E reja ka shkuar në Spitalin e Pogradecit, për të marrë ndihmë, pasi vuan nga një sëmundje e rrallë dhe atë ditë kishte marrje fryme dhe rrahje të shpeshta zemre.

Pasi u ekzaminua nga Mjeku i Urgjencës, vajza u orientua, për të bërë një elektrokardiogramë.

Në këto momente, infermieri Metjan Muço rreth të 30-ave, fillon ta ngacmojë me fjalë dhe në pjesët intime.

“Mendova që të bëj një denoncim për një infermier Metjan Muço. Nuk ndihesha mirë një ditë. Kisha vështirësi në frymëmarrje. Shkoj në spital me një të afërmen time. Doktori bëri ekzaminimin dhe tha ka nevojë për një elektrokardiogramë. Cakton mjeku një infermier. Unë e di që elektrokardiograma bëhet në krahun e djathtë. Filloi të vendoste elektrodat. Kur po i vendoste tek pjesa e toraksit filloi ngacmimet te pjesa e gjoksit, sa të bukura… shumë fjalë. Më falni se nuk ndihem mirë”, tha denoncuesja.

Vajza e tronditur është çuar dhe ka ikur nga ambientet e Spitalit, por ngjarjen e ka mbajtur të fshehtë për të shmangur ndonjë konflikt të mundshëm.

“Atje kam pësuar një traumë shumë të fortë që nga ajo ditë për Zotin. Unë nuk e denoncova. Thjesht e mbajta në shpirtin tim. As kushërirës nuk munda t’i tregoja të gjithë të vërtetën. Kam një baba e kam të sëmurë, kam një nënë, kam vëlla, kam dhe një të fejuar që po ta marrin vesh ata, jo vetëm këta të katërt, do e bëjnë copa-copa. Prandaj vendosa që të mos bëj zhurmë pasi kam vëlla, kam të fejuar. Nuk di çfarë të them, dridhem në të gjithë anët”, tregon denoncuesja.

Pas këtij denoncimi, “Stop” duke kërkuar të verifikojë dhe investigojë këtë problem, çon të infiltruarën e vet në spitalin e Pogradecit.

Infermier qëllon sërish Metjan Muço, i cili sapo merr vesh se vajza është turiste në qytet, përsërit sjelljen e tij, duke e ngacmuar s**sualisht këtë të fundit.

Biseda:

Infermieri Metjan Muça: Tani, ne këtej lart, mbaruam… Tani do fillojmë këtej poshtë.

E infiltruara: “Prapë do vej termometër”?!

Infermieri Metjan Muça: Ce e vendose njëherë ti qëparë?

E infiltruara: “Po ma vendosën njëherë…”.

Infermieri Metjan Muça: Na, vendose njëherë prej meje…!

E infiltruara: “Prapë”?!

Infermieri Metjan Muça: Varet, si e ke mbajtur.

E infiltruara: “Mirë e vura unë”.

Infermieri Metjan Muça: E, nuk e di unë…Do ta shikojmë gjendje tani mos ketë… Unë, kur e pashë atë të verdhin, mos e mbajte shumë kohë në dorë kushedi? Dhe mos i ra?

E infiltruara: “Ndoshta”!

Infermieri Metjan Muça: Se 36 e gjysmë ishte.

E infiltruara: “S’e di! Ajo e solli, e mbajta 5-6 minuta…”.

Infermieri Metjan Muça: Vere këtë njëherë, ta shikojmë, pastaj, kështu nuk të lemë. Do të të bëjmë derman! Të të bëjmë fil edhe të ikësh, se s’ka kuptim ashtu, që të na vish gjende herë tjetër.

E infiltruara: “Ca do bëj? Po të gjithë pacientët me kaq mirësjellje, me kaq dashuri”?!

Infermieri Metjan Muça: Me mirësjellje! Ata, që vuajnë nga zemra, me mirësjellje e duan, dhembshuri, dashuri, se vjen tanshi njëçikë i mërzitur njëçikë ashtu…, ëëë e kam mirë, ç’ke? Ke emocione?

… Metjanin e kërkon doktoresha e Urgjencës, ai është duke ngacmuar pacienten…

Doktoresha e Urgjencës, Pogradec: Metjan!

Infermieri Metjan Muça: Erdha doktoresha!

E infiltruara: “Aman mos më lër edhe 10 orë të tjera këtu…”!

Infermieri Metjan Muça: Jo de, ce 10 orë…,më e shumta deri në 10:00 të darkës jam unë këtu.

E infiltruara: “Deri kur”?

Infermieri Metjan Muça: Deri në 10:00 të darkës… Eeee edhe ikim pastaj.

E infiltruara: Pastaj ku?

Infermieri Metjan Muça: Ikim bashkë pastaj…

E infiltruara: “Ku të ikim pastaj”?

Infermieri Metjan Muça: Ku të duash…!

E infiltruara: “Unë me pushime jam”.

Infermieri Metjan Muça: Edhe unë me pushime! Ku të duash ti!

E infiltruara: “Po ti, je në punë”?

