Princeshë Geraldina shfaqet e veshur me ngjyrat kombëtare dhe në dorë mban një flamur kuqezi. Nuk dihet nëse fotografia është e sotme apo është shkrepur më herët, pasi pas ndarjes së çiftit mbretëror, nga postimet në rrjetet sociale duket se Geraldina kalon më shumë kohë me të atin.

“Atdheu është dashuri pa kushte, është thirrja më e fuqishme që buron nga shekujt, që na mbush me frymëzim dhe krenari, që na pulson bashkë me gjakun në damarë! Atdheu është frymë, është familje, është histori e gjallë! Atdheu janë sytë e gjyshërve tanë, dashuria dhe sakrificat e tyre, madhështia brenda thjeshtësisë së tyre!

Atdheu janë sytë e çiltër të fëmijëve, buzëqeshja e tyre që na bën njerëz më të mirë e më të ndërgjegjshëm! Atdheu është natyra e bekuar nga Zoti, lulet e brishta të fushave dhe malet e lartë e të mbushur me legjenda. Atdheu ynë është dhimbje, një dhimbje e ëmbël dashurie, nga ato dashuri që nuk harrohen sado larg të shkosh nëpër botë, sado gjuhë të huaja të flasësh!

Atdheu ynë, gjuha jonë më e bukura në botë, që na bën të ndjejmë si vëlla e motër këdo që na sjell tingujt e saj kur jetojmë larg! Atdheu ynë, Gëzuar 28 Nëntorin, ditën kur Flamuri i gjakut dhe shqiponjës u valëvit i lirë në çdo zemër shqiptare! Zoti e bekoftë vendin tonë”, shkruan Elia Zaharia.

The post Elia uron 28 Nëntorin me fotografinë e veçantë të Princeshës Geraldinë: Atdheu janë sytë e çiltër të fëmijëve që na bëjnë njerëz më të mirë appeared first on Albeu.com.

Edhe shqiptarët që jetojnë e punojnë në Romë, janë mbledhur së bashku dhe kanë festuar 28 Nëntorin.

Ata kanë vendosur që të festojnë Pavarësinë nën tingujt e këngës së Sali Berishës, siç edhe mund ta shikoni në video./SYRI.net

The post Shqiptarët në Romë festojnë 28 Nëntorin me këngën e Sali Berishës (VIDEO) appeared first on Albeu.com.

Ishin disa prej banorëve, sikurse Vullneti, Xuxi, Pauli dhe Arioni dhe Gresa të cilët vendosën duart në zemër dhe me zë po interpretonin vargjet e himnit shqiptar.

Pasi përfundoi himni, pasuan duartrokitjet nga banorët derisa disa prej tyre kanë bërë simbolin e shqiponjës.

Sot do të jetë festë edhe për banorët brenda shtëpisë duke qenë se Vëllai i Madh ka përgatitur disa aktivitete kulturore për ta.

Për hir të festës së 28 Nëntorit, produksioni e mbajti mbrëmë darkën e të nominuarve, në mënyrë që sot të vazhdojë me planin për festën e pavarësisë.

The post Banorët e BBVK-së zgjohen me himnin kombëtar appeared first on Albeu.com.

Kryetari i Komunës së Zveçanit, Ilir Peci u shpreh i nderuar për mundësinë e fjalimit të tij para këshilltarëve të këtij kuvendi, në këtë ditë të veçantë për shqiptarët.

“Ne kujtojmë ditën kur ëndrrat e të parëve tanë morën kuptim”, ka thënë mes tjerash Peci gjatë fjalimit të tij.

The post Komuna e Zveçanit për herë të parë me seancë solemne për 28 Nëntor appeared first on Albeu.com.

Në mesditë, duke nisur nga ora 12:00, në bulevardin “Dëshmorët e Kombit”, do të zhvillohet “Parada e Shqiptarëve”, ku Tirana pritet të vishet e gjitha kuq e zi.

Të pranishëm në paradë pritet të jenë mbi 350 grupe artistike nga anë e mbanë kudo ku flitet shqip. Në paradë do të jenë të pranishme përfaqësues nga 150 qytete, ndërsa llogariten mbi 10 000 të pranishëm.

