Ngjarja ndodhi në bulevardin Alexandras, në kryqëzimin me rrugën Armeni Vraila, ku dy motorë u përplasën me njëri-tjetrin.

Shkaqet dhe rrethanat e sakta të aksidentit mbeten ende të paqarta dhe po hetohen nga autoritetet.

Sipas informacioneve paraprake, në përplasjen e fuqishme u përfshinë dy motoçikleta. Në njërën prej tyre udhëtonte një burrë, ndërsa në motorin tjetër ndodheshin dy gra.

Përplasja rezultoi fatale për të tre personat. Ata u transportuan me urgjencë në spitalin Red Cross Hospital në Athinë, por, pavarësisht ndërhyrjes së mjekëve, u konfirmuan të vdekur.

Policia greke ka nisur hetimet për zbardhjen e plotë të rrethanave të aksidentit. Autoritetet po përpiqen të përcaktojnë dinamikën e përplasjes, ndërsa pritet të mblidhen edhe të dhëna të tjera që mund të ndihmojnë në përcaktimin e shkakut të aksidentit.

The post Aksident tragjik në Greqi, raportohet për 3 viktima appeared first on Albeu.com.

Mediat italiane shkruajnë se në Erbusco, miqtë dhe të njohurit janë pranë familjes së vajzës së re.

Sara jetonte në Zocco që nga viti 2005, por kohët e fundit një pjesë të jetës e kalonte në shtëpinë e Kleo Vrionit në Ponte San Pietro, në zonën e Bergamos, ku 25-vjeçari punonte si murator.

Në ato zona ajo kishte gjetur gjithashtu punë si shitëse në një dyqan me artikuj për kafshë.

Por martesa e saj mbetet mister. CORRIERE DELLA SERA thekson se medait shqiptare raportojnë se Sara dhe Kleo mund të jenë martuar të dielën, më 16 gusht, vetëm tre ditë para aksidentit.

Familja e 26-vjeçares, ka deklaruar se nuk ishte informuar për martesën dhe për këtë arsye po përpiqet të verifikojë se çfarë ka ndodhur.

Hipoteza është se dy të rinjtë janë martuar në Shqipëri, vendi i origjinës së Vrionit, me një ceremoni private, rrethanë që ende duhet të konfirmohet. Ndërkohë hetimet për zbardhjen e plotë të aksidentit po vazhdojnë.

CORRIERE DELLA SERA shkruan më tej se; një video e publikuar nga mediat shqiptare tregon BMW-në e drejtuar nga Vrioni duke kaluar në pamje me shpejtësi të madhe, duke ngritur një re pluhuri dhe më pas duke humbur kontrollin, duke u përplasur me një strukturë betoni dhe në fund duke u përmbysur.

Aksidenti ndodhi pak pas orës dy të natës në një rrugë dytësore të Manzës, në territorin e Durrësit dhe 30 kilometra nga kryeqyteti Tirana. Pesë personat, sipas rindërtimit të ngjarjes, po ktheheshin nga një lokal ku kishin kaluar mbrëmjen.

Ndër shkaqet e mundshme të përplasjes do të ishte pikërisht shpejtësia e lartë: sipas një analize të parë të videos, makina mund të ketë lëvizur me rreth 114 kilometra në orë, një vlerësim që duhet të verifikohet nga hetimet teknike.

Ndërkohë, në Zocco pritet kthimi i trupit të Sara Brugnatelli, pas përfundimit të verifikimeve dhe procedurave të nevojshme në Shqipëri. Më pas do të zhvillohet ceremonia e lamtumirës së fundit, por data e saj ende nuk është caktuar.

The post Aksidenti me 3 viktima në Durrës/ Misteri i martesës mes Sarës dhe Kleos, Corriere della Sera: Familja nuk ishte në dijeni appeared first on Albeu.com.

Sipas burimeve,Kleo Vrioni, Sara Brugentelli, ishin duke u kthyer nga një lokal nate kur i riu 25-vjeçar humbi kontrollin e automjetit dhe u përplas me një bordurë betoni.

