Urdhri ekzekutiv i zotit Trump, i nënshkruar të hënën synon përmbushjen e një premtimi të fushatës presidenciale, por suksesi i tij është i pasigurt, në kushtet kur e drejta e shtetësisë në bazë të lindjes është e parashikuar në kushtetutën amerikane.

Prokurorët e Përgjithshëm të shteteve me shumice demokrate dhe avokatët e të drejtave të emigrantëve, thonë se çështja e shtetësisë përmes lindjes është e garantuar me ligj dhe megjithëse presidentët kanë autoritet të gjerë, ata nuk janë monarkë.

“Presidenti nuk mundet të shfuqizojë Amendamentin e 14-të me një të rënë të lapsit, pikë!”, tha Prokurori i Përgjithshëm i Nju Xhersit, Matt Platkin.

Shtëpia e Bardhë, tha se është gati të përballet me shtetet në gjykatë dhe i quajti paditë “asgjë më shumë se pjesë e rezistencës së së majtës”.

“Të majtët radikalë ose mund të zgjedhin të refuzojnë vullnetin dërrmues të popullit, ose mund të bashkohen me ne dhe të punojnë me Presidentin Trump”, tha zëvendëssekretari i shtypit i Shtëpisë së Bardhë, Harrison Fields.

Prokurori i Përgjithshëm i Konektikatit, William Tong, një shtetas amerikan i natyralizuar dhe prokurori i parë kinezo-amerikan i një shteti amerikan i zgjedhur në vend, tha se padia ishte personale për të.

“Amendamenti i 14-të e thotë qartë se nëse ke lindur në tokë amerikane, je amerikan. Pikë!”, tha ai.

“Nuk ka asnjë arsye ligjore për debat për këtë çështje. Por fakti që Trump është gabim nuk e pengon atë që të shkaktojë dëme serioze për familjet amerikane si e imja”, tha ai.

Në qendër të debatit është e drejta për shtetësi që i jepet kujtdo që lind në SHBA, pavarësisht nga statusi i prindërve të tyre.

Njerëzit që janë në Shtetet e Bashkuara me një vizë turistike, ose lloj tjetër vize ose në mëmyrë të paligjshme mund të bëhen prindër të një shtetasi nëse fëmija i tyre lind këtu, sipas Amendamentit të 14-të të Kushtetutës, thonë mbështetësit e kësaj të drejte.

Por zoti Trump dhe aleatët e tij, e kundërshtojnë këtë interpretim të amendamentit dhe thonë se duhet të ketë standarde më të ashpra për t’u bërë qytetar. SHBA-ja është mes rreth 30 vendeve, mes së cilëve edhe Kanadaja dhe Meksika, ku e drejta e shtetësisë garantohet përmes lindjes. Shumica janë në Amerikë.

Shumica e vendeve të tjera e japin shtetësinë bazuar në faktin nëse të paktën njëri prind, ose e thënë ndryshe përmes “së drejtës së gjakut”, është shtetas ose ka një formë të shtetësisë përmes origjinës që mund ta kufizojë shtetësinë automatike, vetëm për fëmijët e prindërve që janë në një territor në mënyrë të ligjshme./VOA

The post E drejta e shtetësisë fitohet përmes lindjes/ 22 shtete ngrenë padi kundër urdhrit të Presidentit Trump appeared first on Albeu.com.

Mësohet se prokuroria ka kërkuar informacion me anë të letërporosive 22 shteteve lidhur me këtë sulm, por vetëm 3 prej tyre kanë kthyer përgjigje. Shtetet që i janë përgjigjur dhe kanë përcjell informacion tek oficerët e kontaktit janë Danimarka, Holanda dhe Singapori.

Mirëpo, ‘Faxnews’ raporton se këto shtete nuk e kanë ndihmuar grupin hetimor për të zbuluar personat që kanë ndërmarrë këto sulme. Në përgjigjet e tyre këto shtete thonë se IP janë të pagjurmueshme dhe të lëvizshme. Gjatë fazës së hetimeve që prokuroria ka ndërmarrë deri më tani është zbuluar se hakerat fillimisht kanë tentuar të sulmojnë drejtpërdrejtë sistemet e AKSHI-it, por dështuan.

Më pas, ata përdorën sistemin administrata.al për të penetruar dhe hyrë në faqet e qeverisë duke goditur disa prej sistemeve digjitale të vendit dhe përfituar të dhëna sensitive. Deri me tani për këtë çështje nën hetim janë marrë vetëm 5 persona, të cilët akuzohen për shpërdorim detyre. Të akuzuarit janë punonjës në sektorin e IT-së në Departamentin e Administratës Publike lidhur me sulmet kibernetike ndaj Shqipërisë.

The post Sulmet Kibernetike/ Shqipëria letër-porosi 22 shteteve, vetëm 3 përgjigjen appeared first on Albeu.com.