Pjesëmarrësit dhe grupet artistike do të nisin përgatitjet prej orës 9 me 28 Nëntor, për të nisur aktivitetin e Paradës Shqiptare në orën 12 në bulevardin “Dëshmorët e Kombit”.

“Parada kuqezi” nis nga sheshi “Nënë Tereza”, midis Pallatit të Koncerteve dhe Presidencës dhe do të përshkojë bulevardin “Dëshmorët e Kombit”, për t’u mbyllur në sheshin “Skënderbej”.

Parada do të realizohet për të dytin vit radhazi, duke i dhënë kryeqytetit rolin e një qendre të përbashkët për kremtimin e Ditës së Flamurit dhe Pavarësisë.

Parada Shqiptare për festat e Nëntorit, synon të rikthejë vëmendjen tek vlerat e kostumeve popullore, riteve, traditave por dhe trashëgiminë e historisë së kombit te brezat e rinj.

Pas paradës do të zhvillohet dhe ceremonia e ngritjes së flamurit, e parashikuar në orën 13:40.

Paralelsiht me zhvillimet në Bulevardin “Dëshmorët e Kombit”, do të zhvillohen edhe aktivitete të tjera si Panairi i Artizanëve, që do të zhvillohet te Pazari i ri, zona e Markatës së Gjelbër.

“Festivali i Artizanatit dhe Qeramikës”, do të shfaqë dhe mbështesë diversitetin dhe aftësitë e jashtëzakonshme të artizanëve lokalë në disiplina të ndryshme artizanale.

Ky festival, synon të krijojë një treg plot jetë ku artistët, zejtarët dhe krijuesit mund të shfaqin punën e tyre, të angazhohen me publikun dhe të nxisin vlerësimin për mallrat e punuar me dorë.

Festivali do të shfaqë një shumëllojshmëri produktesh të punuar me dorë, duke përfshirë qeramikë, bizhuteri, tekstile, punime druri, punime metalike, artikuj lëkure dhe më shumë.

Çdo artizan do të ketë një zonë ekspozimi ku vizitorët mund të shikojnë dhe blejnë krijimet e tyre. Tregu do të ofrojë artikuj unikë, të veçantë, duke promovuar idenë e mbështetjes së talenteve vendase mbi produktet e prodhuara në masë.

Në të njëjtën datë, është teatri “Linda” që shfaqet në skenën e Teatrit Kombëtar, ndërsa koncerti “Eloquent Echoes” do të jepet në ambientet e Kishës Katolike në kryeqytet.

“Ky projekt synon të paraqesë përpara publikut të kryeqytetit instrumentistë të rinj, si dhe pedagogë në Real Conservatorio Superior de Musica de Madrid, si dhe Korin “Siparantum”, një ndër koret më të mira aktualisht në rajon.

The post Festimet e 112-vjetorit të pavarësisë, Tirana pret mbi 10 mijë pjesëmarrës në “Paradën Shqiptare” appeared first on Albeu.com.

Në shpalljen e pavarësisë morën pjesë 83 delegatë nga të gjitha trevat shqiptare, por 40 ishin firmëtarët që nënshkruan Aktin e Pavarësisë. Në këtë 112-vjetor, festohet kudo ka shqiptarë, duke qenë të bashkuar me mendje e zemër rreth flamurit kombëtar.

Data 28, është e veçantë për shqiptarët, duke qenë se në këtë datë në dy vite të ndryshme kanë ndodhur dy ngjarje historike për Shqipërinë. Më 28 nëntor 1443, heroi kombëtar Gjergj Kastriot Skënderbeu, çliroi Krujën nga pushtimi osman dhe ngriti flamurin mbi kalanë e saj.

Kjo datë hapi një faqe të re në historinë e qëndresës shekullore antiosmane. Zoti i Arbërisë, ashtu siç Gjergj Kastrioti e nënshkroi veten, la fushëbetejën e Nishit, për t’iu drejtuar Krujës në krye të 300 kalorësve.

469 vite më vonë, më 28 nëntor 1912, i quajtur gjithashtu si “nëntori i dytë”, u shpall Pavarësia e Shqipërisë nga Ismail Qemaili i cili ngriti flamurin në Vlorë.

