“E shikoj pozitivisht procesin e fillimit të negociatave, por është shumë e vështirë të flasim për të me kushtet që po dëgjojmë.

Gjëja më e rëndësishme që i duhet Ukrainës tani është besimi se ka mbështetje, si brenda vendit ashtu edhe nga aleatët e huaj”, thotë Anna, banore e Kievit.

“Negociatat duhet të jenë vetëm sipas kushteve tona.

Duke pasur parasysh kompromiset që sugjerohen, unë besoj se do të ishte një humbje dhe kjo nuk është ajo për të cilën ne kemi luftuar gjatë tre viteve të fundit“, thotë Dmytro.

Pas tre vitesh rezistencë ndaj agresionit rus, Ukraina po përjeton një nga periudhat e saj më sfiduese, pasi forcat e saj humbasin gradualisht terren në lindje.

Ukrainasit nuk do të donin ta shihnin vendin e tyre të heqë dorë nga territori dhe shpresojnë se Shtetet e Bashkuara mund të binden të qëndrojnë në anën e tyre, duke u dhënë atyre një shans për ta mbajtur vendin e tyre të plotë./VOA

The post Tre vjet pas fillimit të luftës në Ukrainë lëkundet mbështetja amerikane appeared first on Albeu.com.

Për shkak të gjykimit të shkurtuar, Lena u dënua përfundimisht me 2 vite burgim dhe heqjen për 3 vite rresht të ushtrimit të së drejtës së profesionit.

The post Dënohet me 3 vite burg ish-kryetarin e dhomës së Avokatisë, Arben Lena appeared first on Albeu.com.

Akuza ndaj tij është “vrasje nga pakujdesia” neni 85 , atë që kërkoi prokurori Arjan Xhaferraj ndërkohë që është dënuar me 3 vite nga gjykatësja Dorina Stroka.

Prokurori kërkoi 3 vjet e 6 muaj dhe gjykatësja e dënoi me  3 vite. Familjarët e Meshaut kanë kërkuar që të dënohej për vrajse me dashje por kjo është rrëzuar. I pranishëm në sallë avokatët e Rei Metës dhe babai i autorit.

Autori nuk ka qënë i pranishëm në sallë pasi sipas avokatëve kishte probleme shëndetësore. Ngjarja u rregjistrua ne gusht te vitit 2023 prane nje kancelarie ne afersi të gjykatës në Vlorë.

Lajmi në përditësim,,,

The post Vrau me grusht biznesmenin e ndërtimit në Vlorë, Rei Meta dënohet me 3 vite burg appeared first on Albeu.com.

Ai është dënuar për keqpërdorim të detyrës zyrtare, si dhe dëmtim me dashje të buxhetit të shtetit.

Lekaj është dënuar edhe me dënim plotësues, që ia ndalon për tre vite e gjashtë muaj ushtrimin e funksionit publik në administratë publike.

Bashkë me të janë dënuar edhe ish-sekretari i Ministrisë Nebih Shatri me një vit e tetë muaj, drejtori i Prokurimit Besim Tahiri, me një vit e tetë muaj burgim dhe këshilltari Eset Berisha me 3 vite e tre muaj.

Në deklarimet e tyre paraprake të gjithë të akuzuarit ishin deklaruar të pafajshëm.

The post Emri/ Ish-ministri shqiptar, dënohet me 3 vite e 8 muaj burg appeared first on Albeu.com.

Përmasat e këtij procesi e bënë të vështirë zbatimin dhe koordinimin institucional, ndërkohë që transparenca në shumë raste është bërë objekt kritikash.

U angazhuan institucione të tëra në nivel qendror dhe vendor, ndërkohë që ndërhyrjet ishin të kategorive të ndryshme, duke nisur nga rikonstruksionet e vetë qytetarëve për dëmtimet më të lehta te rindërtimi nga e para për disa objekte të reja.

Pjesa më komplekse ishin zonat e reja të zhvillimit, të cilat janë shtrirë në disa prej bashkive të prekura si Durrësi, Tirana, Kurbini, Vora, Kruja. Për të koordinuar të gjithë punën e lidhur me rindërtimin, fillimisht do të kishte një ministri të veçantë që do të angazhohej, që ishte Ministria e Shtetit për Rindërtimin.

