INSTAT data show that the number of people who obtained Albanian citizenship fell to 495 this year, well below the 919 cases recorded in 2024.

Of these, 306 regained citizenship, while 189 obtained it for the first time. The largest share of this group consists of citizens of Kosovo, who account for 56.1% of the total, followed by Turkish citizens with 20.1%; they are followed by citizens from North Macedonia and Italy, with 4.8% each.

Requests to renounce citizenship also declined, indicating a change in applicants’ behavior and a more cautious assessment of migration movements during this period. In 2025, 173 people chose to give up Albanian citizenship.

The demographic trends of these processes show that the 30-39 age group was the most represented, accounting for 31.7% of those who obtained citizenship and 43.9% of those who renounced it.

At the same time, the number of people who sought asylum in Albania rose to 144 in 2025, which is 40 more than in 2024. According to INSTAT, only a slight increase in requests for international protection had been observed a year earlier.

An asylum seeker is considered to be any foreign citizen or stateless person who has submitted a request for international protection, for which no final binding decision has yet been made.

Asylum applications were concentrated mainly in the second quarter of the year, especially in August, September and October, a period that accounted for 63.2% of total applications in 2025.

As for country of origin, the figures show that the largest share of requests came from Egypt with 39.6%, followed by Afghanistan with 11.8% and Palestine with 9.7%.

The post Interest in the Albanian passport declines, citizenship for foreigners down 46% in 2025 appeared first on Albeu.com.

Të dhënat e INSTAT, tregojnë se numri i personave që kanë marrë shtetësinë shqiptare ra në 495 këtë vit, shumë më poshtë se 919 rastet e regjistruara në vitin 2024.

Prej tyre, 306 e kanë rifituar shtetësinë, ndërsa 189 e kanë marrë atë për herë të parë. Pjesa më e madhe e këtij grupi përbëhet nga shtetas të Kosovës, të cilët zënë 56,1% të totalit, të ndjekur nga shtetasit turq me 20,1%; më pas renditen ata nga Maqedonia e Veriut dhe Italia, me nga 4,8% secila.

Edhe kërkesat për heqje dorë nga shtetësia kanë pësuar rënie, duke treguar një ndryshim në sjelljen e aplikantëve dhe një vlerësim më të kujdesshëm të lëvizjeve migratore në këtë periudhë. Në vitin 2025, 173 persona kanë zgjedhur të heqin dorë nga shtetësia shqiptare.

Prirjet demografike të këtyre proceseve tregojnë se grup-mosha 30-39 vjeç ka qenë më e pranishmja, duke përfaqësuar 31,7% të atyre që fituan shtetësinë dhe 43,9% të personave që hoqën dorë prej saj.

Në të njëjtën kohë, numri i personave që kërkuan azil në Shqipëri u rrit në 144 gjatë vitit 2025, që janë 40 më shumë se në vitin 2024. Sipas INSTAT, një vit më parë ishte vërejtur vetëm një rritje e lehtë e kërkesave për mbrojtje ndërkombëtare.

Azilkërkues konsiderohet çdo shtetas i huaj ose person pa shtetësi që ka depozituar një kërkesë për mbrojtje ndërkombëtare, për të cilën ende nuk është marrë një vendim përfundimtar i formës së prerë.

Kërkesat për azil janë përqendruar kryesisht në tremujorin e dytë të vitit, sidomos në gusht, shtator dhe tetor, periudhë që ka mbuluar 63,2% të totalit të aplikimeve për vitin 2025.

Për sa i përket vendit të origjinës, shifrat tregojnë se pjesa më e madhe e kërkesave ka ardhur nga Egjipti me 39,6%, më pas nga Afganistani me 11,8% dhe Palestina me 9,7%.

The post Rënie e interesit për pasaportën shqiptare, shtetësia për të huajt bie me 46% në 2025 appeared first on Albeu.com.

The latest official data from INSTAT show that within this age group in Albania, 38.5% of young people are actively unemployed, as they are looking for work and are ready to enter the labor market.

The remaining 1.6% stay outside the labor market as they are classified as discouraged, while 19.5% are engaged in family duties, raising children or caring for someone in the family.

A considerable share, 40.4%, falls into the “other” category, indicating a high level of informality or uncertainty in declaring their economic status.

Compared with the previous year, a slight improvement is observed in the category of discouraged people, with a decline of 0.4 percentage points.

However, this change remains limited and does not yet reflect a transformation in the integration of young people into the labor market.

The data show that men are more active in the labor market than women. Around 46.5% of male NEETs are actively looking for work and ready for employment, while among women this percentage falls to 31.9%.

Albania has a share of young people neither in work nor in school that is almost double the EU average and remains at high regional levels.

Kosovo has the highest NEET levels in the region, reaching around 30%, followed by Albania with around 20%. North Macedonia and Montenegro are in the 17% range, while Bosnia and Herzegovina and Serbia record lower levels, though still clearly above European standards.

