Në kuadër të operacionit u arrestua në flagrancë D. B., 27 vjeç, banues në Kosovë, gjatë një kontrolli në dalje të Unazës së Madhe, pranë mbikalimit të Tufinës.

Gjatë kontrollit të automjetit të tij tip “Volkswagen” u gjetën 10 pistoleta Glock me municion luftarak nën kofanon e makinës, ndërkohë që gjatë procedimeve të mëtejshme u sekuestruan edhe 2 pistoleta të tjerë Glock, duke e çuar totalin në 12 armë.

Nga hetimet rezultoi se armët do të shiteshin në zonën e Freskut.

Policia dhe Prokuroria vijojnë hetimet për identifikimin dhe kapjen e personave të tjerë të përfshirë në këtë rrjet të trafikimit të armëve. Materialet procedurale iu referuan Prokurorisë për veprime të mëtejshme.

The post U trafikuan nga Kosova drejt Shqipërisë! Arrestohet 27-vjeçari, sekuestrohet municion luftarak dhe… appeared first on Albeu.com.

Sipas uniformave blu, i riu dyshohet se ka qenë duke punuar në një magazinë për të vendosur disa panele diellore.

Informacion paraprak

Rreth orës 11:40, në qytetin e Koplikut, shtetasi E. K., 27-vjeç, dyshohet se duke punuar në një magazinë për të vendosur disa panele diellore, ka rënë në kontakt me energjinë elektrike dhe si pasojë, ka humbur jetën.

Grupi hetimor po punon për sqarimin e rrethanave të ngjarjes.

The post E rëndë në Shkodër/ Ra në kontakt me energjinë elektrike, humb jetën 27-vjeçari appeared first on Albeu.com.

Ai ndodhet nën kujdesin e mjekëve, ndërsa policia po punon për zbardhjen e plotë të rastit.

Njoftimi:

“Në rrugën “Thoma Koxhaj”, dyshohet se aksidentalisht ka rënë nga lartësia e pallatit ku banonte shtetasi M. B, 27-vjeç, i cili ndodhet në spital, nën kujdesin e mjekëve. Punohet për sqarimin e rrethanave të rastit”, sqaron policia.

The post E rëndë në Tiranë/ Ra aksidentalisht nga lartësia e pallatit ku banonte, 27-vjeçari dërgohet me urgjencë në spital appeared first on Albeu.com.

Ngjarja ka ndodhur ditën e djeshme, ndërsa i riu ka marrë ndihmën e parë në spitalin e Bulqizës dhe më pas është transportuar në Spitalin e Traumës në Tiranë, për trajtim më të specializuar.

Aksidentet në minierat e Bulqizës, vijojnë të jenë të shumta, shpeshherë edhe me pasoja fatale, ndërsa familjarët e minatorëve ankohen se askush nuk mban përgjegjësi dhe se deri më sot asnjë person nuk është dënuar për këto ngjarje

Njoftimi i Policisë:

Specialistët për Hetimin e Krimeve të Komisariatit të Policisë Bulqizë referuan materialet në Prokurori, në ngarkim të shtetasit B.L., 64 vjeç, banues në Burrel, me detyrë administrator i një fabrike të pasurimit të kromit në Bulqizë, pasi ditën e djeshme, gjatë punës në këtë subjekt, është aksidentuar duke dëmtuar krahun, shtetasi I.K., 27 vjeç. 27-vjeçari ndodhet në Spitalin e Traumës, jashtë rrezikut për jetën.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.

The post Aksident në minierën e Bulqizës, plagoset rëndë 27-vjeçari appeared first on Albeu.com.

I riu postoi videon në internet, ndërsa teksa sulmon bashkinë përdor edhe fjalë ofenduese dhe fyese.

27-vjeçari goditi disa herë me gurë godinën e bashkisë, duke thyer xhamat.

Njoftimi:

“Specialistë për Hetimin e Krimeve në Komisariatin e Policisë Korçë referuan materialet në Prokurori, ku filloi procedimi penal për shtetasin K. D., 27-vjeç, banues në Korçë, pasi rreth orës 02:15, ka goditur me gurë xhamat e Bashkisë Korçë”.

The post Ky është 27-vjeçari që theu me gurë xhamat e Bashkisë Korçë, pamjet i publikoi edhe në rrjetet sociale appeared first on Albeu.com.