Thuajse gjatë gjithë periudhës së funksionimit të saj, kjo ministri nuk bëri në asnjë moment, një bilanc shterues mbi ecurinë nga fillimi deri në momentin e fundit, kur këto detyra i kaluan zëvendëskryeministres Belinda Balluku.

Sot, nëse do të kërkosh në shifra sa familje nga ato mijëra të prekura kanë hyrë në banesën e tyre të re dhe sa prej tyre janë ende në pritje të përfundimit, ajo që do të hasësh është paqartësia.

Në disa prej Bashkive, procesi ka ecur më shpejt e në të tjera, më ngadalë. Sigurisht kjo lidhet me përmasat e dëmit dhe rindërtimit që duhet të bënte secila, fondeve në dispozicion, ngadalësimit që solli situata e pandemisë, apo edhe problematikave të tjera të koordinimit.

Gjithsesi, fakt është që sot, ende disa prej bashkive janë me kantiere të hapura, duke ndërtuar në funksion të procesit dhe me shpresën se viti 2023, do të jetë kapitulli i fundit që do të shënojë mbylljen dhe hyrjen në banesa të banorëve që ende janë rrugëve.

Për vitin 2023, buxheti ka planifikuar 5 miliardë lekë në zërin e Fondeve të Rindërtimit, teksa nga janari 2020 deri në shtator 2022, nga buxheti janë shpenzuar 59.9 miliardë lekë, apo 497 milionë euro në funksion të këtij procesi.

Bashkia e Durrësit: 130 milionë euro për procesin, mbyllet në pranverë 2023

Bashkia më e prekur në vend nga tërmeti i 26 nëntorit 2019 ishte ajo e Durrësit. Dëmet ishin të shumta dhe të kategorive të ndryshme, çka bëri që edhe procesi i rindërtimit të ishte më intensiv. Për shkak të dimensioneve që kanë zonat e reja të zhvillimit, sidomos Spitalla, ende në një pjesë të mirë të loteve po punohet aktivisht.

“Për sa i përket rindërtimit në zonën e Spitallës: Projekti është i ndarë në 7 lote. Aktualisht po punohet për të gjitha lotet. Loti i parë, ku janë gjithsej 15 pallate dhe 156 apartamente në fazë rifiniturash.

Në tre lotet e tjera janë në fazën konstruksion betonarme dhe ndërtim murature, janë 40 godina dhe 444 apartamente. Në tre lotet e tjera jemi në fazën konstruksion themeli, plus strukturë janë 30 godina dhe 396 apartamente.

I gjithë siti i ri do të ketë 85 pallate të reja 4-katëshe me 996 apartamente gjithsej. Qëllimi është që punimet të përfundojnë brenda pranverës së vitit 2023”, – konfirmoi zyrtarisht Bashkia e Durrësit.

Ajo deklaroi se gjithashtu ka përfunduar një numër i konsiderueshëm objektesh arsimore, që tashmë janë në funksion të plotë. Në total, nga buxheti për procesin e rindërtimit dedikuar Bashkisë së Durrësit janë çelur rreth 130 milionë euro fonde.

“Në bazë të vendimeve të Këshillit të Ministrave, fondet që i alokohen Bashkisë së Durrësit si njësi zbatuese për rindërtimin duke filluar nga viti 2020 e deri më sot janë 15 612 713 714 lekë. Nga këto janë çelur në thesar për 9 630 89 5548 lekë. Brenda vitit 2023 duhen çelur edhe diferenca prej 5 981 818 166 lekësh që të mbyllet financimi i plotë i Vendimeve të Këshillit të Ministrave, që ngarkojnë Bashkinë si njësi zbatuese”, – nënvizon Bashkia.

Tirana, zonat rurale ecën më shpejt, “5 Maji” dhe “KombinArt” ende punë para

Për Tiranën, procesi i rindërtimit sa u takon zonave të reja të zhvillimit u nda në pjesën rurale dhe atë urbane në zemër të kryeqytetit. Bashkia e Tiranës, e cila do të ishte vetë institucioni që udhëheq procesin në rang qarku, do të kishte detyrën e kryerjes së procedurave të nevojshme për rindërtimin.

