Kreu i qeverisë ka postuar në Facebook një foto me dy grushtet lart dhe shkruan se fiks një vit më parë iu besua mandati i tretë, ndërsa uron një javë të mbarë.

“MIRËMËNGJES

dhe me këtë foto të fiks një viti më parë, kur na u besua mandati i tretë, ju uroj një javë të mbarë”, shkruan Rama./albeu.com

The post Me dy grushtet lart, Rama kujton 25 prillin: Një vit më parë na u besua mandati i tretë appeared first on Albeu.com.

Pjesëmarrja:

Durrës – 21.49%

Shkodër – 22.87%

Dibër – 37.17%

Vorë – 33.42%

Lushnjë – 31.43%

Rrogozhinë – 26.18%

Në grafikun më poshtë të publikuar nga KQZ, bëhet edhe krahasimi i pjesëmarrjes së sotme në zgjedhje me ato të 25 prillit. Hendeku është i madh./albeu.com/

The post Zbulohet pjesëmarrja në zgjedhje deri në orën 16:00, diferencë e madhe me 25 prillin (FOTO LAJM) appeared first on Albeu.com.

Në njoftim Gjykata Kushtetuese, thotë se “pasi verifikoi procedurën e ndjekur nga Kuvendi për ngritjen e Komisionit Hetimor, garantimin e së drejtës së Presidentit për t`u dëgjuar dhe për t`u mbrojtur dhe duke mbajtur në konsideratë pavarësinë organizative të Kuvendit, në tërësi konstatoi se nuk ka pasur shkelje kushtetuese gjatë kësaj procedure”.

Nga ana e saj Gjykata vlerësoi se “faktet” e paraqitura nga Kuvendi nuk përbëjnë shkelje të rënda të Kushtetutës, për të cilat mund të shkarkohet presidenti. Gjykata ka arritur në përfundimin se faktet që lidhen me të drejtat në procesin zgjedhor, faktet që lidhen me marrëdhëniet me partnerët strategjikë, faktet e paraqitura si shkelje që lidhen me pavarësinë e organeve publike dhe ato të paraqitura si shkelje të rendit dhe sigurisë publike nuk përbëjnë shkelje të Kushtetutës.

“Faktet e paraqitura si shkelje të nenit 86, pika 1, dhe nenit 89 të Kushtetutës, nuk përbëjnë shkelje të rënda të Kushtetutës”, saktësohet në vendimin e Gjykatës. Neni 86, pika përcakton se “Presidenti…përfaqëson unitetin e popullit”. Ndërsa sipas nenit 89 “Presidenti i Republikës nuk mund të mbajë asnjë detyrë tjetër publike, nuk mund të jetë anëtar partie dhe as të kryejë veprimtari tjetër private”.

Reagime për shkarkimin

Për presidencën vendimi i Gjykatës Kushtetuese ishte i pritur, madje nuk kishte asnjë surprizë. Sipas presidencës ky proces as nuk duhet të kishte filluar. “ZERO SURPRIZË për Presidencën! Kjo çështje as nuk duhej të kishte filluar!”.

Një reagim pas vendimit ka pasur edhe keshilltari ligjor i Metës. Bledi Dervishaj thotë se kushdo që qëndron i palëkundur me të vërtetën, nuk rrëzohet. “Kush qëndron i palëkundur me të vërtetën kurrë nuk rrëzohet. E vërteta na çliron ne, shoqërinë tonë dhe krenon këdo që ecën në të.”

Pretendimet e parlamentit;

Parlamenti pretendonte gjithashtu se presidenti kishte shkelur betimin si kryetar i shtetit, të përcaktuar në nenin 88, pika 3 të Kushtetutës. Por sipas Gjykatës as këtu “nuk ka shkelje të rëndë” pasi “faktet që lidhen me të drejtat në procesin zgjedhor nuk përbëjnë shkelje të rënda të Kushtetutës; faktet që lidhen me marrëdhëniet me partnerët strategjikë nuk përbëjnë shkelje të Kushtetutës; faktet e paraqitura si shkelje që lidhen me pavarësinë e organeve publike nuk përbëjnë shkelje të Kushtetutës dhe faktet e paraqitura si shkelje të rendit dhe sigurisë publike nuk përbëjnë shkelje të Kushtetutës”.

