Gjykata e Durrësit ka caktuar ndaj Talellit, një ditë më parë, masën e sigurisë “Arrest në burg”, ndërsa ka vleftësuar të ligjshëm edhe arrestimin e tij në flagrancë.

26-vjeçari po hetohet për veprën penale “Shkelja e rregullave të qarkullimit rrugor”, pasi dyshohet se ishte drejtuesi i automjetit që u përfshi në aksidentin me pasojë vdekjen e 66-vjeçarit Fezi Dine, i cili po ecte qetësisht në trotuar.

Vendimi i gjykatës e mban Talellin në paraburgim, ndërsa hetimet do të vijojnë për të zbardhur rrethanat e plota të aksidentit. Nga hetimet paraprake rezulton se aksidenti ndodhi nga pakujdesia e taksistit.

Ai akuzohet për veprën penale parashikuar nga neni 290/3 i Kodit Penal.

Kur shkelja e rregullave të qarkullimit rrugor shkakton vdekjen e një personi, Kodi Penal parashikon dënim nga dy deri në dhjetë vjet burgim.

The post Përplasi për vdekje 66-vjeçarin në Durrës, gjykata lë në burg taksistin 26-vjeçar appeared first on Albeu.com.

Gjatë një kontrolli në rrugë, oficerët me rroba civile vranë një afrikano-amerikan 26-vjeçar, Dexter Reed, duke qëlluar 96 të shtëna me armë në 42 sekonda.

Pamjet, të marra nga kamera e trupit të një polici më 21 mars dhe të publikuara tani, tregojnë të gjithë sekuencën e ngjarjeve.

Dexter Reed, u ndalua sepse po udhëtonte pa rrip sigurimi. Policia ka hapur zjarr pasi 26-vjeçari, sipas versionit zyrtar, ka refuzuar të dalë nga automjeti dhe ka qëlluar i pari duke plagosur një efektiv.

Videot e ngarkuara në internet nga policia e Çikagos tregojnë pamje të oficerëve që qëlluan, por nuk ka imazhe të qarta të Reed, duke hapur zjarr mes videove. Një pistoletë u gjet më vonë në sediljen e pasagjerit të makinës së Reed.

The post VIDEO/ Tronditëse, policia vret 26-vjeçarin me 96 plumba në 42 sekonda appeared first on Albeu.com.