28 Nëntori, është shpallur gjithashtu ditë festë edhe në Republikën e Kosovës.

Më 28 nëntor 1912, Ismail Qemali shpalli Pavarësinë e Shqipërisë, duke deklaruar “Me një zâ venduan që Shqipëria të bâhet në vehte, e lirë e e mosvarme”.

Ismail Qemali, ishte nisur që më 19 nëntor nga Triestja drejt brigjeve të Shqipërisë, për të shpallur pavarësinë.

Më 21 nëntor, do të zbarkonte në Durrës prej vaporit të Llojdit austriak “Baron Bruck”. Në këtë qytet u prit në qelën e Dom Nikollë Kacorrit, i cili do të ishte pas një jave edhe zëvendëskryeministri i parë i qeverisë së 28 nëntorit.

Sipas letërkëmbimit mes Eqrem Bej Vlorës dhe Mustafa Krujës, ngritja e flamurit ishte menduar të bëhej më 22 Nëntor në Durrës, me qëllim parandalimin e përparimit të mëtejshëm të ushtrive pushtuese në territorin e vendit.

Por, për shkak të gjendjes së nderë në qytet, Ismail Qemali, lajmëroi telegrafisht delegatët nga mbarë vendi që të drejtoheshin për në qytetin e tij të lindjes, në Vlorë.

Ndërkohë që forcat serbe përparonin me shpejtësi drejt Shqipërisë së Mesme, rrethet patriotike të Elbasanit (25 nëntor), të Tiranës e Durrësit (26 nëntor), të Kavajës, të Peqinit dhe të Lushnjës (27 nëntor), ngritën flamurin kombëtar, pa pritur mbledhjen e Kuvendit të Vlorës.

Një fakt interesant është se Radio Tirana, filloi për herë të parë transmetimet e saj më 28 Nëntor të vitit 1938. Ndërsa në 28 nëntor të vitit 1955 lindi komandanti legjendar, Adem Jashari.

The post Sot 28 Nëntori, Dita e Pavarësisë që bashkon shqiptarët kudo ndodhen appeared first on Albeu.com.

Në fjalën e tij kreu i shtetit ka ftuar aktorët politikë mediat dhe shoqërinë civile, t’i përkushtohen Shqipërisë së gjeneratës tjetër.

“Sot festojmë 110 vjetorin kur patriotë e delegatë me përgjegjësi kombëtare e historike pagëzuan një zëri shtetin e ri shqiptar. Kishin fe e formime të ndryshme por ndanin të njëjtin vizion për Shqipërinë e pavarur e demokratike.

Kanë mirënjohjen e nderimin tonë të përjetshëm.

Shqipëria sot anëtare e denjë e NATO-s. Vendi ynë përfaqësohet denjësisht edhe në OKB si anëtare jo e përhershme në Këshillin e Sigurimit.

Shqipëria ka treguar që është derë e hapur për miq e persona në nevojë.

Nisja e negociatave për anëtarësim në BE njeh angazhimin në vite të institucioneve.

Edhe pse të ndarë në disa shtete, faktori shqiptar ka qenë është e do të jetë i bashkuar në mbështetje të destinacionit tonë të përbashkët në familjen euroatlantike.

Integrimi në BE duhet të jetë shtysa për bashkëpunimin për të cuar para reformat.

Brezat e rinj kanë nevojë të shohin perspektivë të qartë zhvillimi. Diaspora duhet të ketë të drejtën e votës.

Ftoj aktorët politikë mediat e shoqëritë civile, ti përkushtohemi Shqipërisë së gjeneratës tjetër, të denjë për BE.

Duhet të kontribuojmë më tej për njohjen e shtetit të Kosovës dhe të mbështesim liberalizimin e vizave.
Historia e shqiptarëve, histori që na bën krenar, e një kombi që nuk bën kompromis me askënd që cënojnë dinjitetin tonë kombëtar”, deklaroi Begaj.

The post Thirrja e presidentit Begaj për 28 Nëntorin: T’i përkushtohemi Shqipërisë së gjeneratës tjetër appeared first on Albeu.com.