Po ashtu, sipas Gjykatës “faktet e paraqitura si shkelje të nenit 94 të Kushtetutës nuk përbëjnë shkelje të Kushtetutës”. Neni 94 parashikon që “Presidenti i Republikës nuk mund të ushtrojë kompetenca të tjera përveç atyre që i njihen shprehimisht me Kushtetutë dhe që i jepen me ligje të nxjerra në pajtim me të”. Për këto arsye, Gjykata Kushtetuese bëri të ditur se vendosi “shfuqizimin e vendimit nr. 55/2021, datë 09.06.2021 të Kuvendit të Shqipërisë “Për shkarkimin e Presidentit të Republikës së Shqipërisë për shkelje të rënda të Kushtetutës”.

Padia e Metës ndaj Kuvendit

Meta njoftoi më 9 shkurt të këtij viti se ka firmosur dhe dorëzuar kallëzimin penal kundër përgjegjësve të Kuvendit për akuzën e falsifikimit të dokumentave që kanë shërbyer si prova në gjykimin e çështjes së shkarkimit të tij në Gjykatë Kushtetuese.  Kallëzimi ka të bëjë me një kopje të urdhrit për thirrjen e seancës së datës 7 maj 2021, të parlamentit, ku iu hap rruga procesit për shkarkimin e Metës. Shkresa e dorëzuar në Gjykatën Kushtetuese kur seanca publike për këtë çështje ishte drejt fundit, rezultoi të ketë ndryshime në datë dhe në përmbajtje, nga ajo që është e publikuar dhe sot e kësaj dite në faqen zyrtare të parlamentit. Ky institucion u shpreh sot përmes një deklarate se pretendimet për manipulim apo falsifikim nuk qëndrojnë .“Kjo është një padi shumë e rëndësishme, sepse krimi i falsifikimit, është shumë flagrant. Ndodh për herë të parë në një seancë publike të Gjykatës Kushtetuese, nga Parlamenti i Shqipërisë, në një proces që ndodh për herë të parë në 30 vite, kundër kreut të Shtetit, presidentit të Republikës”, u shpreh Meta.

Si nisën procedurat për shkarkimin e presidentit

Për herë të dytë brenda dy viteve, Partia Socialiste nisi procedurat për shkarkimin e Presidentit, Ilir Meta, për shkelje të rëndë të Kushtetutës. Paralajmërimi i parë për shkarkimin e Metës erdhi fillimisht nga kryeministri Edi Rama, dy ditë para zgjedhje të 25 prillit, pasi Meta i shpalli luftë SHBA dhe ambasadores amerikane në Tiranë, Yuri Kim. Kujtojmë se Ilir Meta kishte paralajmëruar se do të jepte dorëheqjen por nuk e bëri një gjë të tillë pas zgjedhjeve. Ai ka thënë se do të kthehet në LSI në 2022, kur dhe i përfundon mandati i Presidentit. Nisur nga kjo, mazhoranca e njoftoi menjëherë nismën e saj për ta shkarkuar. Ishte vetë numri dy i PS-së, Taulant Balla i cili i pari konfirmoi një fakt të tillë, duke thënë se “do i bëjnë gati letrat e pensionit”.

Shkarkimi nga Kuvendi

Më 9 qershor 2021 Kuvendi miratoi me 104 vota pro raportin e Komisionit hetimor Parlamentar, i cili propozoi vendimin ekstrem për shkarkimin e Metës. Presidenti Ilir Meta nuk e ka njohur këtë nismë të mazhorancës, madje e cilësuar nul dhe anti kushtetuese. Në seancën e 9 qershorit morën pjesë në total 114 deputetë ku 7 prej tyre mungonin, pjesë e të cilëve ishte Olta Xhaçka, Rudina Hajdari, Fidel Ylli apo edhe Ambra Borova. Nga këto, 104 votuan pro shkarkimit të Metës, 7 votuan kundër si edhe 3 abstenuan. Sipas vendimit të parlamentit Presideti Meta, kishte përcjellë mesazhe përçarëse dhe se kishte marrë anën e opozitës përgjatë fushatës elektorale për zgjedhjet e 25 prillit të vitit të shkuar. Shkarkimin e presidentit Partia Socialiste e ka konsideruar si një nevojë për të “çliruar Presidencën nga një pengmarrje”. Kjo kërkesë sipas maxhorancës nuk ka ardhur me qëllim që kjo e fundit të caktojë në krye të presidencës një emër nga radhës e saj.