It appears that, in terms of employment, only pensioners are benefiting from economic growth, as unemployment continues to remain high among young people.

Last year, the official unemployment rate was 8.4%, while this indicator for the 15-24 age group was 21.5%, almost three times higher than in the general population.

In contrast to young people, the number of employed people over the age of 65 has increased. INSTAT data show that from 119,862 in 2024, their number reached 130,274 in 2025.

Although these people are of retirement age, they are mainly self-employed in agriculture without contributions, and according to the local methodology they are considered employed even when they work on their small farm and produce only for self-consumption./ Monitor

The post INSTAT releases data: One-fifth of young people neither in work nor in school in 2025 appeared first on Albeu.com.

Strategjia e qeverisë për të nxitur rritjen e pagës mesatare përmes administratës publike nuk duket të ketë funksionuar, teksa rajoni po ecën më shpejt në përmirësimin e të ardhurave nga punësimit të qytetarëve të tyre.

Edhe në 2025-n, paga mesatare mujore bruto, që marrin punonjësit Serbi, Maqedoni të Veriut, Mal të Zi e Bosnjë Hercegovinë, ishte 30-50% më e lartë sesa e atyre shqiptarë, sipas të dhënave që u përpunuan nga “Monitor”, bazuar në statistikat e vendeve përkatëse.

Përjashtim bën vetëm Kosova, që ka ende një pagë më të ulët sesa Shqipëria, ndonëse ajo nuk i ka publikuar ende të dhënat për vitin 2025.

Sipas INSTAT, në vitin 2025, paga mesatare mujore bruto në Shqipëri arriti në 84 mijë lekë, me një rritje prej 10.3% në krahasim me mesataren e 2024-s.

E konvertuar në euro, paga mesatare mujore në 2025-n ishte rreth 860 euro. Me gjithë “ndihmën”, që i ka dhënë kursi, paga në vend mbetet më e ulëta në rajon, përjashtuar Kosovën.

Paga më e lartë në rajon në 2025-n ishte në Serbi, me rreth 151 mijë dinarë serbë, ose 1290 euro bruto në muaj, sipas të dhënave nga Instituti i Statistikave të Serbisë.

Serbia ka marrë kryesimin e rajonit, nga e treta që ishte një vit më parë, pasi ka shënuar rritjen më të madhe me 21.7%. Pagat në Serbi janë 430 euro më të larta se në Shqipëri, ose 50% më shumë.

Në vend të dytë ka zbritur Bosnjë Hercegocina, që ishte e para në 2024-n. Paga mesatare mujore bruto që morën qytetarët e këtij vendi në 2025-n ishte 2437 marka, ose 1245 euro, me rritje 13.2%, sipas të dhënave nga Instituti i Statistikave të Bosnjë-Hercegovinës. Një i punësuar boshnjak merr mesatarisht 345 euro më tepër në muaj sesa ai shqiptar, ose 45% më shumë.

Në Mal të Zi, paga mesatare mujore bruto arriti në 1206 euro, me rritje 11.4%, sipas të dhënave nga Instituti i Statistikave i këtij shteti. Punonjësit në Mal të Zi marrin mesatarisht 346 euro më tepër se ata shqiptarë, ose 40% më shumë.

Maqedonia e Veriut, i pagoi punonjësit mesatarisht 68 mijë dinarë bruto në 2025-n, ose rreth 1100 euro, me rritje prej 10%, më e ulëta në gjithë rajonin dhe me shumë pak diferencë me Shqipërinë (+10.3%). Megjithatë, një i punësuar maqedonas merr bruto 240 euro më tepër se ai shqiptar, ose 28% më shumë.

Instituti i Statistikave të Kosovës i publikon me vonesë të dhënat e pagave. Të dhënat e fundit të disponueshme janë për vitin 2024, ku paga mesatare mujore bruto ishte 639 euro, më e ulëta në rajon.

Ndonëse Shqipëria ka shfaqur shifra të qëndrueshme makroekonomike dhe një rritje ekonomike të kënaqshme në letër, kjo rritje nuk ka ardhur nga shtimi i produktivitetit dhe as nga sektorë që krijojnë vlerë të shtuar të qëndrueshme në afat të gjatë.

Ajo është mbështetur kryesisht te zgjerimi i pagave në administratën publike, si dhe te ndërtimi e pasuritë e paluajtshme, që japin efekt të menjëhershëm në tregues, por jo domosdoshmërisht rrisin konkurrueshmërinë e ekonomisë dhe as i japin vlerë të shuar asaj.

Rezultati është një model i brishtë, ku qytetarët përballen me ushqimet më të shtrenjta në rajon, ndërsa vijojnë të kenë ndër të ardhurat më të ulëta, duke i shtyrë jo pak shqiptarë të bëjnë turizëm rajonal për blerje, si për naftën që është intensifikuar së fundmi, ashtu dhe për ushqime e produkte të tjera.