Infermieri Metjan Muça: Po s’ka gjë, një ditë do e le unë punën…, kështu që rri urtë…!

E infiltruara: “Ë..”?

Infermieri Metjan Muça: E kam me vërte! Ja të shikoj një çikë andej dhe erdha…!

Infermieri Metjan Muça: Të marrim një analizë, se na i kërkon ai doktori, kardiologu. Ke temperaturë?

E infiltruara: “Jo! Njëlloj si herën e kaluar”.

Infermieri Metjan Muça: Do të marr një analizë.

E infiltruara: “Jo, jo! Nuk bëj gjilpërë unë, absolutisht”.

Infermieri Metjan Muça: Jo gjilpërë! Do të marr një analizë, më tha ai doktori i zemrës.

E infiltruara: “Jo, jo! E kam tmerr! Nuk pranoj të jap gjak…,të lutem”!

Infermieri Metjan Muça: Pe meje, pe meje…

E infiltruara: “Tani shtyju një çikë! Unë erdha për t’u vizituar, jo për të gjetur diçka tjetër…”.

Infermieri Metjan Muça: Për t’u vizituar de, jo dedede gjë tjetër! Ulu tashi..!

E infiltruara: “Po mirë, o burrë i dheut, ngele duke…”.

Infermieri Metjan Muça: Ulu tashi, ulu tashi…!

E infiltruara: “Jo, jo! Nuk jap gjak…”.

Infermieri Metjan Muça: Do ta mbushim mendjen, me të mirë me të keq! Hajde shtrihu tani!

E infiltruara: “Jo, jo! Nuk jap gjak, seriozisht nuk jap gjak…”.

E infiltruara e Stop, refuzoi të japë analizat dhe firmosi edhe tek libri i vizitave në prani të doktoreshës.

E infiltruara: “Refuzoj të bëj analizat dhe…”?

Doktoresha: Mjekimin spitalor!

E infiltruara: “Ok”!

Infermieri Metjan Muça: Kështu që, të shkuara ti…! Ishalla s’vjen më këtu!

E infiltruara: “Ishalla jo…! Ju i trajtokeni shumë mirë pacientët”!

Infermieri Metjan Muça: Ja…

The post E reja shkon në urgjencë, infermieri e ngacmon: Në 10 të darkës ikim ku të duash, do të të bëjmë derman… appeared first on Albeu.com.

Vajza 24-vjeçare, ndërroi jetë ditën e djeshme në spitalin e Traumës në Tiranë.

Bashkë me viktimën e cila qëndroi në koma për 5 ditë, mbetën të plagosur edhe tre anëtarë të familjes.

44-vjeçari Jetmir Daci, përplasi 6 persona të familjeje ndërsa ata ishin pranë mjetit të tyre, pasi kishin ndaluar në ambientet e një lokali, rreth 30 m larg korsisë së rrugës. Në testin e bërë rezulton se 44-vjeçari ka qenë i dehur në timon në nivelin 0.40 mg/l në momentin që ka përplasur familjarët.

Pas ngjarjes së rëndë autori u ndalua nga policia, por u lirua nga Prokuroria, ndërsa sot pas 5 ditësh, u vendos ndalimi i tij.

Artan Pishkashi, emigrant i cili ishte kthyer në Shqipëri për një arsye familjare, është përballur me këtë aksident të rëndë.

Vajza tjetër e familjes 10-vjeçe, ka thyer këmbën e po ashtu fraktura ka pësuar dhe vajza 6-vjeçare.

The post U përplas për vdekje nga shoferi i dehur në Qafë-Thanë, kjo është 24-vjeçarja që humbi jetën pas 5 ditësh në koma appeared first on Albeu.com.

Operacioni, pas një hetimi disajavor, me metoda proaktive, të ndjekur nga specialistët e Seksionit për Hetimin e Trafiqeve të Paligjshme të DVP Fier dhe nga Prokuroria e Fierit.

37-vjeçarja Flurime Avdulaj, është vënë në pranga pasi shfrytëzonte një 24-vjeçare, për prostitucion.

Gjithashtu, procedohen penalisht 4 shtetas të implikuar në këtë rast.

Njoftimi:

“Nga një hetim disajavor, i ndjekur me metoda proaktive, nga specialistët e Seksionit për Hetimin e Trafiqeve të Paligjshme të Drejtorisë Vendore të Policisë Fier dhe nga Prokuroria e Fierit, u siguruan prova për një rast të veprimtarisë kriminale të prostitucionit. Në bazë të këtyre provave u finalizua operacioni policor i koduar “Gjurmimi”, gjatë të cilit u arrestua në flagrancë shtetasja F. A., 37 vjeçe, banuese në Fier.

37-vjeçarja dyshohet se ka shfrytëzuar për prostitucion, një shtetase 24 vjeçe.

Gjithashtu, në kuadër të këtij operacioni, u referuan materialet në Prokurori, ku nisi procedimi në gjendje të lirë për 4 shtetas, të dyshuar të implikuar në këtë veprimtari kriminale.