Nëse do  të shkarkohej Meta do të bëhej Presidenti i parë i shkarkuar ndonjëherë në historinë e shtetit shqiptar./abcnews.al

The post Gjykata Kushtetuese nuk e shkarkoi Metën: Si nisi beteja për rrëzimin e presidentit pas 25 prillit appeared first on Albeu.com.

Kryemadhi e ka cilësuar Bashën si të pabesë. Teksa foli për zgjedhjet e 25 prillit, Kryemadhi tha se u ndodhën përballë sfidave me bandat, pabesinë dhe në partneritet me një armik në krah.

“Kur më erdhi njoftimi për këtë ide dhe hapa e ndërmarra e kam cilësuar si një nga aktivitet më të rëndësishme në këto dy dekada të të gjithë jetës së LSI. Ka ardhur si një iniciativë e të rinjve. Ne vijmë sot pas zgjedhjeve të 25 prillit ku kontributi juaj ka qenë i jashtëzakonshëm përballë sfidave me bandat, me pabesinë.

Me një partneritet që e kishin armik në krah. Votat janë mbështetje për vetë vizionin tuaj dhe pasha elektorale nuk u përkthye në mbështetje. Kemi dashur të realizojmë disa ndryshime për të siguruar sovranitetin përmes votës. Duke filluar me ndryshimet rrënjësore për shqiptarët që jetojnë jashtë Shqipërisë. Që prej ditës së parë e kemi pjesë të programit tonë”, tha Kryemadhi.

Ajo tha se pas 25 prillit do kërkonin ndryshime legjislative në mënyrë që sipas saj pushteti t’i kalojë parlamentit. Kryemadhi theksoi se sot parlamenti është kthyer në një teatër që certifikon marrëveshjet mes dy personave që mbajnë peng Shqipërinë, duke iu referuar këtu Bashës dhe Ramës.

“Ne do kërkonim pas 25 prillit për një konsultim të gjerë me të gjithë publikun. Do të mund të realizonim një ndarje të ndershme ku vota e çdo qytetari të ishte e barabartë. Do donim të realizonim përmes të rinjve pastrimin e jetës politike për ta dekriminalizuar atë. Edhe sot e kësaj dite vazhdojmë të jemi peng e jetës kriminale. Pas 25 prillit do të kërkonim balancim të pushtet ekzekutiv me atë legjislativ që Shqipëria të mos jetë më republikë kryeministrore por parlamentare.  Kemi një parlament teatër që certifikon marrëveshjet mes dy personave që mbajnë peng Shqipërinë”, u shpreh ajo./albeu.com/

The post Kryemadhi “shpërthen” ndaj Bashës: I pabesë, kishim armikun në krah në 25 Prill appeared first on Albeu.com.

Ajo tha se i gjithë investimi tek opozita që ishte në Parlament kishte një synim që ajo të zëvendësonte opozitën reale në zgjedhjet e 25 prillit.

Nëse opozita reale u shpreh Kryemadhi do të hynte në një listë, atë moment nuk do të merrej pjesë në zgjedhje dhe ato do të zhvilloheshin me opozitën artificiale të sponsorizuar dhe pompuar ato muaj.

“Hapja e politikës nuk bëhet me fjalë, hapja e politikës bëhet me vepra. Vepra kë quaj unë, përfshirja e shumë të rinjve. A mendoni se dikur u subvencionua dhe u sponsorizua nga ambasadat nga mediat, opozita e re para zgjedhjeve të 25 prillit. E mbani mend? Që më shumë shikoje në media sponsorizimë të takime të ambasadorëve të individëve të vendosur artificialisht”.