Kjo do të thotë më pak konsum brenda vendit, më pak xhiro për bizneset vendase dhe të ardhura të munguara për buxhetin nga taksat, duke e futur vendin në një rreth vicioz ku rritja ekonomike nuk përkthehet në mirëqenie më të lartë për qytetarët.

Përkundrazi, ajo thellon hendekun mes treguesve pozitivë në letër dhe realitetit të përditshëm të familjeve, që paguajnë më shtrenjtë për mallrat bazë, por vazhdojnë të kenë fuqi blerëse të kufizuar.

Në një ekonomi ku konsumi po zhvendoset jashtë kufijve për shkak të çmimeve të larta dhe të ardhurave të ulëta, humbjet nuk janë vetëm për biznesin vendas, por për gjithë zinxhirin ekonomik, nga tregtia te të ardhurat fiskale dhe mundësia për të krijuar vende pune më cilësore në të ardhmen, dhe me paga më të larta, çka na bën të humbur në garën rajonale./ Monitor

The post Shqipëria, sërish e humbur në garën e pagave, rajoni i kishte 30-50% më të larta edhe në 2025-n appeared first on Albeu.com.

Të dhënat zyrtare nga Ministria e Financave tregojnë se, megjithëse ishte planifikuar një alokim prej 700 milionë lekësh (7 mln euro) si pjesë e Planit të Rritjes nga BE në zërin e investimeve nga fondet e huaja, realizimi faktik për vitin 2025 shënoi zero.

Ndryshe nga fondet e brendshme që varen nga vullneti i qeverisë, 700 milionët e Planit të Rritjes janë të lidhura me reformat.

Nëse Shqipëria nuk përmbush hapat specifikë në sundimin e ligjit, prokurimet apo reformën në administratë, siç dikton Plani i Rritjes, Brukseli nuk i alokon fondet.

Gjithashtu, fondet e BE-së kërkojnë standarde strikte fizibiliteti që shpesh institucionet tona nuk arrijnë t’i përgatisin në kohë.

Shqipëria ka nisur të përfitojë fondet e para nga Plani i Rritjes i Bashkimit EUropian për Ballkanin Perëndimor 2024-2027, por shumat janë modeste dhe shumë larg planit fillestar.

Drejtoria e Zgjerimit në BE, në një analizë për “Fondet e BE-së në Shqipëri” që i takon vitit 2025, vuri në dukje se plani i rritjes për Shqipërinë përfshin një shumë prej 922.1 milionë eurosh në formën e granteve të pakthyeshme dhe huave me kushte të favorshme për zbatimin e kësaj agjende reformash, që mund të përdoren përgjatë periudhës 2025-2027.

Në total, fondet e tërhequra deri tani arrijnë në rreth 163.8 milionë euro. Shqipëria ka përfituar rreth 17.7% të totalit të financimit të parashikuar nga Plani i Rritjes, ndërsa rreth 758 milionë euro mbeten ende për t’u disbursuar këtë vit dhe vitin tjetër, në varësi të ecurisë së reformave dhe përmbushjes së objektivave të vendosura nga Bashkimi Europian.

Sektori i energjisë paraqet situatën më drastike brenda zërit të investimeve nga fondet e huaja. Nga një plan ambicioz prej 2 miliardë lekësh nga financimi i huaj, nuk u alokua asnjë cent në vitin 2025.

Vitin e kaluar ishin planifikuar të investoheshin rreth 36 miliardë nga investimet e huaja, por janë realizuar vetëm 20 miliardë, ose 44% me pak se plani.

Viti 2025 ka përforcuar trendin ku qeveria dhe strukturat e saj shfaqin dobësi për të përthithur financimet e huaja.

Banka Botërore, BERZH apo KFW kanë rregulla prokurimi shumë më rigoroze se ato vendase. Çdo ankesë e bizneseve në tenderë apo vonesë në miratimin e dokumentacionit nga bankat huadhënëse e shtyn disbursimin e fondit për vitin pasardhës.

Gjithashtu, shumë investime të huaja mbeten pezull sepse qeveria dështon të mbyllë në kohë shpronësimet e tokave, duke bërë që donatorët të mos lëvrojnë këstet e radhës.

Edhe pse investimet kapitale në total vitin e kaluar ishin rreth 1.4 miliardë euro, me një rritje prej 10% krahasuar me vitin 2024, kjo erdhi kryesisht nga financimi i brendshëm./ Monitor

The post Investimet publike 2025, zero fonde nga plani i rritjes appeared first on Albeu.com.

Deri në fund të vitit 2025, numri i të huajve me leje qëndrimi në Shqipëri arriti në 27,514 banorë sipas të dhënave të Regjistrit Elektronik për të Huajt (FER) dhënë për Monitor nga Policia e Shtetit, duke shënuar një nivel rekord.

Pjesa më e madhe e tyre, rreth 65% janë për arsye pune dhe rreth 15% për bashkim familjar.