I riu me iniciale Xh.S., ishte shpallur në kërkim nga policia ndërsa tani do të hetohet në gjendje të lirë

“Në vijim të komunikatës së datës 05.05.2025, ku është shpallur në kërkim shtetasi Xh. S., 27 vjeç, si një nga autorët e dyshuar për veprat penale “Kanosja apo dhunimi i pjesëmarrësve në zgjedhje” dhe “Mbajtja pa leje dhe prodhimi i armëve, armëve shpërthyese dhe i municionit”, ju informojmë se: Më datë 18.05.2025, nga Forcat e Posaçme Shqiponja në DVP Lezhë, u bë e mundur lokalizimi dhe kapja e shtetasit të shpallur në kërkim policor, Xh. S., 27 vjeç, banues në Lezhë.

Në përfundim të veprimeve dhe pas konsultimit me Prokurorin, ky shtetas do ndiqet në gjendje të lirë. Materialet procedurale në ngarkim të këtij shtetasi i kaluan Prokurorisë pranë Gjykatës së Juridiksionit të Përgjithshëm Lezhë, për hetime të mëtejshme.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm, Lezhë, për veprime të mëtejshme”, njofton policia.

The post Kërcënoi qytetarët në zgjedhje, kapet 27-vjeçari në Lezhë appeared first on Albeu.com.

Sipas informacioneve policore, i riu ka qenë duke rregulluar çatinë e banesës së një shtetasi, kur është rrëzuar dhe ka marrë dëmtime trupore.

Pronari i banesës, ndodhet në ambientet e Komisariatit, për veprime të mëtejshme.

Maliq/Informacion paraprak

Më datë 31.05.2024, rreth orës 13:15, në fshatin Pirg, Maliq, shtetasi K. M., 27 vjeç, banues në Pirg, duke rregulluar çatinë e banesës së shtetasit R. Z., dyshohet se është rrëzuar aksidentalisht nga çatia dhe ka marrë dëmtime trupore. Aktualisht 27-vjeçari ndodhet në spitalin e Korçës në kujdesin e mjekëve.

Ndërsa pronari i banesës, ndodhet në ambientet e Komisariatit, për veprime të mëtejshme.

Grupi hetimor po punon për sqarimin e rrethanave të ngjarjes.

The post E rëndë në Maliq/ 27-vjeçari bie nga çatia e banesës, niset me urgjencë drejt spitalit appeared first on Albeu.com.

27-vjeçari e mbajti shqiptaren peng në një ndërtesë të braktisur, ndërsa kanë qenë oficerët e policisë ata të cilët dëgjuan thirrjen e saj për ndihmë.

Policia ka shkuar menjëherë në katin e 1-rë të pallatit, nga ku kanë ardhur thirrjet për ndihmë, ku ka konstatuar një derë të mbyllur me dry dhe në anën e pasme të saj një person që kërkonte ndihmë.

Punonjësit e policisë thyen drynin dhe pasi u futën në ambientet e brendshme, 33-vjeçaren nga Shqipëria, të lidhur në krevat. Ajo kishte marrë një plagë me thikë në kofshën e majtë., ndërsa aty pranë u gjet një thikë dhe një shkop druri me shenja gjaku, që 33-vjeçarja thotë se u përdorën kundër saj.

33-vjeçarja ka pranuar se nuk e njihte 27-vjeçarin dhe se për herë të parë e ka takuar të hënën, pasi kishin rënë dakord të shkonin në shtëpinë e tij për të kryer marrëdhënie s*ksuale.

The post I riu e p*rdhunoi dhe e plagosi me thikë, momente tmerri për 33-vjeçaren shqiptare në Greqi appeared first on Albeu.com.

Sipas uniformave blu, ai ishte në gjendje të dehur.

“Ditën e djeshme, rreth orës 17:30, në spitalin e Elbasanit, është dërguar për të marrë mjekim shtetasi 27-vjeç, banues në fshatin Gjinar. Nga veprimet hetimore paraprake dyshohet se 27-vjeçari, në gjendje të dehur dhe në kushte të rënduara psikologjike, ka thyer xhamin e dritares së banesës së tij dhe si pasojë është dëmtuar në krah.