Krasta: Po kjo ndihej që ishin të vendosur artificialisht…

Kryemadhi: Po, po kush ishte skema? Ajo lista e famshme përbashkët a e dini. Që nëse do të hynim në një listë të përbashkët të jeni të bindur që opozita e vërtetë nuk do të hynte në zgjedhjet e 25 prillit. Dhe ne do të kishim zgjedhjet e 25 prillit me Edi Ramën dhe opozitën artificiale në anën tjetër. Dhe do të kishim të gjithë opozitën sot, me 46 me 47 me 52 me 62 me 74 me si të duam nuk do t’i kishe sot në Parlament./syri

The post Kryemadhi: Skenar për bojkot të 25 prillit, nëse do të hynim në një listë appeared first on Albeu.com.

Komentet Basha i ka bërë përmes një postimi në rrjetet sociale, ku shkruan se rritja e aplikimeve për azil dëshmon edhe njëherë se masakra e 25 prillit nuk zgjidhi asgjë për shqiptarët.

Kryedmeokrati ka vënë sërish theksin te vettingu në politikë, duke nënvizuar se fundi i kësaj katastrofe kombëtare, kërkon një përballje frontale me korrupsionin.

“Me përjashtim të një lufte civile, një nga arsyet madhore pse njerëzit largohen nga vendi i tyre është korrupsioni. Rritja e aplikimeve për azil në vendet e BE-së dëshmon edhe njëherë se masakra e 25 prillit nuk zgjidhi asgjë për shqiptarët.

Fundi i kësaj katastrofe kombëtare, kërkon një përballje frontale me korrupsionin, duke thyer bashkëpunimin mes politikës, krimit dhe oligarkisë, që ka shkërmoqur demokracinë dhe po mbyt të ardhmen e duke e bërë të pajetueshme për familjet shqiptare. #vettingnëpolitikë,” shkruasn Basha./albeu.com/

The post Rritja e aplikimeve për azil, reagon Basha: Vetëm në luftë civile do të kishte kaq largime nga vendi appeared first on Albeu.com.

“Kërkesë për Lulzim Bashën, kërkojmë informacion të detajuar, kur është themeluar struktura e mbrojtjes së votës, me cfarë platforme, akti që e ka themeluar strukturën në fjalë, si janë organizuar nga qendra e partisë deri në njësinë bazë, cila ka qenë skema organizative e kësaj strukture, si është financuar, mbi cilat kritere është bërë rekturimi, sa ka qenë numri i anëtarëve, cilët kanë qenë drejtuesit, lista ë anëtarësisë, veprimtaria e tyre dhe e secilën anëtarë, a ka pasur përpjekje nga drejtuesit për korrigjimin e akteve të kundraligjshme, a ekziston sot, kjo strukturë, nëse jo a ka skema të ngjashme që parashikojnë rithirrjen e kësaj strukture.

Kërkesa e dytë për Policinë e Shtetit. A ka qenë në dijeni policia e shtetit për këtë strukturë, cila ngjarje për krime zgjedhore janë kallëzuar nga kjo strukturë, në sa ngjarje rezulton e përfshirë struktura e mbrojtjes së votës, në cilat qarqe kanë ndodhur, a ka patur bashkëpunim të kësaj strukture me policinë e shtetit, po denoncime?”, njofton PS./albeu.com

The post Komisioni Hetimor, PS kërkon informacion nga Basha për ngritjen e strukturës për mbrojtjen e votës appeared first on Albeu.com.

Gjylameti theksoi se kryetari Enkelejd Alibeaj ka thyer ligjin dhe kodin etik të sjelljes duke vepruar i ndikuar politikisht e duke vendosur në rrezik veprimtarinë hetimore të këtij komisioni.

