Parashikohet që gjatë orëve të pasdites, vranësirat gradualisht të shtrihen në të gjithë territorin shqiptar, ku  më të theksuara do të jenë në ekstremin Jugor dhe disa zona në qendër duke rrezikuar momente me pika shiu.

Edhe gjatë natës, moti mbetet me vranësira të shpeshta dhe reshje shiu e dëbore në zonat verilindore dhe juglindore, por reshjet do të jenë në sasi të pakta.

Temperaturat e ajrit do të pësojnë rritje në të dy vlerat ekstremale ditore, duke u luhatur nga 1°C temperatura më e ulët e shënuar në qytetin e Peshkopisë, deri në 19°C vlera më e lartë përgjatë vijës bregdetare.

Era do të fryjë mesatare përgjatë gjithë ditës, duke arritur në momente të vecanta shpejtësinë mbi 30 km/h nga drejtimi Verilindor, duke krijuar në brigjet detare dallgëzim 2 ballë.

The post Parashikimi i motit 20 Shkurt 2024, vranësira dhe kthjellime, appeared first on Albeu.com.

Kjo e martë nuk do të jetë aspak e favorshme për raportet ndërpersonale, e sidomos për ato në fushën e ndjenjave. Sa i takon dashurisë do të keni shumë kuriozitet dhe për rrjedhojë ndoshta mund t’iu lindë dëshira për diçka të re. Gjithsesi do të jetë inteligjenca juaj ajo që do të përmirësojë cilësinë e intensitetit në çift. Ata që janë vetëm do të duhet të zgjedhin që të mos përfshihen në një lidhje që do i stresojë. Në punë do të jeni disi të acaruar. Bëni mirë që të mos humbni qetësinë dhe të ruani përqendrim më të madh.

Demi

Kjo ditë do të jetë shumë e favorshme! Do të jetë mjaft stimuluese sa i takon dashurisë. Në raportin në çift pritet të ketë të reja të rëndësishme, ndonëse mund të bëhet fjalë për detaje të vogla. Pritet që të ketë dhurata të paparashikuara. Për ata që janë vetëm priten të reja interesante. Sa i takon punës, në sajë të kuriozitetit tuaj do të keni mundësi për të mësuar diçka të re, por që do ju vlejë shumë.

Binjakët

Ju të lindurve të kësaj shenje ju pret një e martë jo shumë e favorshme. Në dashuri, për të shmangur keqkuptimet, sidomos nëse raporti nuk ka shumë që ka nisur, bëni mirë të mos mbani sekrete. Ata që janë vetëm, po projektojnë nisjen e një lidhje të re, por mendohuni mirë para se të hidhni këtë hap. Në punë dita do të jetë mjaft e favorshme për të provuar eksperiencën tuaj.

Gaforrja

Kjo ditë do të jetë shoqëruar gjatë gjithë kohës nga humori i mirë. Në dashuri, parashikohen mundësi të shumta për t’u shfrytëzuar, qoftë për çiftet që janë të konsoliduar, edhe për ata më pak solid. Përfitoni nga ky moment pozitiv, pasi yjet ju mbështesin në çdo nismë tuajën. Në punë, mos u bllokoni nga paragjykimet dhe frika e të tjerëve. Ju keni mjaft rezerva të fshehura, kështu që është momenti për ti nxjerrë në pah.

Luani

Kjo ditë fillim jave, duhet zhdukur sa më parë. Do të përballeni me ndikimin negativ të Hënës. Në dashuri, do të jetë e vështirë që të shmangni debatet. Do e keni të ndaluar që të shijoni qetësinë që ju duhet për tu çlodhur. Bëni mirë që ti kushtoni më shumë kohë mirëqenies suaj fizike dhe mendore. Ata që janë vetëm, duhet të mbajnë distancë nga lidhjet e komplikuara. Në punë, këshillohet që të mos e lini pas dore entuziazmin tuaj dhe dëshirën për të guxuar përballë situatave të reja.

