Ai është arrestuar nga policia pasi gjatë kontrollit në ambientet e një lokali në “Hajro Çakerri”, kanë gjetur dhe sekuestruar një pistoletë të fshehur poshtë lavamanit të enëve. Materialet i kaluan Prokurorisë së Rrethit Gjyqësor Vlorë, për veprime të mëtejshme.

“Goditet një tjetër rast i armëmbajtjes pa leje.  Sekuestrohet një armë zjarri pistoletë, vihet në pranga poseduesi. Në vijim të punës për rritjen e parametrave të sigurisë, si rezultat i kontrolleve të shtuara për kapjen e personave në kërkim dhe atyre që posedojnë armë zjarri, në bazë të informacioneve të mara në rrugë operative, Forca e Posaçme Operacionale në DVP Vlorë, në bashkëpunim me shërbimet e Komisariatit të Policisë Vlorë kanë goditur një tjetër rast të armëmbajtjes pa leje.

Shërbimet e Policisë kanë ushtruar kontroll në ambientet e një lokali në lagjen “Hajro Çakerri”, ku kanë gjetur dhe sekuestruar në cilësinë e provës materiale një armë zjarri tip pistoletë, me fishekë.

Në vijim të veprimeve, specialistët për Hetimin e Krimeve në Komisariatin e Policisë Vlorë  arrestuan në flagrancë për veprën penale “Armëmbajtje pa leje”, poseduesin e armës së zjarrit, shtetasin:  M. Sh., 29 vjeç, banues në Vlorë. Materialet i kaluan Prokurorisë së Rrethit Gjyqësor Vlorë, për veprime të mëtejshme”, njofton policia./albeu.com/

The post Kishte fshehur armën në lavaman, prangoset 29-vjeçari në Vlorë (VIDEO) appeared first on Albeu.com.