Fakt i cili konfirmohet nga lëvizje të shumta të automjetit të llojit BMË, që janë vënë re pak minuta përpara kryerjes së krimit.

BMË, automjet i dyshuar i vjedhur, është vënë re që të lëvizë shpesh në zonë në momentin e ngjarjes, deri në kryerjen e ekzekutimit.

Thuajse 48 orë pas ngjarjes, policia e Vlorës, nuk ka ende asnjë gjurmë të autorëve të mundshëm.

Konfirmohet se ka patur kontrolle në banesa dhe vende, se ku fshihen persona të skeduar në krimin e organizuar që mund të kenë lidhje me ngjarjen, por as nga kontrollet nuk është evidentuar provë ekzakte.

Janë marrë në pyetje edhe persona të botës së krimit në lidhje me ngjarjen, por se ata kanë mohuar të kenë lidhje dhe janë lënë të lirë.

Mësohet se ka nisur edhe një hetim në lidhje me OSHEE, nëse ndërprerja e dritave është e qëllimshme apo është bërë për shkak defekti.

Viktima Gëzim Sinomati, pritet të përcillet sot për në banesën e fundit.

Varrimi bëhet rreth orës 11:00.

Burimet e policisë thonë se prezent në ceremoninë mortore, do të jetë edhe babai i tij Sokol Sinomati, i cili ka marrë lejen e posaçme nga burgu dhe pritet të jetë në varrim shoqëruar nga policia.

Gjithashtu, vlen të theksohet se, vrasja dyshohet me pagesë nga persona të përgatitur më së miri për këtë ngjarje.

Deri më tani nuk janë gjendur as gëzhoja dhe as arma e krimit.

Në ekzekutim mendohet të jetë përdorur edhe silenciator.

Makina e llojit BMË është djegur në pjesën e pasme të saj, pasi ndërhyrja në kohë e zjarrfikëses ka bërë që mjeti të shpëtojë në një pjesë të tij.

Megjithatë, në brendësi nuk është gjetur ndonjë provë të qënësishme.

The post Vrasja me plumb në kokë e 22-vjeҫarit Gëzim Sinemati në Vlorë, detajet e policisë appeared first on Albeu.com.

I riu u qëllua teksa ishte në ballkonin e banesës, ku kishte dalë për të pirë cigare, nga një makinë tip ‘BMË X3’ e vjedhur me targa të dubluara.

Gëzim Sinomati, është qëlluar nga sedilja e pasme e makinës në një distancë prej 35-40 m.

Në pjesën e pasme të makinës që u përdor nga atentatorët dhe që u gjet e djegur është gjetur një bllok betoni, që ishte modifikuar në sediljen e pasme për të qëndruar qitësi.

Grupi hetimor dyshon se kemi të bëjmë me një qitës profesionist.

Blloku i betonit ka shërbyer për të mbështetur armën, në mënyrë që mos të ketë tronditje dhe të mos gabojë.

Dyshohet po ashtu, se është vrasës profesionist me pagesë.

Arma nuk është gjetur dhe as gëzhoja deri në këto momente.

Janë mbledhur thuajse 50 kamera sigurie të bizneseve, por edhe qytetit me qëllim i identifikimi.

Autorët nuk janë identifikuar, pasi kanë qëndruar në zonë të pandriçuar dhe janë shmangur kamerave.

The post Ekzekutimi i 22-vjeҫarit Gëzim Sinomati në Vlorë, dyshohet për vrasës me pagesë, ҫfarë u gjet te makina e autorëve appeared first on Albeu.com.

I riu u qëllua me një plumb në kokë në ballkonin e banesës së tij, ku edhe gjeti vdekjen.

Dyshimet janë se i riu është ekzekutuar me një snajper.

Raportohet se një nga pistat ku edhe është fokusuar hetimi, është qëndrimi i tij në shtetin belg, pasi i riu kishte vetëm pak ditë që ishte kthyer në Shqipëri për festa.

Megjithatë, nuk përjashtohen edhe konfliktet që mund të ketë pasur në Vlorë.

“Një nga pistat e hetimit mbetet ajo në shtetin belg, ku edhe 23-vjeçari pak ditë kishte që ishte kthyer Policia e Vlorës po heton për ngjarje të ndodhura nga e kaluara, por nuk përjashtohen edhe konflikte të mundshme në qytetin e Vlorës”.

Ndërkohë, nga informacionet paraprake, dyshimet janë se i riu mund të jetë qëlluar nga një automjet, por nuk përjashtohet edhe fakti që 23-vjeçari të jetë ekzekutuar nga një objekt që është në ndërtim e sipër, shumë pranë banesës së të riut.

Sipas burimeve, i riu mund të jetë qëlluar nga automjet, por mund të jetë qëlluar edhe nga një objekt në ndërtim e sipër, shumë pranë banesës së 23-vjeçarit. Këto janë dyshimet e para të Policisë së Vlorës.

The post Ekzekutimi me armë zjarri i 22-vjeҫarit në Vlorë, pistat që po heton policia appeared first on Albeu.com.