Virgjëresha

Kjo e martë do të jetë e shkëlqyer në të gjitha aspektet. Do të jetë një ditë mjaft e qetë dhe tejet harmonike, sidomos në fushën sentimentale. Këshillohet që të veproni me maturi dhe do t’ia dilni të forconi lidhjen tuaj të dashurisë. Ata që janë vetëm, do të bëjnë njohje të reja, mjaft interesante. Në sferën profesionale, ndonëse do të keni një vullnet absolut, planifikojini mirë të gjitha detajet, para se t’ia dilni.

Peshorja

Kjo e martë do të nisë në mënyrën më të mirë të mundshme, për të lindurit e kësaj shenje. Në dashuri, askush nuk do ju pengojë në realizimin e programit tuaj, duke bërë që dita të kalojë në relaks të plotë. Ata që janë vetëm, do e kalojnë ditën duke u marrë me një projekt që e kanë për zemër. Parashikimi i ditës, kërkon që të jeni më të hapur ndaj miqësive të reja. Në punë, do të arrini pa sikletin më të vogël, të realizoni atë që dëshironi. Vazhdoni kështu, herët apo vonë, do të konsolidoni, atë që prisnit prej kohësh.

Akrepi

Dita do të nisë në një mënyrë jo shumë pozitive. Në dashuri, kjo ditë nuk do të jetë në ritmet e duhura. Ajo që këshillohet për ju është që të mos tregoheni shumë kokëfortë. Ata që janë vetëm, do të kenë mundësi për një njohje të re, e cila do i bëjë që të ndihen të vlerësuar. Në punë, mundohuni që të ruani qetësinë dhe jini korrekt me kolegët tuaj. Duhet të gjeni dëshirën për të bashkëpunuar në ekip.

Shigjetari

Kjo ditë do të jetë mjaft eksituese, sidomos sa i takon dashurisë. Në raportin në çift, bëni mirë që të sqaroni çfarë ju shqetëson. Në të kundërt, rrezikoni që raporti me partnerin/en, të shoqërohet me grindje pa fund. Kush është vetëm, do të ketë takime me njerëz të rinj. Sa i takon punës, kjo do të jetë një ditë plotë energji dhe përqendrim. Do t’u tregoni eprorëve se jeni të vlefshëm dhe do të vlerësoheni pa masë.

Bricjapi

Një ditë aspak e keqe kjo e martë! Në dashuri, yjet do të stimulojnë emocione të forta. Tregohuni të arsyeshëm me personin që doni dhe lidhja do të jetë më se e mirë.

Ata që janë vetëm, do të dinë si të joshin dikë që e kanë për zemër. Në punë, do të përfshiheni nga situata që do ju mbajnë tejet të angazhuar. Mos u dorëzoni, inteligjenca juaj krijuese do ju çojë drejt suksesit të sigurtë.

Ujori

Ju pret një ditë e mbushur me pasiguri. Në fushën e ndjenjave, yjet favorizojnë realizimin e disa dëshirave tuaja. Në disa momente të ditës do të shoqëroheni nga një ndjesi e mirë mirëqenie, ku do të përfshihet edhe partneri/ja juaj. Ata që janë vetëm, duhet të reflektojnë mirë rreth një personi gjatë kësaj të marte. Sakaq në punë, mundohuni të tregoni siguri të tepruar. Yjet këshillojnë më shumë kujdes nga pikëpamja profesionale.

Peshqit

Kjo ditë e javës, do të jetë mjaft e mbarë për të lindurit e kësaj shenje. Sa i takon dashurisë, yjet do ju ndihmojnë në realizimin e ëndrrave tuaja. Jeta në çift do të jetë shumë e zjarrtë dhe në disa momente edhe speciale, ku do të keni nevojë për emocione dhe sfida të reja, shumë prej të cilave kanë të bëjnë me të ardhmen tuaj bashkë. Nëse jeni vetëm, bëni kujdes të mos e teproni në bisedat me të tjerët. Duke bërë një vetëanalizë, do të arrini në përfundimet që dëshironi. Në punë parashikohet sukses, sidomos nëse keni një aktivitet tuajin. Pritet të ketë të ardhura shtesë, ose një reduktim i daljes së parave.

