“Dodik po flet për organizimin e një referendumi para fundit të këtij viti,” shkruan NZZ dhe kujton se “parlamenti i RS në 2021 hodhi edhe hapat e parë në këtë drejtim. Por pushtimi rus i Ukrainës në shkurt 2022 ndaloi planet e Dodikut. Dodik vuri në dukje se në BE dhe SHBA kanë zero tolerancë për eksperimentet në Ballkanin Perëndimor. Hapësira e palës serbe për manovrim është zvogëluar shumë shpejt në zero.”

Nuk është BiH në krizë – është sundimi i Dodik

“Çfarë ka ndryshuar prej kohëve të mëparshme, që Dodik po e vendos sërish referendumin në tavolinë?”, pyet autori dhe menjëherë pas kësaj thotë se “kjo ndoshta nuk është krizë serioze e Bosnjë-Hercegovinës”.

“Nuk është vendi në krizë, por sundimi i Dodikut. Në vjeshtën e vitit 2022, ai fitoi me një rezultat të ngushtë. Është e pasigurt nëse ai mund ta përsërisë këtë sukses në zgjedhje. Për dy dekada, ai formësoi politikën e vendit dhe gjatë kësaj arriti së bashku me familjen e tij një pasuri të madhe. Shumë qytetarë thjesht janë të ngopur me Dodikun. Kështu, kriza e vetë-skenuar i shkon për shtat babait kontrovers të vendit”.

Edhe Vuçiqit do t’i përshtatej kriza në Bosnjë-Hercegovinë

“Përveç kësaj, ka edhe diçka tjetër: Konflikti ndërmjet Serbisë dhe Kosovës po hyn në fazën e tij përfundimtare,” beson Andres Ernst. “Kriza në Bosnjë-Hercegovinë do t’i përshtatej edhe presidentit serb Aleksandar Vuçiq. Ai mund të paraqitet edhe një herë si garantues i stabilitet dhe ndoshta të shtyjë sërish njohjen e Kosovës”.

“Përveç kësaj, shkruan NZZ, Vuçiqi mund ta ngrejë edhe një herë çështjen serbe: sipas llogaritjes së Vuçiqit, nëse e humbim Kosovën dhe serbët atje, atëherë duhet të kompensohemi me territorin e serbëve të Bosnjë-Hercegovinës”.

Autori më pas shpjegon, “se kjo ide, konkretisht – shpërbërja e Bosnjë-Hercegovinës, është jashtëzakonisht e rrezikshme.” Zbatimi i kësaj ideje do të çonte ndoshta në luftë. Megjithatë, është e qartë se eksperimente dhe mendime të tilla po gëzojnë edhe një herë njëfarë pranimi tek diplomatët në Perëndim”.

Sanksione vetëm ndaj Dodikut

“BE-ja duhet ta kundërshtojë me forcë këtë,” beson Ernst dhe vazhdon: “Por jo duke dërguar më shumë trupa në Bosnjë-Hercegovinë, siç kërkojnë parlamentarët britanikë. Dhe jo duke miratuar masa nga Përfaqësuesi i Lartë, që ai nuk mund t’i zbatojë për shkak të mungesës së legjitimitetit dhe autoritetit.”

Në fund të komentit NZZ shkruan: “Nuk është Bosnjë-Hercegovina në krizë, por Dodiku”.Ai duhet të sanksionohet personalisht. Një ndalim udhëtimi në BE dhe një hetim mbi situatën e tij financiare do të ishte një fillim i arsyeshëm. Edhe Vuçiqit duhet t’i bëhet e qartë: humbja e Kosovës nuk mund të kompensohet në Bosnjë-Hercegovinë”./dw

The post Analiza e DW: Beogradi nuk mund të kompensojë humbjen e Kosovës në Bosnje Hercegovinë appeared first on Albeu.com.

Tërmeti shkaktoi edhe një viktimë, një të re 27-vjeçare.

Ibrahim Cerkez, komshiu i parë i 27-vjeçares Elmira Sefo që humbi jetën pas tërmetit në Bosnje ka folur për mediat. Ai tha se e ëma e vajzës ka telefonuar “na ndihmoni”.

“Aksident. Tragjedi. Çfarë të them”, – ka mbetur i shokuar Ibrahim Cerkez, fqinji i parë i familjes Sefo, të cilit mbrëmë i ka vdekur vajza Elmira.

“Ja, sheh, shtëpia e tyre është me ndërtim të mirë, por gurë nga një kodër aty pranë ranë… Po të mos ishte kështu… Nëna e saj i thirri djalit tim, “na ndihmo, guri është në korridorin tonë”. Elmira doli nga dhoma në korridor në momentin kur guri duhet të ketë rënë. Me djalin mezi e ngritëm gurin – ka thënë Cerkez për “Avaz”.

Mbi shtëpitë e lagjes kanë rënë gjithsej pesë gurë më të mëdhenj.

“Unë kam një garazh sipër shtëpisë dhe guri çau murin e garazhit dhe qëndroi atje. Po të mos ishte garazhi, do të kishte hyrë në dhomën e ndenjjes. Tek një fqinj tjetër, ai goditi cepin e çatisë”, tha Cerkez.

The post “Mezi e ngritëm gurin”, flet fqinji i familjes që humbi vajzën në Bosnjë: Elmira doli nga dhoma kur… (FOTO LAJM) appeared first on Albeu.com.