Ndërkohë, nga aksidenti viktimë mbeti edhe Alvi Muhaxhiri, 15-vjeç ndërsa u plagosën Rejsi Vrijoni, 25-vjeç dhe Klevis Dervishi, 16-vjeç.

Ky i fundit, sipas informacionit të policisë, ndodhet në gjendje të rëndë shëndetësore dhe është transportuar drejt Tiranës për ndihmë të specializuar mjekësore.

The post Pak ditë më parë ishin martuar, këta janë të rinjë që humbën jetën në aksidentin tragjik në Durrës, po ktheheshin nga një lokal nate appeared first on Albeu.com.

Viktimat janë: Kleo Vrioni, 25-vjeç, drejtuesi i automjetit, Sara Brugentelli, 26-vjeçe, dhe Alvi Muhaxhiri, 15-vjeç.

Të plagosur kanë mbetur Rejsi Vrijoni, 25-vjeç, dhe Klevis Dervishi, 16-vjeç.

Policia ka zbardhur detaje të reja janë zbardhur nga aksidenti tragjik, ku tre persona humbën jetën.

Bëhet me dije se; drejtuesi i mjetit, 25-vjeçari Kleo Vrioni dhe pasagjerja Sara Brugentelli, 26-vjeçe, nga Italia, ishin martuar vetëm pak ditë më parë.

Çifti ndodhej në automjetin tip BMW, kur dyshohet se Vrioni humbi kontrollin e mjetit duke u përplasur me një strukturë betoni. Përplasja rezultoi fatale për çiftin dhe 15-vjeçarin Alvi Muhaxhiri.

The post VIDEO/ Zbardhen detaje nga aksidenti me tre viktima në Durrës, drejtuesi i mjetit dhe pasagjerja 26-vjeçare ishin martuar vetëm para pak ditësh… appeared first on Albeu.com.

Deklarata është dhënë një ditë më parë, ndonëse nëna ndodhej në gjendje të rënduar psikologjike pas tragjedisë.

Disa muaj më parë, familjarët kishin tentuar ta merrnin Bleonën së bashku me dy fëmijët. Edhe pse në fillim 24-vjeçarja e kishte kërkuar këtë, më pas kishte ndryshuar mendje dhe kishte vendosur të vazhdonte të jetonte me bashkëshortin.

Bleona Çelaj, nuk kishte telefon celular dhe mbante pak kontakte me familjen, pasi ata jetonin në Gjermani.

Marrëdhëniet mes dy familjeve ishin të ftohta dhe komunikimi mes tyre nuk ishte normal. Tensioni u vu re edhe dje, në ditën kur ndodhi ngjarja tragjike, ndërsa sot familjet janë bërë bashkë për ceremoninë e varrimit.

Bashkëshorti, nga ana tjetër, ka mohuar që çifti të ketë pasur konflikte. Pas ngjarjes së rëndë, gjendja e tij psikologjike paraqitet tejet e rënduar.

Megjithëse janë ngritur pretendime për dhunë, grupi hetimor, bazuar në këqyrjen e vendit të ngjarjes, provat e administruara dhe ekspertizën mjeko-ligjore, është plotësisht i bindur se zjarri që u mori jetën nënës dhe dy fëmijëve ishte aksidental.

Në banesën e përfshirë nga flakët, ku humbën jetën tre persona, mbërritën edhe ekspertë zjarresh nga Tirana.

Hetuesit vlerësojnë se dhuna e pretenduar nga familja e Bleonës nuk ka ndikuar në tragjedi, pasi dyshohet se një rrjedhje e mundshme nga bombola e gazit ka shkaktuar shpërthimin.

Në shtëpi ndodhej gjithashtu një shishe me benzinë, e cila ka ndikuar ndjeshëm në përhapjen e zjarrit dhe në shpërthim.

Policia ka sekuestruar provat materiale, mes tyre një pjesë të bombolës, që konsiderohet prova kryesore, si dhe sende të tjera të gjetura jashtë. Materialet janë dërguar në Tiranë për ekspertizë të mëtejshme.

