21 dhjetori arme Archives - Albeu.com

Sekretarja britanike: Putin është një kërcënim për sigurinë globale, po përdor në Ukrainë armë ekstreme

E B — Wed, 16 Mar 2022 08:25:08 +0000

Sekretarja e Jashtme britanike, Liz Truss, ka dalë në një deklaratë për media ku ka thënë se është absolutisht e drejtë që Mbretëria e Bashkuar po shikon burime alternative të naftës dhe gazit për Rusinë, teksa shton se Vladimir Putin ka “shkatërruar sigurinë evropiane” dhe ka përdorur “armë të tmerrshme dhe forcë të tmerrshme” në Ukrainë.

“Një nga mënyrat se si Putin financon makinerinë e tij të luftës është përmes të ardhurave nga nafta dhe gazi dhe natyrisht nuk po them se jemi dakord me çdo politikë të Arabisë Saudite ose Emiratet e Bashkuara Arabe, por ato nuk përbëjnë një kërcënim për sigurinë globale në ashtu siç bën Vladimir Putin”, thotë ajo.

Sekretarja e Jashtme thotë se ne gjithashtu duhet të sjellim vende të tjera në rrethin e ndikimit të Mbretërisë së Bashkuar dhe t’i largojmë vendet nga Rusia.

Truss shton se duhet ta ndalojmë Putinin me çdo kusht , sepse ai është kërcënimi i vërtetë me të cilin përballet bota.

E pyetur për situatën në Kiev, Truss thotë se është “shumë, shumë, shumë e vështirë”, ndërsa shtoi se Mbretëria e Bashkuar po bën gjithçka që mundet për të çuar furnizime në qytet dhe për të mbështetur ukrainasit.

“Nuk mund të bëj parashikime për të ardhmen, por ajo që dimë është se planet e Putinit nuk po shkojnë sipas planit, ai nuk po bën përparimin që shpresonte dhe si rezultat po përdor teknika dhe armatime gjithnjë e më ekstreme”, tha ajo./albeu.com

The post Sekretarja britanike: Putin është një kërcënim për sigurinë globale, po përdor në Ukrainë armë ekstreme appeared first on Albeu.com.

Pacienti dhunon rëndë infermierin në Spitalin Psikiatrik të Shkodrës

E B — Wed, 23 Jun 2021 10:43:52 +0000

Në Spitalin psikiatrik të Shkodrës, një infermier është dhunuar rëndë nga një pacient. Mësohet se ngjarja ka ndodhur ditën e sotme dhe infermieri me iniciale SH.M është dhunuar nga një pacient, i cili në bazë të informacioneve është edhe përdorues i lëndëve narkotike./albeu.com [...]

Tronditet Tirana, të shtëna me armë zjarri në zonën e njohur

admin — Mon, 29 Mar 2021 18:01:03 +0000

Një përplasje me armë zjarri ka ndodhur mbrëmjen e sotme në Tiranë.

Burimet bëjnë me dije se në zonën e mbipopulluar në “21 Dhjetori” janë dëgjuar krisma arme zjarri.

Burimet për albeu.com bëjnë me dije se nuk ka të plagosur dhe autori i cili ende nuk është identifikuar ka qëlluar me breshëri në ajër.

Mësohet se policia ka mbërritur në vendngjarje dhe po heton më shumë mbi ngjarjen në fjalë.

Tiranë/Informacion paraprak

Më datë 29.03.2021, në rrugën “Naim Frashëri”, në afërsi të një lokali aty pranë, si pasojë e një konflikti të çastit midis 4 shtetasve ende të paidentifikuar, njëri prej tyre ka qëlluar me armë zjarri në ajër dhe është larguar.

Nga verifikimet e Policisë nuk ka persona të lënduar.

Në vendngjarje ndodhet grupi hetimor i cili po vijon veprimet për sqarimin e rrethanave të kësaj ngjarje, identifikimin e personave të përfshirë në konflikt dhe kapjen e personit që qëlloi me armë zjarri. /albeu.com/

The post Tronditet Tirana, të shtëna me armë zjarri në zonën e njohur appeared first on Albeu.com.