Në raport me 2024, numri i shtetasve të huaj të pajisur me leje qëndrimi u rrit rreth 4,800 banorë apo 22%.

Nga totali prej 27,514 lejesh qëndrimi aktive deri në fund të vitit 2025, shumica e të huajve janë nga Kosova dhe Italia.

Numri i shtetasve nga Kosova të pajisur me leje qëndrimi arriti në 6,076 banorë, që përbën rreth 22% të totalit. Krahasuar me 2024 numri i tyre u rrit 32%.

Ndryshe nga shtetasit e tjera, banorët nga Kosova pajisen me leje qëndrimi me afat 5- vjeçar.

Pas Kosovës numrit më të lartë të shtetasve të huaj të pajisur me leje qëndrimi, është nga Italia me 3,776 persona që përbëjnë 14% të totalit të të huajave. Krahasuar me 2024 numri i tyre u rrit 75%.

Krahas Italisë e Greqisë, që tradicionalisht kanë kryesuar për leje qëndrimi, një rritje e ndjeshme në 2025-n është shënuar nga shtetasit nga India dhe Filipinet e Egjipti, që janë ngjitur përkatësisht në vend të tretë, të katërt e të pestë.

Numri i shtetasve nga India në 2025 arriti në 2,399 apo 47%. Shtetasit nga India përbënë 14% të totalit të huajve të pajisur me leje qëndrimi. Këta punojnë kryesisht në shërbime dhe teknologji informacioni.

Shtetasit nga Filipinet të pajisur me leje qëndrimi në 2025 janë 2,213 persona apo 130% më tepër sesa 2024. Këta shtetas punojnë kryesisht në shërbimet shtëpiake dhe në hotele e restorante e më pak në fason.

Për 2025 numri i shtetasve të huaj nga Egjipti ishte 2,007 persona apo rreth 2 herë më shumë sesa në 2024 dhe punojnë në sektorë të ndryshëm, deri në bujqësi. Ata përbënë 7% të totalit të të huajve në 2025.

Numri i shtetasve nga Turqia ishte 1,862 persona apo përbënë 7% të totalit në 2025. Në raport me 2024 numri i tyre u rrit rreth 47%.

Nga i shtetasve të huaj nga SHBA arriti në 1,128 banorë apo 164% më shumë sesa në 2024.

Nga ana tjetër Miamare ka 445 persona (2% të totalit) apo 77% më shumë sesa në 2024.

Numri i shtetasve nga Kina arriti 362 persona apo 42% më shumë sesa në 2024.

Numri i shtetasve të huaj nga Nigeria arriti 184 persona për vitin 2025.

Aplikime të reja për 2025, kryesohen nga shtetasit indianë dhe filipinas

Gjatë vitit 2025, sipas Regjistrit Elektronik për të Huajt (FER), janë përpunuar gjithsej 19,321 aplikime për leje qëndrimi, që tregon një rritje të dukshme krahasuar me 13,176 aplikime që u përpunuan gjatë vitit 2024. Krahasuar me vitin 2024 numri i tyre me 6,145 aplikime me apo 47% më shumë.

Gjatë vitit 2025, shtetësitë kryesore që kanë aplikuar për herë të parë për leje qëndrimi është India me 2,691 aplikime, që përbën 14% të totalit, Filipinet me 2,415 aplikime (13%), Italia me 2,239 aplikime (12%), Egjipti me 2,198 aplikime (11%), Kosova me 1,813 aplikime (9%), Turqia me 1,441 aplikime (7%), SHBA me 606 aplikime (3%), Mianmar me 506 aplikime (3%), Rusia me 442 aplikime (2%) dhe Ukraina me 312 aplikime (2%).

65% e aplikimeve të reja për punësim.

Megjithatë, motivi kryesor për pajisjen me leje qëndrimi në Shqipëri vijon të mbetet për çështje punësimi dhe bashkimi familjar.

Për vitin 2025, nga totali i aplikimeve të reja 65% e tyre ishin për leje unike punësimi, e ndjekur nga aplikimet për bashkim familjar që përbënë 13% apo rreth 5% e tyre ishin për qëllime studimi. Ndërsa numri i shtetasve të huaj që aplikuan për leje të përhershme qëndrimi ishte 40 apo duke përbërë 0.2% të totalit të numrit të aplikimeve për 2025.

Nga totali i aplikimeve për 2025, sipas të dhënave 7,049 apo 36.4% prej tyre janë aplikime nga femra dhe 12,272 apo 63.6% nga meshkuj./ Monitor

The post India, Filipinet dhe Egjipti/ Numri i të huajve që jetojnë në Shqipëri arrin rekord në 2025 appeared first on Albeu.com.