The post Horoskopi ditor 20 Shkurt 2024, Ja cilat janë favoret e ditës së sotme appeared first on Albeu.com.

Në një dalje për mediat, Sekretari i Përgjithshëm të Partisë së Lirisë, Tedi Blushi, u bëri thirrje qytetarëve shqiptarë që të marrin pjesë në tubimin e pasdites së të martës.

Ai tha se ky regjim ka vrarë shpresat dhe ëndrrat e shqiptarëve.

Gjithashtu, ai shprehet; “Të gjithë ju të përvuajtur nga regjimi më i korruptuar dhe më i inkriminuar në rajon dhe kontinent, që vuani sot më shumë se kurrë padrejtësitë”.

Reagimi:
“Mesazh i Sekretarit të Përgjithshëm të Partisë së Lirisë, z.Tedi Blushi drejtuar të gjithë shqiptarëve për protestën kombëtare më 20 shkurt 2024: Koha të marrim në dorë fatet e vendit!
Të dashur qytetare dhe qytetarë,
Të dashur të rinj dhe të reja në mbarë vendin, që regjimi ju ka vrarë shpresat, ju ka djegur ëndrrat dhe të ardhmen, duke ju detyruar të rrezikoni edhe jetën për t’u larguar nga Shqipëria;
Të dashur pensionistë të harruar dhe të braktisur në vuajtje dhe mjerim, që keni kontribuar aq shumë për zhvillimin e vendit, por që sot nuk keni mundësi të blini ilaçet dhe të paguani faturat e dritave dhe të ujit, sepse 60% të pensionit e harxhoni vetëm për ushqime; Të gjithë ju të përvuajtur nga regjimi më i korruptuar dhe më i inkriminuar në rajon dhe kontinent, që vuani sot më shumë se kurrë padrejtësitë;
Të gjitha ju biznesmenë që po falimentoni dhe mezi po mbijetoni për shkak të taksave të larta;
Të gjithë ju pronarë të ligjshëm që Edi Rama po ju shemb shtëpitë dhe po ju rrëmben tokat për t’ua dhënë oligarkëve klientë të tij;
Të gjithë ju bujq dhe fermerë, që “Ballkani i Hapur” ju kalbi produktet dhe ju shfarosi blegtorinë;
Të gjithë ju të papunë dhe invalidë që pushteti ju ka hequr ndihmën ekonomike dhe bonusin e qerasë;
Të dashur qëndrestarë dhe mbrojtës të lirive, të drejtave dhe dinjitetit njerëzor, ju simbole të guximit, kurajës, të shpresës dhe së ardhmes së Shqipërisë, që me revoltën tuaj frymëzoni shpresë në çdo kohë:
20 shkurti është dita që zëri juaj të dëgjohet më fort së asnjëherë më parë!
Kjo datë simbol i rrëzimit të tiranëve dhe tiranisë, i triumfit të demokracisë dhe shkundjes nga themelet të monizmit, është më shumë se kurrë dita simbol e dinjitetit tonë dhe e përballjes me të keqen, që e ka vjedhur dhe e ka shkatërruar Shqipërinë, si asnjë pushtues!
Është dita t’i dalim zot vetes, fateve dhe Atdheut!
Është dita e fuqisë së solidaritetit mbarëqytetar dhe përballjes me të keqen e personifikuar nga Edi Rama dhe Qeveria e tij e krimit dhe e korrupsionit!
Shqipëria është sot një narkoshtet, ku:
– Të drejtat dhe liritë themelore të njeriut janë rrëmbyer nga mafia në pushtet;
– Ku sistemi i kontrollit dhe balancave nuk ekziston për shkak të kapjes së shtetit;
-Ku llogaridhënia është asgjësuar;
– Kuvendi siç e shikoni është rrëmbyer nga Qeveria dhe veprimtaria politike e përfaqësuesve të zgjedhur të opozitës në Kuvend dhe pushtet vendor është kufizuar me ligje të posaçme dhe përjashtime;
– Ku Opozita “emërohet” me vendime gjykatash dhe drejtuesit e saj realë arrestohen, izolohen, kërcënohen dhe shantazhohen;
– Ku drejtësia është kapur në mënyrë mafioze dhe funksionon me regji duke bërë goditje selektive sipas interesit politik të ditës së Kryeministrit dhe në shërbim të agjendave elektorale të tij.
Ndaj le ta bëjmë 20 shkurtin e dytë, ditën e shembjes nga themeli të këtij narkoregjimi!
Ditën e dinjitetit tonë, të guximit tonë, të trimërisë dhe idealeve tona, ditën e demokracisë dhe rikthimit të shpresës për Shqipërinë dhe shqiptarët. 20 shkurti është dita e betejës pa kthim! Është dita e vendimit të madh mbarëpopullor! “O Sot, o Kurrë” të bashkohemi për t’i dhënë atë që meriton Edi Ramës, që ka shpopulluar Shqipërinë dhe me korrupsionin ndërkombëtar po përpiqet të asgjësojë demokracinë dhe pluralizmin!
20 shkurti po vjen dhe të gjithë shqiptarët e lirë dhe të ndershëm do ta thonë më fort se kurrë fjalën e tyre! Partia e Lirisë ju fton të gjithëve të bashkohemi në 20 shkurt, në ora 17:30, në bulevardin para Kryeministrisë, në protestën kombëtare, për të marrë në dorë fatet tona dhe të së ardhmes së Shqipërisë”.