“Duhet që t’i bëj me dije publikut se çfarë ka ndodhur në Komisionin Hetimor. Unë besoj që nuk ka lidhje me pretendimin e opozitës që ne nuk duam të hetojmë, por ka të bëjë me atë që është kthimi në shinat e ligjshmërisë të komisionit hetimor i cili është ngritur me kërkesë të PD. Por nuk mund të lejojmë deputetë të shkelin ligjin dhe Rregulloren. Madje sot arriti në pikën kulmore edhe kodin etik i sjelljes së deputetit. Ne kemi kërkuar të votojmë rendi i ditës, të zgjidhjet sekretari dhe më pas të miratohet edhe rregullorja e brendshme e këtij Komisioni Hetimor. Alibeaj nuk respektoi asnjë prej këtyre pikave, por vazhdoi më pas mbledhjen edhe pse nuk kishte kurumin e mjaftueshëm i cili e bën të vlefshëm mbledhjen dhe të gjitha vendimet e marra nga Komisioni hetimor. Nuk është hera e parë që kjo ndodh. Ata po pengojnë zhvillimin normal të mbledhjeve të komisionit. Unë sot kam kërkuar rregullisht fjalën për procedurë që rregullorja ma lejon për të propozuar ndryshimet përkatëse dhe nuk më është dhënë fjala. Në shkelje të ligjit dhe të rregullores Alibeaj vazhdon të vijojë vazhdimin e mbledhjeve. Edhe pse ai Komision është ngritur për të hetuar veprimtarinë e zgjedhjeve të 2021, vetëm këtë gjë ai nuk po e bën.

Deputetja Gjylameti akuzon deputetin Alibeaj se edhe pse nuk kishte kuorumin e nevojshëm, në shkelje të hapur me Rregulloren vijoi mbledhjen.
“Ne kërkuam 5 minuta pushim që të gjenim dakordësinë me Alibeajn që të vijonin mbledhjen e komisionit.
Jo vetëm që nuk na u dha mundësia për miratimin e 5 minutave pushim, por pastaj në shkelje të ligjit Alibeaj vijoi vazhdimin e mbledhjes. Në momentin kur nuk ekziston kuorumi në mbledhjet e komisionit, ato janë të pavlefshme. Është mbledhja e katërt që ne si komision nuk përmbushim ato që janë detyrimet ligjore që ka të bëjë me zgjedhjen e sekretarit, rregulloren e komisionit dhe më pas të vijonim me pjesën tjetër të marrjes së provave dhe më tej për thirjen e dëshmitarëve. Alibeaj jo vetëm shkel ligjin, por refuzon ta respektojë atë duke vijuar me një lojë që askush nuk e kupton. Ka një lloj hezitimi për nxjerrjen apo zbardhjen e të vërtetave në lidhje me zgjedhjet. Mazhoranca dhe opozita në momentet kur bëhen pjesë e Komisionit Hetimor heqin dorë nga pjesa politike por vendosen në rolin e dikujt që do të hetojë objektin e komisionit. Por kjo nuk ndodh me Alibeajn i cili i heq të drejtën mazhorancës të bëjë propozimet përkatëse. Sa herë ka ndryshime të neneve përkatëse të projektligjit, ato duhet të hidhen në votim dhe në bazë të votimit vendosen nëse do merren ose jo parasysh. Alibeaj refuzon respektimin e ligjit, rregulloren e kuvendit dhe shkon deri te thyerja e kodit të etikës”, nënvizoi Gjylameti.

Deputetja socialiste shprehet se është e paprecedent sjellja e Alibeajt, i cili edhe pse është kryetar komisioni hetimor dhe i përket palës që e ka kërkuar, po pengon qëllimisht dhe rregullisht respektimin e procedurës në fuqi të komisioneve hetimore./albeu.com/

The post “Alibeaj po bën lojëra politike në Komisionin Hetimor”, Gjylameti: Mbledhja vazhdoi në kundërshtim me ligjin, opozita po bëhet pengesë! appeared first on Albeu.com.

Alibeaj dha një deklaratë për mediat sa i përket dështimit të rradhës të mbledhjes së Komisionit, pasi deputetët socialistë u larguan për herë të dytë.

Pas largimit të deputetëve socialistë, një incident ka ndodhur në sallën ku po zhvillohej mbledhja, pasi punonjësja e administratës së Kuvendit, ka ndërhyrë duke kërkuar që mbledhja të përfundonte pasi nuk kishte kuptim të vijonte.

Kjo ka shkaktuar acarimin e situatës dhe Alibeja ka kërkuar që garda e republikës të nxirrte nga salla punonjësen e administratës me pretendimin se po ndërpriste një mbledhje të rëndësishme dhe shtoi se për këtë çështje do të ndërmerreshin edhe veprime ligjore.