Nga arrestimi i kryebashkiakut të Tiranës, Erion Veliaj, te hetimet ndaj zëvendëskryeministres Belinda Balluku, drejtuesve të institucioneve kyçe, zyrtarëve të rendit dhe kryebashkiakëve në disa bashki të vendit, Prokuroria e Posaçme kundër Korrupsionit dhe Krimit të Organizuar (SPAK), ka ndërmarrë një sërë veprimesh që kanë tronditur skenën politike dhe institucionale.

Erion Veliaj

Më 10 shkurt 2025 me urdhër të SPAK u arrestua kryetari i Bashkisë Tiranë, Erion Veliaj i cili përballet me akuza të rënda për “Korrupsion pasiv i funksionarëve të lartë shtetërorë ose i të zgjedhurve vendorë”, “Korrupsion aktiv i funksionarëve të lartë shtetërorë ose të zgjedhurve vendorë”, “Pastrimi i produkteve të veprës penale ose veprimtarisë kriminale” dhe “Refuzim për deklarim, mosdeklarim, fshehja ose deklarimi i rremë i pasurive, interesave private të personave të zgjedhur dhe nëpunësve publikë, ose i çdo personi tjetër që ka detyrim ligjor për deklarim”.

Veliaj dhe bashkëshortja e tij Ajola Xoxa sipas SPAK ngritën një skemë korrupsioni dhe pastrimit të parave përmes OJF-ve që zotëroheshin nga Xoxa.

Ai u la në qeli nga GJKKO më 12 shkurt, vendim që u mbështet edhe nga vendimi i Apelit të GJKKO me 13 mars.

Më 8 korrik 2025, Gjykata e Lartë la në fuqi masën e “arrestit me burg” për kryebashkiakun Erion Veliaj, duke rrëzuar rekursin e tij.

Më 25 shtator Këshilli i Ministrave miratoi propozimin e Këshillit Bashkiak dhe shkarkoi nga detyra Erion Veliajn, i cili ankimoi këtë vendim në Kushtetuese.

Përmes një seance publike ku ishte prezent edhe kryebashkiaku Erion Veliaj, Kushtetuesja vendosi më 3 nëntor 2025 rikthimin e tij në detyrë, duke pezulluar kështu zgjedhjet në Bashkinë e Tiranës.

Belinda Balluku

Një nga skandalet më të mëdha të një zyrtari të lartë që ka rënë në rrjetën e drejtësuisë, është ai i zëvendës kryeministres dhe njëkohësisht ministres së Infrastrukturës dhe Energjisë, Belinda Balluku.

Pas një hetimi mbi 1-vjeçar për Ballukun dhe vartësit e saj, me kërkesë të SPAK, Gjykata e Posaçme e pezulloi nga detyrat e zv.kryeministres dhe ministres, e cila përballet me akuzat për “Shkelje të barazisë së pjesëmarrësve në tendera apo ankande publike”, e kryer në bashkëpunim, në lidhje me procedurën e prokurimit të ndërtimit të tunelit të Llogarasë dhe Unazën e Madhe.

Po ashtu Gjykata e Posaçme vendosi edhe masën e ndalimit për daljen jashtë vendit për Ballukun, duke i bllokuar pasaportën.

Më 21 nëntor 2025 qeveria dërgoi në Gjykatën Kushtetuese kërkesën për pezullimin e vendimit të GJKKO. Më 12 dhjetor 2025 Kushtetuesja kaloi për shqyrtim ankimimin e qeverisë dhe vendosi rikthimin në detyrë të Belinda Ballukut.

Më 16 dhjetor 2025 SPAK i dorëzoi kërkesë Kuvendit për heqjen e imunitetit për zëvendëskryeministren dhe ministren Belinda Balluku.

Në mbledhjen e 19 dhjetorit 2025 Këshilli i Mandateve vendosi shtyrjen e mbledhjes pasi avokati i zëvendëskryeministres kërkoi kohë për t’u njohur me aktet.

Kujtojmë se masa sigurie u vendosën edhe ndaj drejtorit të KESH, Erald Elezi dhe drejtorit të ARRSH, Gentian Gjyli. Ndaj Gjylit dhe Elezit, GJKKO caktoi masën “arrest në shtëpi”.

AKSHI

Një tjetër skandal i zbuluar pas hetimeve të Prokurorisë së Posaçme, është ai i Agjencisë së Shoqërisë së Informacionit (AKSHI).

Më 16 dhjetor SPAK dhe BKH ndërmorën një aksion ku ushtruan kontrolle në banesa dhe zyra në zonën e Kodrës së Diellit në Tiranë, ndërsa Prokuroria e Posaçme kërkoi masa arresti për drejtoreshën e AKSHI-t Mirlinda Karçanaj, zv.drejtoreshën Hava Delibashi, biznesmenët Ergys Agasi, Ermal Beqiri dhe tre administrator subjektesh.

Ndaj zv.drejtorit të Policisë së Tiranës, Erion Ismaili u dhanë masat e sigurisë pezullim nga detyra dhe iu ndalua dalja jashtë vendit.

