Në kuadër të operacionit “Porosia”, janë identifikuar tre persona të përfshirë në rast, mes tyre dy porositësit dhe njëri nga autorët.

Ky i fundit, Helidon Marku 49-vjeç, është vënë në pranga, ndërsa vijojnë kërkimet për kapjen e dy porositësve, Gjokë Ndrevataj dhe Xhemal Uka dhe personave të tjerë që dyshohet se kanë marrë pjesë në sulm.

Po ashtu, një 33-vjeçar është proceduar penalisht për moskallëzim të rrethanave të ngjarjes.

Njoftimi i Policisë:

Tiranë/Zbardhet dinamika e ngjarjes së ndodhur më datë 06.12.2025, te rrethrrotullimi i zonës së Freskut, ku u plagos rëndë, me sende të forta, një 26-vjeçar.

Identifikohen 3 shtetas të përfshirë në këtë rast, konkretisht 2 porositësit e plagosjes dhe njëri nga autorët. Vihet në pranga ky i fundit dhe punohet intensivisht për kapjen e 2 porositësve.

Të tre shtetasit e përfshirë, me precedentë penal të theksuar për krime kundër personit. I arrestuari, me precedent edhe për armëmbajtje pa leje.

Procedohet penalisht një shtetas që dyshohet se ka shoqëruar autorin e plagosjes, te vendi i kryerjes së krimit, dhe nuk ka kallëzuar rrethana të rastit.

Si rezultat i veprimeve hetimore të kryera me qëllim zbardhjen e autorësisë dhe rrethanave të plagosjes së rëndë të shtetasit F. Y., me sende të forta, më datë 06.12.2025, te rrethrrotullimi i zonës së Freskut, shërbimet e Komisariatit të Policisë Nr. 4, në kuadër të operacionit “Porosia”, identifikuan 3 shtetas të përfshirë në këtë rast, konkretisht H. M., 49-vjeç, Gj. N., 36-vjeç dhe Xh. U., 30-vjeç.

Nga këto veprime rezultoi se 36-vjeçari dhe 30-vjeçari, për motive të dobëta, kanë porositur shtetasin H. M., për të kryer plagosjen.

Në vijim të veprimeve operacionale, 49-vjeçari u kap dhe u vu në pranga, ndërkaq po punohet për kapjen e shtetasve Gj. N. dhe Xh. U., si dhe për identifikimin dhe kapjen e shtetasve të tjerë që dyshohet se janë përfshirë në plagosjen e 26-vjeçarit.

Gjithashtu, nisi procedimi në gjendje të lirë për shtetasin T. D., 33-vjeç, pasi dyshohet se ka shoqëruar shtetasin H. M., për të kryer krimin, si dhe ka refuzuar të deklarojë në polici, rrethana të kësaj ngjarjeje, për të cilat dyshohet se ka patur dijeni.

Materialet procedurale iu referuan Prokurorisë së Tiranës, për veprime të mëtejshme.

The post Zbardhet plagosja e 26-vjeçarit në zonën e Freskut, arrestohet autori, në kërkim dy porositësit (EMRAT) appeared first on Albeu.com.

Lënda eksplozive, është vënë në derën e hyrjes në pronësi të një 59-vjeçari ku po jetonin me qira dy vajza.

Nga ky shpërthim, mbeti i plagosur djali i familjes përballë, Enea Thomarai 26-vjec.

Në momentin e shpërthimit, ai ishte duke shkuar në banjo kur dera e banesës e përplasi në dysheme në korridorin e shtëpisë.

Ai u dërgua mënjëherë për ndihmë të specializuar në Tiranë.

Mjaft i tronditur nga kjo ngjarje, por veçanërisht për gjendjen e të birit, Artur Thomarai ,tregon momentet e tmerrit.

“Ishte ora 02:15 kur ndodhi shpërthimi. Ne ishim në gjumë. Çuni po shkonte në banjo, i ra dera në kokë nga shpërthimi. Kur u çuam ne gjetëm çunin në tokë. Ne jemi njerëz të rregull, familjarë, dy çunat i kam familjarë. Fati i keq. Përballë jeton një gocë me vajzën e vet, me një 9-vjeçare. Ka një vit që jeton këtu. Ne vetëm i përshëndesim, se i kemi komshinj përballë. Sjellje normale ka pasur, nuk kam ndonjë problem. Problemi është që këta njerëz që vijnë jetojnë me qira duhen parë. Ne jemi familjarë, nuk jemi njerëz dosido. Djali është në intubim, në spitalin ushtarak. Kërkoj nga shteti që të gjendet atentatori dhe dua të më shërohet djali. Asgjë tjetër nuk dua”, shprehet babai me lot në sy.

Edhe fqinjët e tjerë flasin të tronditur për atë që ndodhi, ku tregojnë se dëgjuan një shpërthim mjaft të fuqishëm, madje një familje u bllokua në banesë, pasi dera nuk hapej.

“Jetojmë në barbari, anarki. Kjo është demokracia…është pseudo demokraci. Nuk quhet demokraci. Edhe në Amerikë ndodhin 17 herë më shumë ngjarje të tilla. Popujt po ikin drejt anarkisë”, thotë një banor i pallatit.

“Ishim në gjumë në atë moment dhe dera ishte e mbyllur. Dera është prishur. Kur ka ardhur policia lajmërova komshien të më hapte derën se ne ishim të bllokuar. Nuk pashë asgjë, shpërthimin e dëgjova. Akoma na dridhet mishi”, thotë një banore.

Dëme janë shkaktuar në dyer, xhama, në shkallë e soletë.

Në banesën ku është vendosur tritoli, jetonin një 30-vjeçare e divorcuar nga Lezha dhe vajza e saj 9-vjeçare. Shpesh e reja vizitohej nga motra e saj. Kontaktet e 30-vjeçares me fqinjët, ishin vetëm përshëndetjet e momentit.

Sakaq, mësohet se gruaja nga Lezha punonte me rrjetet sociale, dilte herët në mengjes nga banesa dhe kthehej me vajzën e saj.

Në vendin e ngjarjes kanë shkuar policia dhe grupi hetimor. Ende nuk ka një pistë zyrtare hetimi. Megjithatë, mësohet se hetimet janë përqëndruar në konfliktet e mundshme të shtetases me qira.

Policia bën me dije se është ngritur një grup i posaçëm hetimor me specialistë për Hetimin e Krimeve të Rënda të Drejtorisë Vendore të Policisë Elbasan dhe Departamentit të Policisë Kriminale në drejtimin e Prokurorisë, vijojnë punën për zbardhjen e rastit, identifikimin e kapjen e autorit.

The post Babai i 26-vjeçarit që u plagos nga shpërthimi i eksplozivit flet mes lotësh: Akoma na dridhet mishi, dua të më shërohet djali appeared first on Albeu.com.

Në njoftimin mortor të familjes, bëhet e ditur se sot do të mbahet ceremonia mortore, ku familjarë, miq e të afërm do të mblidhen në orën 13:00, në varrezat e fshatit Baballoq të Deçanit për t’i dhënë atij lamtumirën e fundit.

Lidhur me ngjarjen e rëndë, është arrestuar shoferja që dyshohet se shkaktoi aksidentin, Y.Berisha.

The post I jepet lamtumira e fundit 26-vjeçarit që humbi jetën në aksidentin tragjik në Prishtinë appeared first on Albeu.com.