Në momentin e tragjedisë, nëna dhe dy fëmijët ishin vetëm në banesën e braktisur në Domen të Postribës, pasi bashkëshorti kishte shkuar në një market.

Çifti ishte kthyer nga Gjermania prej disa ditësh. Bashkëshorti është shtetas gjerman, ndërsa Bleona ishte në proces dokumentacioni.

Policia dhe prokuroria po vijojnë hetimet. Deri tani është përjashtuar mundësia që nëna të jetë vetëvrarë apo t’i ketë mbytur fëmijët për shkak të dhunës së pretenduar ose të ndonjë ndikimi tjetër, ndërsa ngjarja e rëndë është klasifikuar si aksidentale.

The post Tragjedia me 3 viktima në Shkodër, hetimet vazhdojnë/ Nëna e Bleona Çelajt: Vajza dhunohej nga bashkëshorti appeared first on Albeu.com.

Burime pranë grupit hetimor bëjnë me dije se tre trupat e viktimave, janë gjetur shumë afër njëri-tjetrit të shkrumbuar nga flakët.

Në momentin kur ka rënë zjarri mendohet se nëna ka mbrojtur fëmijët e saj dhe nuk ka arritur që të dalë jashtë. Djali i vogël 1 vjeçar u gjet në duart e nënës së tij ndërsa fëmija tjetër në afërsi.

Policia dhe efektivët zjarrëfikës si provë në këtë ngjarje që deri më tani cilësohet si aksidentale, kanë gjetur edhe një copë mbetje të një bombole të vogël gazi, petrogaz që është sekuestruar në cilësinë e provës materiale.

Bashkë me bombolën e vogël, grupi hetimor ka konstatuar edhe sustën e shtratit që ndodhej brenda asaj shtëpie ndërsa gjithçka tjetër është shkrumbuar nga flakët.

Ndërkohë jashtë shtëpisë ndodheshin çantat me të cilat kishin shkuar familja Çelaj në shtëpinë e tyre të vjetër.

Këto prova materiale që janë gjetur do të dërgohen në Tiranë për ekspertim për të patur një përgjigje më pas që do t’i shërbejë këtij hetimi.

Babai i fëmijëve dhe bashkëshorti i 24-vjeçares që u dogjën brenda, ka deklaruar se me vete kanë patur edhe një shishe benzine që e kishin marrë për të bërë disa riparime dhe pastrime dhe se ju duhej.

Ai ka deklaruar se është ulur tek një market për të blerë disa gjëra për familjen dhe kur nuk ndodhej aty, shtëpia ka marrë flakë duke bërë që nëna me dy të miturit të digjen brenda.

Dyshimi kryesor deri më tani që ka grupi hetimor është se nëna mund të ketë tentuar për të ndezur bombolën e gazit për të gatuar dhe në atë moment si shkak i rrjedhjes së gazit mund të ketë patur eksplozion.

Po ashtu ekziston mundësia që dy fëmijët e vegjël mund të kenë qenë në gjumë në momentin kur ra zjarri.

Fakti që aty nuk ndodhej askush tjetër dhe se shtëpia nuk ka banesa të tjera përreth ka bërë që zjarri të konstatohet jo në kohën e duhur duke bërë që tre viktimat të humbin jetën.

Mungesa e një njoftimi në kohën e duhur dhe terreni i thyer malor kanë qenë fatal në këtë ngjarje të rëndë.

Familja Çelaj jetonte në Gjermani dhe ishin të pajisur me dokumente gjermane dhe kishin ardhur disa ditë më parë për pushime.

Ata menduan të shkojnë tek banesa e vjetër për ta pastruar dhe për të qëndruar disa orë aty por e gjitha u kthye në një tragjedi që tronditi opinionin.

The post Tragjedia me 3 viktima në Shkodër/ Trupat ishin pranë njëri-tjetrit! Fëmija 1-vjeçar u gjet i djegur në krahët e nënës appeared first on Albeu.com.

31-vjeçarja pas vrasjes së 45-vjeçarit Iliaz Brahimi, ka marrë peng nusen e xhaxhait të saj, duke e qëlluar atë dhe më pas veten.