Në kuadër të këtij hetimi ndaj drejtoreshës së AKSHI-t Mirlinda Karaçanaj u lëshua masa e sigurisë “arrest në shtëpi”, ndërsa akuzohet për “Shkelje të barazisë në tendrë dhe ankande publike” kryer në formën e veçantë të bashkëpunimit, atë të grupit të strukturuar kriminal dhe “Grup i strukturuar kriminal”, “Kryerje e veprave penale nga organizata kriminale dhe grup i strukturuar kriminal”. Nën masën e sigurisë “Arrest në shtëpi” u la edhe zëvendës drejtoresha e AKSHI, Hava Delibashi.

SPAK nuk u ndal vetëm me zyrtaret e AKSHI, por kërkoi masa sigurie edhe për dy biznesmenë, të cilët dilnin në përgjime dhe ndaj të cilëve rëndojnë akuzat për “Konkurrencë e paligjshme nëpërmjet dhunës”, “Heqje e paligjshme e lirisë”, “Shkelje e barazisë së pjesëmarrësve në tendera apo ankande publike” e kryer në formën e veçantë të bashkëpunimit, atë të grupit të strukturuar kriminal dhe “Grup i strukturuar kriminal”, “Kryerje e veprave penale nga organizata kriminale dhe grup i strukturuar kriminal”, si dhe “Pastrim i produkteve të veprës penale ose veprimtarisë kriminale”.

Ndaj biznesmenëve Ergys Agasi dhe Ermal Beqiri u caktua masa “arrest në burg”, por asnjë prej tyre nuk ka përfunduar ende në pranga.

“21 janari”

Gjatë 2025, një rikthim i vëmendjes ka qenë edhe për dosjen e “21 Janarit”, ku u thirrën për të dëshmuar ish-ministri i Brendshëm Lulzim Basha, ish-kryeministri Sali Berisha he ish Presidenti Bamir Topi.

Pas marrjes në pyetje nga prokurorët e posaçëm, Berisha u shpreh se nuk ka pasur asnjë urdhër për Gardën për të qëlluar me armë mbi protestuesit dhe se Garda ka zbatuar vetëm ligjin, ndërsa zoti Topi i kurseu detajet duke u shprehur se çështja është ende nën hetim.

SPAK thirri për të dëshmuar edhe kreun e PL, Ilir meta, i cili në 2011 mbante postin e zëvendës kryeministrit. Kujtojmë se meta kishte kërkuar vetë që të thirrej për të dëshmuar, duke pretenduar se kishte informacione mbi ngjarjen.

Tërmet Peçi

SPAK ka nën hetim ish-kreun e Bashkisë Tepelenë, Tërmet Peçi për denoncimin e Arben Ristanit, i cili depozitoi në SPAK një kallëzim penal, duke e akuzuar atë dhe drejtorin e bashkisë, Lorenc Bamin, për ngritjen e një skeme të mirëfilltë korrupsioni me tendera, fonde publike dhe pasuri shtetërore dhe një çështje që lidhet me kallëzimin e Adriana Kalasë, ku Peçi dyshohet i përfshirë në tre vepra të rënda penale, “shkelje të barazisë në tendera, Korrupsion pasiv dhe pastrim parash.

Jonaid Myzyri

Më 24 qershor 2025 Prokuroria e Posaçme mori të pandehur kreun e Prokurimeve Publike, Jonaid Myzyrin, i cili përballet me akuzat për “Shkelje të barazisë në tenderë, të kryer në bashkëpunim”.

Ai u gjet i përfshirë në një tender për mirëmbajtjen e rrugës Rrëshen (Ura e Fanit)-Shpal, Shpal-Qafë Bene-Hadroj dhe Shpal-Ura e Repsit me kosto 2.2 mln euro i zhvilluar nga Autoriteti Rrugor Shqiptar më 18 shtator të vitit 2020.

Majlinda Bufi

Kryetarja e Bashkisë së Roskovecit, Majlinda Bufi u mor e pandehur nga SPAK për veprën penale të “Përdorimit të funksionit publik për veprimtari politike”. Bufi akuzohet se në zgjedhjet e vitit 2023 kërcënoi një qytetar që të votonte në favor të PS. Ajo mban detyrën e Kryetares së Bashkisë së Roskovecit që prej vitit 2015.

Kristian Shkreli

Më 23 tetor 2025 SPAK mbylli hetimet dhe kaloi për gjykim kryebashkiakun e Vaut të Dejës, Kristian Shkreli me akuzën për korrupsion në zgjedhjet e 11 majit 2025, ndërsa më 5 dhjetor GJKKO ka vendosur të kalojë për gjykim dosjen e kryebashkiakut socialist të Vaut të Dejës, Kristian Shkreli.

Rexhë Byberi

Më 4 mars 2025 SPAK mbylli hetimet dhe dërgoi për gjykim Kryebashkiakun e Tropojës, Rexhë Byberi dhe zëvendësin e tij Abedin. Dy zyrtarët akuzohen për shpërdorim detyre me dëm financiar mbi 277 milion lekë, ku për ndërtimin e dy rrugëve rrafshuan pyjet pa u konsultuar me institucionet e tjera të mjedisit.