Vijon puna për identifikimin dhe nxjerrjen përpara përgjegjësisë penale, të shtetasve të tjerë të përfshirë në këtë rast.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme”, njofton policia.

The post EMRI/ Shfrytëzonte një 24-vjeçare për prostitucion, arrestohet tutorja në Fier appeared first on Albeu.com.

Një grua e cila akuzohet se ka vrarë një blogere me qëllim që të falsifikonte vdekjen e saj dhe t’i shpëtonte familjes së saj të rreptë, është paraqitur në gjykatë.

Në gusht 2022, një trup i mbuluar me gjak i gjetur në pjesën e pasme të një Mercedesi të parkuar në Ingolstadt, Gjermani, fillimisht u identifikua nga anëtarët e familjes si estetistja nga Mynihu Shahraban K.

Por një autopsi të nesërmen zbuloi se viktima ishte në të vërtetë Khadidja O, një influencuese 23-vjeçare nga Heilbronn, e cila duket jashtëzakonisht e ngjashme me Shahraban.

Ata thonë se Shahraban dhe i dashuri i saj Sheqir K, të dy 24-vjeç, kërkuan përmes mediave sociale për gra që dukeshin si ajo, si pjesë e një komploti për të falsifikuar vdekjen e saj.

Çifti tani është në gjyq në një gjykatë në Ingolstadt, një qytet bavarez rreth 50 milje në veri të Mynihut.

Sipas Daily Mail, vrasësit e dyshuar i kanë dërguar një mesazh Khadidjes nën maskën e reperit të njohur Lune, duke i ofruar mundësinë që të shfaqet në një nga videoklipet e saj.

Megjithatë, kjo përpjekje e parë për kontakt thuhet se dështoi pasi blogerja kontaktoi llogarinë zyrtare të Lune dhe iu tha: Është e rreme, motër. Mos u përgjigj.

Prokurorja Veronika Grieser, tha se ata u përpoqën përsëri dy ditë më vonë, me një mesazh që ofronte një trajtim bukurie falas në këmbim të postimeve në mediat sociale.

Këtë herë oferta funksionoi dhe dyshja e morën Khadidjen në Mercedes nga vendlindja e saj Eppingen, tha prokurori.

Makina u gjet me trupin brenda afër shtëpisë së shtetasit gjermano-irak Shahraban në Ingolstadt.

Pas zbulimit, zëdhënësi i policisë Andreas Aichele i tha gazetës Bild: Viktima u vra me mbi 50 goditje me thikë dhe fytyra e saj ishte shpërfytyruar plotësisht.

Prokurori Greiser tha në atë kohë: “Hetimet na kanë bërë të supozojmë se e akuzuara donte të fshihej për shkak të një mosmarrëveshjeje familjare dhe të falsifikonte vdekjen e saj për këtë qëllim”.

Procedurat në ditën e parë të gjykimit të martën u zvarritën, pasi u dorëzuan dokumente shtesë nga avokatët mbrojtës.

As Shahraban dhe Sheqir, të cilët përballen me burgim të përjetshëm nëse shpallen fajtorë, nuk kanë komentuar akuzat.

Një gjyq i plotë pritet të fillojë së shpejti.

The post E rëndë, 24-vjeçarja qëllon 50 herë me thikë blogeren, donte të falsifikonte vdekjen për shkak të… appeared first on Albeu.com.

I fejuari i saj, i cili jeton në Britaninë e Madhe, i tha BBC-së se po i dërgonte mesazhe teksa gomonia filloi të shfryhej. Ajo u përpoq ta siguronte atë se do të shpëtoheshin, përcjell abcnes.al.

Por ndihma erdhi shumë vonë, dhe ajo dhe 17 burra, gjashtë gra të tjera, njëra prej të cilave ishte shtatzënë dhe tre fëmijë vdiqën pasi varka e tyre u fundos në det në brigjet veriore franceze.

Vetëm dy persona mundën të mbijetonin, një irakian dhe një somalez. Fatkeqësia shënoi humbjen më të madhe të jetëve duke u mbytur në shumë vite, gjatë tentativës për të kaluar në Britani.

I fejuari i saj tha se Maryam, me nofkën Baran, kishte qenë në varkë me një të afërme. Ai nuk e kishte ditur më parë për tentativën për kalimin dhe tha se mbërritja e Maryam në Britani supozohej të ishte një surprizë.

Ata po i dërgonin mesazhe njëri-tjetrit në Snapchat pak para se gomonie të fillonte të humbiste ajër, tha ai. Maryam i tha se varka po shfryhej dhe se ata po përpiqeshin të nxirrnin ujin prej saj.

Aishtoi se ajo ishte përpjekur ta qetësonte atë në mesazhin e saj të fundit dhe t’i jepte shpresë se autoritetet ishin në rrugën e tyre për t’i shpëtuar. /abcnews.al

The post Identifikohet viktima e parë e mbytjes, 24-vjeçarja do t’ja bënte surprizë të fejuarit mbërritjen në Britani appeared first on Albeu.com.