73-vjeçarja ndërroi jetë në orët e para të mëngjesit në spital. Ndërsa 31-vjeçarja humbi jetën në spital pas plagëve të marra.

Ndërkohë, në një reagim në herët Prokuroria e Kosovës, theksoi se hetimet vijojnë për të zbardhur plotësisht këtë ngjarje të rëndë, ndërsa arma e zjarrit dhe gëzhoja janë sekuestruar nga autoritetet.

The post Thellohet tragjedia/ Shkon në 3 numri i viktimave në Podujevë, ndërron jetë edhe 31-vjeçarja, autorja e dyshuar e krimit appeared first on Albeu.com.

Dy automjete u përplasën kokë më kokë në aksin Vlorë-Kotë, duke lënë fillimisht dy viktima në vendngjarje dhe një të plagosur rëndë.

Ky i fundit ishte pasagjer në një prej automjeteve të aksidentuara.

Vetëm dy orë më pas, edhe i plagosuri i tretë nuk arriti t’u mbijetojë plagëve, duke e çuar në tre numrin e viktimave nga ky aksident i rëndë.

Ne aksident u përfshinë një ”Benz” me targa FR4044C AA i ciki drejtohej nga nje 30-vjeçar dhe automjeti tip “Ford” me targa AB309FL.

Dy drejtuesit e automjeteve ndërruan jetë në vendin e ngjarjes.

Identiteti i viktimave ende nuk bëhet i ditur.

The post Aksidenti tragjik në Vlorë/ Shkon në tre numri i viktimave, makinat u përplasën “kokë më kokë” (VIDEO) appeared first on Albeu.com.

Në orët e para të mëngjesit të sotëm, një aksident tragjik u regjistrua në Gjirokastër në vendin e quajtur “Bypass”, ku për pasojë humbën jetën tre të rinj si dhe një 19-vjeçare u plagos rëndë.

Sipas uniformave blu, mes viktimave nga aksidenti tragjik ishte edhe Klejdi Myftari, 24-vjeçari i cili punonte si instumentist muzikor.

Aksidenti tragjik që la pas tre viktima dhe një vajzë të plagosur, ndodhi rreth orës 03:18, në aksin rrugor “Gjirokastër-Tepelenë”, në vendin e quajtur “Bypass”.

Ai po udhëtonte së bashku me Anxhelo Rucin 27 vjeç, ku të dy kanë humbur jetën nga plagët e marra dhe u përplasën me mjetin tjetër tip Mercedes Benz ku udhëtonin shtetasit Martin Dulaj 25 vjeç i cili ka ndërruar jetë në vendngjarje dhe Arsida Demiri 19 vjeç, e cila është transportuar në drejtim të Spitalit të Traumës në Tiranë.

The post Aksidenti tragjik që përgjaku nisjen e Vitit të Ri në Gjirokastër/ Mes viktimave, instrumentisti 24-vjeçar Klejdi Myftari appeared first on Albeu.com.

27-vjeçari ishte djali i shefit të policisë, Rami Ruçi, si dhe nip i ish-kryetarit të Kuvendit të Shqipërisë, Gramoz Ruçit.

Aksidenti që ktheu festën në tragjedi, ndodhi nga përplasja e dy mjeteve.

Mjeti tip Volkswagen ku udhëtonin Klejdi Myftari 24-vjeç dhe Anxhelo Ruci 27-vjeç, ku të dy kanë humbur jetën nga plagët e marra dhe mjeti tjetër tip Mercedes Benz, ku udhëtonin shtetasit Martin Dulaj 25-vjeç, i cili ka ndërruar jetë në vendngjarje dhe Arsida Demiri 19-vjeç, e cila është transportuar në drejtim të Spitalit të Traumës në Tiranë për ndihmë më të specializuar.

The post Aksidenti i rëndë në Gjirokastër/ Një nga viktimat nipi i ish-kryetarit të Kuvendit, Gramoz Ruçit appeared first on Albeu.com.