Benet Beci

Benet Beci më 19 dhjetor 2025 u mor zyrtarisht i pandehur nga SPAK për shkelje të barazisë në tendera, pas një hetimi që zgjati për më tepër se një vit dhe tashmë po bëhet gati t’i dorëzohet Gjykatës Antikorrupsion.

Beci po hetohet për periudhën kur nuk ishte kryetari bashkie, por mbante postin e kreut të KESH. Hetimi lidhet me tenderin prej pothuajse 700 mijë euro të vitit 2019 për një projekt kërkimor në fushën e sektorit energjetik.

Erion Isai

Më 24 shtator kryebashkiaku i Kolonjës, Erion Isai u mor i pandehur nga SPAK. Ai akuzohet për “Shkelje të parimeve të barazisë së pjesëmarrësve në tendera ose ankande publike”.

Një rast që përmendet është rikonstruksioni i digës së Rezervuarit të Gjonçit dhe ndërtimi i pritave malore në fshatrat e Bashkisë Kolonjë, gjatë vitit 2023 si dhe për tendering e rrugës Korçë-Ersekë.

The post Viti i hetimeve të bujshme/ Nga Balluku dhe Veliaj, te “AKSHI” dhe kryebashkiakët socialistë, dosjet që “shkundën” politikën shqiptare appeared first on Albeu.com.

Gjatë periudhës 1 janar-30 nëntor 2025, janë regjistruar 39 vrasje në territorin e Shqipërisë, ndërsa 8 prej tyre mbeten ende me autorë të paidentifikuar, kryesisht në zonat e Shkodrës dhe Lezhës. BalkanWeb sjell si më poshtë ngjarjet kriminale më të bujshme të vitit që sapo lëmë pas.

SKEDAT E KRIMIT

-Në 6 janar 2025, u regjistrua vrasja e Ramzan Matajt në Dragoç, Shkodër, i gjetur i vrarë brenda makinës së tij. Për krimin u arrestuan Arjon dhe Klisman Hasaj.

-Në 12 janar të 2025-ës u vra Bujar Nasufi në Tiranë, krim për të cilin u arrestuan vëllezërit përmetarë Voltan e Jugert Xhani. Ata dyshohen të jenë të implikuar ne cilësinë e organizatorëve dhe financuesve në vrasjen e biznesmenit, ngjarje që ndodhi në afërsi të zonës së njohur si Pallati me Shigjeta në Tiranë.

-Në 13 janar u vra Kristian Marku në Vlorë. Dosja e tij penale përmbante një sërë akuzash që lidhen kryesisht me përfshirjen në konfliktin e përgjakshëm mes fiseve Reçi, Gjini dhe Bardhi në qytetin e Rrëshenit.

-Në 24 janar vritet Lulzim Visha në Tiranë. Në pranga për krimin përfundoi Eduart Lami, 37-vjeç.
27 shkurt 2025 solli një tjetër vrasje të rëndë në Shkodër, ku u vra Pavlin Preka, krim për të cilin janë arrestuar Vasel Koçeku, 43 vjeç dhe Klaudio Lisaj, 20-vjeç.

-Më 17 prill 2025 u regjistrua vrasja e Gjovalin Prendit në Lezhë, edhe ky rast pa autorë të arrestuar, ndërsa si motiv dyshohet se është hakmarrja.

-Sakaq, një tjetër krim u regjistrua më 1 qershor 2025, ku u vra Pjetër Kazës, në Lezhë. Edhe ky krim dyshohet se ka ndodhur për shkak të gjakmarrjes që daton në 1994 mes fiseve Gjini dhe Kaza.

-Më 4 qershor 2025, në qytetin e Durrësit, u vra Ermir Dedja (29 vjeç), ngjarje e cila çoi në arrestimin e dy personave, Erion Ndoni dhe Klodian Berisha, ndërsa një tjetër i shpallur në kërkim Xhuljano Dyrmishi, dyshohet për përfshirje në këtë vrasje dhe në organizimin e saj kriminal.

-Një tjetër ngjarje e rëndë ndodhi më 4 gusht 2025 në Vau të Dejës, kur u vra Frrok Lleshaj, edhe ky rasti mbetet i pazbardhur nga policia. Ndonëse nuk ka të arrestuar, pista kryesore e vrasjes për policinë mbetet ajo e gjakmarrjes. Hasmëria mes familjes Lleshaj dhe dy familjeve të tjera ka prodhuar që nga fillim vitet ’90, 5 viktima deri më tani.

Frrok Lleshaj është i treti që vritet pas djalit dhe vëllait të tij në fillim vitet ’90 ndërsa të vrarë janë edhe kushëriri i tij Dodë Lleshaj me të cilin lindi konflikti dhe një shtetas tjetër nga Puka. Gjithçka nisi në vitin 1991 kur djali i 65-vjeçarit u vra në Greqi.