Fjala Enkelejd Alibeaj:

Ikën prapë. E treta herë që ikin, pa arsye pa shkak. Duket qartë me një strategji të demaskuar për të bojkotuar veprimtarinë e komisionit. Kjo seli vendosi të ndërpresë edhe sinjalin televiziv që sipas traditës ndërpritet atëherë kur mbaron diskutimi.

Kishim miratuar 16 nene. Në mënyrë të beftë u cuan dhe ikën dhe strategjia e tyre dukej qartë. Mbledhja e rradhës ishte sot për në orën 11:00. Vazhduam me kërkesën ëpr të hetuar veprimtarinë e patronazhistëve. Bardhi paraqiti të gjithë panoramën e plotë për patronazhistët. Collaku parashtroi të dhënat për shpërdorimin e fondeve publike për të blerë votat e shqiptarëve. Bylykbashki foli për rindërtimin, zoti Xhaferraj për shpërdorimin e shumave të mëdha të shumave të shtetit për blerjen e votës. Salianji për punësimet. Punësime të përkohshme të bëra para 25 Prilli.

Administrata me një histeriëzm kamikazi futet për të ndërprerë një proces ligjor. Në këtë mënyrë mazhoranca kërkon të ndërhyjë për të bllokuar veprimtarinë e komisionit.

Propozova të bëheshin të gjitha kërkesat e tyre për rregulloren, habi e madhe, votuan kundër dhe më pas ikën. Sic duket kanë frikë nga ato të dhëna të sjella nga deputetët e opozitës. Dëshmitarët duke filluar nga kryeministri e me rradhë do thirren sipas ligjit.

Përgjigjia për Gjylametin është e thejshtë: Unë drejtoj komisionin bazuar në ligjin për komisionet hetimore ku thuhet fare qartë se rendi i ditës është i përcaktuar nga vetë ligjit. Plani hetimor paraprak ku qëndron edhe thembra e Akilit. Po e përsëris që e drejta për të thirrur dëshmnitarë, pranohet edhe kur bëhet nga cdo deputet pa qenë nevoja për gjë tjetër. Mjafton kërkesa. Ndërsa këta nuk duan të lejojnë që të thirret si dëshmitar shtetasi Edi Rama./albeu.com/

The post Enkelejd Alibeaj: Kanë frikë se thërrasim si dëshmitar shtetasin Edi Rama appeared first on Albeu.com.

Gogu akuzon opozitën për ngjarjet që ndodhën ditën e sotme në komision dhe gjithë përgjegjësinë për rrjedhën e ngjarjeve ja kaloi opozitës.

Në fund ai shton se maxhoranca është e hapur për ta rinisur në një moment tjetër mbledhjen në përputhje sipas tij me rregulloren e Kuvendit.

“Në shkelje të ligjit për komisionet hetimore (neni 10/1, 11/1 , 13/2 dhe 24) dhe të rregullores së kuvendit ( neni 25/2 , 34, 38, 49, 50, 51, 71, 75 e në mënyrë të posacme të nenit 76, Kryetari i komisionit hetimor zoti Alibeaj, në mënyrë të përsëritur injoroi të drejtën e maxhorancës për të paraqitur propozimet e neneve të draft rregullores  deri në shkeljen flagrante të mos marrjes në konsideratë të rezultatit të votimit. Pas thirrjeve të vazhdueshme për të futur në shinat e ligjshmërisë procesin e votimit, u detyruam të kërkonim pushim sipas nenit 39/1, paragrafi 3. Ne mbetemi vullnet plotë për rifillimin në çdo moment të mbledhjes në respekt të plotë të Rregullores së Kuvendit.

Provokimit të vazhdueshëm për të nxjerrë komisionin nga udha e ligjshmërisë në përmbushje të  funksionit të tij të hetimit  e për ta kthyer në “foltore” nuk do i përgjigjemi kurrë pozitivisht. Gjithashtu jemi të vendosur të mos lejojmë në asnjë moment në veprimtarinë e Kuvendit të Republikës së Shqipërisë, imponimin e dhunshëm të kulturës së tyre partiake të votimit” deklaron Gogu./albeu.com/

The post PS “e lënduar” nga veprimet e PD në Komisionin Hetimor për 25 prillin: Na injoroi dhe provokoi appeared first on Albeu.com.