Pavarësisht asistencës mjekësore, 27-vjeçari ka humbur jetën në spital, mëngjesin e sotëm”, njofton policia.  

The post E rëndë në Elbasan/ Lëndoi veten me xham teksa ishte i dehur, 27-vjeçari ndërron jetë në spital appeared first on Albeu.com.

Hysneli u gjet i pajetë i mbështjellë me letër alumini në një pyll në Hamburgut të Gjermanisë më 25 nëntor 2023, pasi u ekzekutua me një plumb të vetëm në kokë. Vrasja dyshohet se u regjistrua për shkak të një mosmarrëveshje droge ndërsa policia gjeti emrat e vrasësve të dyshuar të Hysnelit, Selami C. dhe Ferhat K. Emra të cilat u zbuluan pas hetimeve policiore duke gjurmuar letrën e aluminit që kishin blerë.

Ekzekutimi i tmerrshëm u zbulua nga një çift që po bënin një shëtitje në zonën pyjore ku ndodhen burimet termale në qytetin Kaltenkirchen, 27 kilometra larg Hamburgut. Çifti, i cili ka parë një person të shtrirë në tokë me një pjesë të madhe të trupit të mbështjellë me letër alumini, ka njoftuar menjëherë policinë. Pas njoftimit, në vendngjarje janë nisur shumë efektivë të policisë. Policia konstatoi se i riu, i cili u ekzekutua me një plumb të vetëm, ishte mbështjellë me letër alumini pasi u vra për të mos lejuar përhapjen e gjakut përreth dhe më pas u transportua në zonë me automjet.

Si rezultat i verifikimit të gjurmëve të gishtërinjve, u zbulua se kufoma i përkiste Reols Hysnelit, shtetas shqiptar i burgosur për trafik droge në Lubeck në vitin 2023. Në vendngjarje u gjet një fletë shitjeje e letrës së aluminit me të cilën ishte mbështjellë Reols Hysneli. Pavarësisht kontrollit të rreth 100 policëve në tokë, arma nuk u gjet. Ndërsa trupi i Hysnelit u dërgua në Morgun e Mjekësisë Ligjore për obduksion, dy ditë pas ngjarjes, shtetasi shqiptar Qerim D., 17 vjeç, me origjinë nga Kukësi por me banim në Lushnje, i cili nuk fliste gjermanisht, shkoi në Komisariatin e Policisë Pinneberg me avokatin e tij dhe rrëfeu se kishte vrarë një person.

Fakti që 17-vjeçari Querim D. heshti për detajet e krimit dhe se avokati i tij ishte i njëjtë me avokatin e Ilber, Edmond dhe Ernest Domit, drejtuesit e grupit “Vëllezërit Domi”, i cili menaxhon një pjesë e trafikut të drogës në Gjermani, bëri që policia të thellojë hetimet.

Policia konstatoi se fatura e letrës së aluminit të sekuestruar në vendngjarje i përkiste një dyqani që shiste materiale ndërtimi në Uetersen dhe nga pamjet e kamerave të dyqanit mori informacion se Ferhat K. dhe Selami C. kishin blerë letër alumini. Në bazë të informacionit që ka marrë, policia ka bastisur një shtëpi nargjileje të mbyllur në rrugën “Großer Sand”, ku kanë hyrë për herë të fundit Ferhat K. dhe Selami C. Gjurmët e vrasjes janë gjetur në katin e sipërm të pallatit. Ndërsa u konstatua se salla ishte e mbuluar me gjak, në dhoma të tjera u zbuluan pajisje të përdorura për kultivimin e kanabisit.

Policia sekuestroi nga shtëpia 120 rrënjë kanabis. Me gjithë përpjekjet, Ferhat K. dhe Selami C. nuk u arritën dot. Është konstatuar se Ferhat K. dhe Selami C janë arratisur në Turqi menjëherë pas vrasjes. Sabah gjeti fotografi të Selami C. të marra në Ortaköy më 10 prill. U zbulua se Selami C i kishte zgjatur flokët dhe përdorte syze për të mos u njohur.

The post FOTOT+EMRAT/ U gjet i pajetë i mbështjellë me letër alumini në një pyll në Gjermani , zbardhet identiteti i autorëve që vranë 27-vjeçarin shqiptar appeared first on Albeu.com.