-Më 14 gusht mbeti i vrarë 14-vjeçar. I mituri Erald Xhejo u vra me thikë nga një bashkëmoshatar, pas një sherri për motive banale.

-Pirro Prroni (61 vjeç), u vra më 28 gusht 2025 në Abat i Postribë, ndërsa autori Ndoc Maçaj u dorëzua në polici.

-Kristian Kola (34 vjeç), u vra më 4 shtator 2025 pas një sulmi me armë në Shkodër.

-Armando Pali dhe Liridon Kraja (alias Lusha), u vranë më 8 shtator 2025 në një bar pranë Shkodrës në një sulm me armë, ku u plagosën edhe të tjerë. Autor Ragip Gila u arrestua.

-Më 18 shtator u nxor pa jetë në një humnerë Mirel Çokaj, ndërkohë familjarët e tij pretendojnë se ai është vrarë për parcelat e kanbanisit. Prokuroria e Shkodrës ka nisur hetimet.

-Ndërkohë, ngjarja më kriminale e këtij viti padyshim ishte vrasja e gjyqtarit Astrit Kalaja më 6 tetor 2025 në sallën e gjyqit. Kalaja u qëllua për vdekje brenda sallës së Gjykatës së Apelit në Tiranë nga një i pandehur gjatë një seance për një konflikt pronësie.

Dy persona të tjerë u plagosën, ndërsa për krimin u arrestua Elvis Shkambi, ndërsa për përkrahje të autorit u arrestua xhaxhai i tij, Gjon Shkambi. Akti tronditi sistemin e drejtësisë dhe pati reagime nga institucionet më të larta të shtetit.

-Krim i dyfishtë u regjistrua në 22 tetor, ku pas një sherri banal u vranë Flori Paluçi dhe Aranit Kurti. Ngjarja ndodhi jashtë një lokali në Manzë, ndërsa sherri nisi për një kafe.

-Një tjetër ngjarje e rëndë ishte ajo e ndodhur më 28 tetor të vitit që sapo lëmë pas, ku 42-vjeçari Keli Hoxha u vra nga Kristo Mema. Sherri nisi për kalin e autorit të dyshuar të krimit. Ky i fundit u arrestua pasi tentoi të arratisej.

-Po në këtë ditë, më 28 tetor, Filip Shehu, 41 vjeç, vrau kuzhinierin Indrit Ismaillari, 34 vjeç, i cili ndërroi jetë në spital pas goditjeve fatale me thikë.

Ndërkohë, një tjetër ngjarje e rëndë pasoi atë ditë, ku 25-vjeçari Marjan Kodheli vrau me thikë në banesën e tyre babanë, Pjetër Kodhelin. Ndonëse tentoi të arratisej, ai u arrestua nga policia.

-Më 11 nëntor 2025 u regjistrua atentati në afërsi të Rinasit, ku u vra Gilmando Dani dhe agjenti i AMP-së, Muçi Shaliani (Sheqeri).

-Më 26 nëntor, në Durrës mbeti i plagos pas një sherri për motive të dobëta 15-vjeçari Erion Boba. Ai ndërroi jetë në spital pas 9 ditësh, ndërsa një bashkëmoshatar u arrestua për krimin që zanafillën e sherrit e kishte në TikTok.

-Më 30 nëntor vritet në ambientet e biznesit të tij, brenda makinës Mondi Mëhall, në Elbasan, krim për të cilin janë arrestuar disa persona.

The post Nga ekzekutimi në sallën e gjyqit të gjyqtarit Kalaja, tek atentati në Rinas, ngjarjet e rënda kriminale që tronditën 2025-ën appeared first on Albeu.com.

Gjithhashtu, reshje të dobëta e lokale shiu në lindje dhe përgjatë vijës bregdetare pas orëve të mesditës.

Në relievet malore Verilindje-Lindje dhe Juglindje, reshje bore me intensitet kryesisht të ulët, në formën e flokëve të borës.

Prezencë e ngricave në akset rrugore kryesisht në zonat malore.

Era do të fryjë me drejtim nga kuadrati i Veriut me shpejtësi mesatare 4 m/s, përgjatë vijës bregdetare dhe në zonat luginore era me shpejtësi deri në 10 m/s.

The post Parashikimi i motit 30 Dhjetor 2025/ Ditë e ftohtë me temperatura deri në -4 gradë appeared first on Albeu.com.

Era do të fryjë me drejtim Juglindje-Veriperëndim 7m/s, ndërsa përgjatë vijës bregdetare në jug dhe në lugina era pritet të arrijë shpejtësi deri 17m/s

Deti – Valëzimi forcës 2-4 ballë.

The post Parashikimi i motit 28 Dhjetor 2025, kthjellime dhe vranësira të pakta kalimtare appeared first on Albeu.com.