Për gjithë Qarkun e Tiranës, të dhënat treguan se ishin 2 mijë objekte të dëmtuara, ku mbi 400 shtëpi ishin private dhe në kushte të pabanueshme. Lidhur me godinat shumëkatëshe rezultoi se ishin të paktën 202 pallate të dëmtuar, ku të paktën 67 ishin të kategorizuar DS5 dhe duhej të shembeshin.

Procesi i rindërtimit në zonat rurale, në këto tre vite, duket se eci më shpejt, ku tashmë një pjesë e mirë e banorëve kanë marrë çelësat shtëpive individuale. “5 Maji”, nga ana tjetër, dhe “KombinArt”, edhe për hir të përmasave, janë ende në punime e sipër.

Deri më tani për zonën e “5 Majit” kanë marrë apartamente të paktën 58 familje, por numri i atyre që janë në pritje është shumë më i madh. Vetëm në këtë zonë synohet që të strehohen 11 mijë banorë, ndërkohë që parashikohen 3500 apartamente. Një pjesë e apartamenteve të përfunduara pritet që të shpërndahet përmes shortit në fund të këtij viti, para festave, sikurse ka ndodhur edhe më herët në raste të tjera.

Për zonën e Kombinatit, ndërtesat shumëkatëshe që po ndërtohen, do të jenë streha e 21 mijë banorëve të rinj, sikurse është deklaruar nga Bashkia.

Lidhur me zonat rurale për Tiranën, tashmë kanë përfunduar zona e Zall – Herrit, lagjja e re në Ndroq e Vaqar. Punimet janë ende aktive për zonën e Pezës. Për zonat rurale, Bashkia e Tiranës ka ndërtuar në total rreth 500 banesa.

Përtej deklaratave dhe vizitave nëpër kantiere, sot askush nuk di të thotë një shifër totale të atyre që tërmeti i la pa një çati mbi kokë dhe që viti 2023 do t’i gjejë me një të tillë në bashkinë më të madhe në vend.

Revista “Monitor” kërkoi pranë Bashkisë së Tiranës informacion mbi ecurinë e procesit në datë 31 tetor 2022, por deri në datën 25 nëntor, në redaksi nuk erdhi asnjë përgjigje.

Shijaku thuajse në fund të procesit, 802 familje me banesa të reja

Bashkia e Shijakut nuk u shpëtoi gjithashtu pasojave të tërmetit të 26 nëntorit 2022. Procesi i rindërtimit, në fund të tre viteve e gjen këtë bashki me apartamente të përfunduara për të paktën 802 familje.

Në javën e parë të nëntorit, Kryeministri Edi Rama dhe zëvendëskryeministrja Belinda Balluku ndoqën nga afër ecurinë e punimeve ku deklaruan se tashmë rindërtimi për Shijakun parashikohet të mbyllet në fund të këtij viti.

“Të paktën 87% e punimeve ka të bëjë me banesat, ndërsa 13% është për infrastrukturën. Tashmë është prokuruar pjesa e infrastrukturës dhe ne shpresojmë që, deri në fund të dhjetorit, të jetë e përfunduar”, – tha Balluku.

Në të paktën 31 pallate të reja, Bashkia e Shijakut strehon 637 apartamente, duke çuar në total familjet me banesa të reja në 802.

Bashkisë së Kurbinit i bie ritmi i rindërtimit

Bashkia e Kurbinit, të paktën për zonën 1 në Laç, mbylli në fillim të vitit 2022 ndarjen e çelësave të apartamenteve. Zona e re e zhvilluar erdhi si ndihmë e shtetit turk dhe u menaxhua nga Autoriteti Shtetëror i Zhvillimit Strehimor të Turqisë, ku u ndërtuan 522 apartamente.

Kjo ishte edhe zona që eci më shpejt sesa të gjithë projektet e tjera të rindërtimit në vend, nëse i referohemi pjesës së ngritjes nga zero të një zone. Ndërkohë, pjesa e dytë e rindërtimit e menaxhuar nga pala shqiptare, që përfshinte gjithashtu strehimin e 200 familjeve të tjera, godinën e re të Bashkisë së Kurbinit, si dhe disa elemente të tjera plotësuese ka ecur me ritme më të ngadalta.