SALI BERISHA NË TIKTOK

Të dashur miqtë e mi të Tik Tok-ut,

Me këtë mesazh dëshiroj t’ju uroj nga zemra Gëzuar Ditën e Flamurit! Ditën e Pavarësisë së Shqipërisë!
Të shpreh nderimin tim më të thellë, për Ismail Qemalin dhe për të gjithë ata burra dhe gra që sakrifikuan me jetë, me penë dhe ne të gjitha format bënë të mundur pavarësinë e këtij vendi.

Pavarësia e Shqipërisë është si të thuash festa e të gjitha festave të Shqipëtarëve.

Pa pavarësinë e Shqipërisë, ne do të ishim vidhisur në honet apo mjegullnajat e Ballkanit.

Lavdi Zotit, sot ne jemi të lirë!

Në Shqipëri, në Kosovë dhe kudo që ndodhemi.

Por sot, ne kemi një problem shumë të madh, këtë regjim i cili, me politikat që ndjek, me antireformat që realizon, me plaçkitjen që i bën pasurisë kombëtare dhe fondeve publike, po përze shqiptarët!

Po përze rininë e kombit, sa asnjë regjim tjetër në histori.

Ndaj dhe kjo ditë është një thirrje për çdo të ri të këtij vendi, për çdo shqiptar të marrë përgjegjësitë e tij në mënyrë që Shqipërinë, këtë tokë të begatë, këtë vend të bekuar ta shndërrojmë në kopshtin më të bukur të ëndrrave tona në shtëpinë e së ardhmes sonë.

Zoti e bekoftë Shqipërinë!
Zoti ju bekoftë ju! Faleminderit shumë!/albeu.com

The post 28 Nëntori, Berisha në TikTok: Sot është festa e gjithë shqiptarëve, ky regjim po përzë rininë appeared first on Albeu.com.

“Është kënaqësi e veçantë që sot presim artisten e madhe Dua Lipa. Them artiste e madhe, por ajo është edhe një vajzë e thjeshtë, që krenarinë më të madhe na e ka dhënë ne, Shqipërisë, Kosovës dhe kudo ku ka shqiptarë nëpër botë. Rinia shqiptare ju ka shembull dhe ju keni treguar se ëndrrat arrihen duke punuar gjithnjë e më shumë. Ti i ke bërë të gjithë shqiptarët bashkë! Ndaj kam kënaqësinë t’ju jap shtetësinë shqiptare”, u shpreh Begaj.

Një yll i muzikës botërore tashmë, Dua Lipa lindi në Londër në 22 gusht 1995 në një familje shqiptare nga Kosova. Ajo u shkollua mes Londrës dhe Prishtinës, ku familja e saj u vendos pas shpalljes së pavarësisë së Kosovës në vitin 2008. Talenti i lindur dhe përkushtimi për botën e muzikës dhe artit e ndihmoi të ngjiste me guxim dhe vendosmëri shkallët e karrierës artistike që në moshë të re. Tashmë ajo numëron shumë çmime e vlerësime për kontributin e saj në muzikë dhe art, përfshi këtu edhe tre çmime Grammy.

The post “I ka bërë shqiptarët bashkë”, Dua Lipa merr nënshtetësi shqiptare appeared first on Albeu.com.

Përpara Shtëpisë së Flamurit, diplomatja amerikane thotë në shqip: “Gëzuar Ditën e Pavarësisë”.

Në një postim në rrjetet sociale, Kim shkruan se 100 vjet më parë asgjë nuk mundi t’i ndalonte SHBA-të të mbronin pavarësinë e Shqipërisë, dhe asgjë nuk mund të na ndalojë të festojmë sot.

“Asgjë nuk mundi ta ndalojë SHBA që të mbronte pavarësinë e Shqipërisë njëqind vjet më parë. Asgjë nuk mund të na ndalojë të festojmë sot 109-vjetorin e #DitëssëPavarësisësëShqipërisë. Gëzuar!”, thekson ambasadorja amerikane./albeu.com/

 

View this post on Instagram

 

A post shared by Yuri Kim (@amb_yurikim)

The post Përpara Shtëpisë së Flamurit në Vlorë, Yuri Kim uron në shqip Ditën e Pavarësisë (VIDEO) appeared first on Albeu.com.