Bashkia, tek-tuk, ka informuar lidhur me rindërtimin e shkollave apo projekteve të tjera të lidhura me pasojat e pas tërmetit, por nuk ka bërë të qartë se kur do të jetë i mbyllur gjithë procesi.

Në një sërë dokumentesh të miratuara në mes të këtij viti, ku ndër të tjera një kërkesë për shpronësim apo shkëmbim prone për interes publik, në funksion të zonës 1/2, si dhe plani i detyruar vendor, jepeshin detaje mbi zbatimin e fazës së dytë të rindërtimit.

Në faqen e Bashkisë, ndërkohë nuk ka të rifreskuar informacion mbi ecurinë e plotë të procesit për fazën e dytë./Monitor

The post Tërmeti tre vjet më pas, rindërtimi në vorbullën e shifrave appeared first on Albeu.com.

Pjesa më e madhe e tyre është në Itali, ku deri në fund të vitit 2021 ishin të regjistruar 433 mijë shtetas, ose 76% e deklarimeve totale të Eurostat (pa Greqinë).

Eurostat nuk i ka publikuar të dhënat për Greqinë, por së bashku me Italinë, mbetet shteti që ka pritur në vite më shumë shtetas, në nivele të ngjashme me Italinë.

Në tre vitet e fundit, numri i shqiptarëve që jetojnë në shtetet e Bashkimit Europian është rritur me gati 30 mijë persona. Ajo që vihet re qartë është tendenca e re për të ikur drejt Gjermanisë. Nga 30 mijë persona që kanë arritur të regjistrohen në një vend të BE-së në tre vitet e fundit, rreth 27.3 mijë prej tyre kanë ikur drejt Gjermanisë, duke e çuar numrin në total në gati 77 mijë persona, të tretin pas Italisë e Greqisë për numrin e shtetasve shqiptarë në total që jetojnë në një vend të BE-së.

Franca është shteti i dytë pas Gjermanisë që ka parë rritjen më të lartë të shtetasve shqiptarë me rreth 8500 persona që janë shtuar, në një total prej 33 mijë personash. Ndryshe nga Gjermania, ku shkojnë përgjithësisht personat që kanë një kontratë pune, dhe si rrjedhojë figurojnë të regjistruar si rezidentë, në Francë është shumë më i lartë numri i personave që kërkojnë azil dhe si rrjedhojë mund të mos figurojnë ne regjistrimet e shtetasve jo të BE-së që jetojnë në Francë.

Për të njëjtën periudhë është ulur me rreth 7 mijë persona numri i shqiptarëve në Itali. Italia mbetet gjithsesi shteti kryesor pritës me rreth 433 mijë shtetas shqiptarë.

Në vendet e tjera të BE-së janë të regjistruar më pak sesa 7 mijë persona. Pas Francës renditen Belgjika (6,807), Suedia (6,184) dhe Austria (3,038).

Rritja e lejeve të qëndrimit nga Gjermania

Gjermania, e cila po përballet me kufizime në tregun e brendshëm të punës, po tërheq vitet e fundit shtetas nga e gjithë bota, përfshirë dhe shqiptarë. Specialitete si mjekë, infermierë, specialistë të teknologjisë së informacionit janë ndër profesionet më të kërkuara në Gjermani.

Të dhëna të tjera të Eurostat, që janë të disponueshme deri në vitin 2020 tregojnë se lejet e qëndrimit që Gjermania ka dhënë ndaj shtetasve shqiptarë janë rritur ndjeshëm duke filluar nga viti 2018. Në atë vit mbi 10 mijë shtetas shqiptarë u pajisën me leje për të jetuar e punuar në ekonominë më të madhe të Europës. Në 2019-n, numri i tyre i kaloi 12 mijë. Në 2020-n, ndonëse në pandemi dhe kufizime të forta në lëvizje, u dhanë rreth 8,300 leje qëndrimi.

/Monitor

The post Të gjithë drejt Gjermanisë, 27 mijë shqiptarë ikën zyrtarisht në 3 vjet appeared first on Albeu.com.