The post Protesta e 20 Shkurtit/ Partia e Lirisë thirrje qytetarëve: Koha të marrim në dorë fatin e vendit appeared first on Albeu.com.

Në mesazhin e tij, Bardhi thekson se në 20 shkurt në protestën kombëtare të opozitës, duhet të bëhen bashkë të gjithë shqiptarët që dëshiron të ndërtojë një të ardhme më të mirë, për veten dhe familjen e tij në Shqipëri.

Mesazhi i Bardhit:

“20 Shkurti nuk është protestë vetëm e demokratëve të bashkuar, por reagim i çdo shqiptari që dëshiron të ndërtojë një të ardhme më të mirë për veten dhe familjen e tij në Shqipëri.

Me këtë mesazh, i kërkova banorëve të Malësisë së Madhe që të na bashkohen ditën e martë, datë 20 Shkurt, ora 17:30, përpara Kryeministrisë. Protestojmë kundër keqqeverisjes së Edi Ramës, që po pengon punësimin dhe zhvillimin ekonomik, që ka rrënuar mirëqenien e familjeve shqiptare, dhe që po tenton të kontrollojë çdo pushtet duke ndërtuar një shtet autokrat e të padenjë për familjen europiane”, shprehet ai.

The post Bardhi nga Malësia e Madhe: Më 20 shkurt protestojmë kundër keqqeverisjes së Ramës appeared first on Albeu.com.

“O sot, o kurrë”, thekson ai në një shënim të shkurtër në Fb, në të cilin ka publikuar foto të protestuesve që mblidhen çdo mbrëmje pranë godinës ku lideri i opozitës mbahet në arrest.

“Çdo ditë në orën 18 te rrugica e shpresës, aty ku në mënyrë hakmarrëse, të qëllimtë, kanë izoluar politikisht, nga frika dhe tmerri që kanë, Kryetarin e PD, Profesor Doktor Sali Berishën! Në 20 shkurt, ora 17:30, të gjithë në protestë në Tiranë! O sot, o kurrë!” bën thirrje ai.

The post Baçi: Çdo ditë te rruga e shpresës dhe më 20 Shkurt, të gjithë në protestë në Tiranë! appeared first on Albeu.com.

Ashtu siç u lajmërua më herët, më 20 shkurt, Partia Demokratike do të organizojë një protestë në Tiranë. Sipas Berishës, 20 shkurti do të jetë dhe fundi i narkodiktaturës.

Sali Berisha: Mirënjohje të pakufishme ju misionarëve të vërtetë të shpresës së shqiptarëve, luftëtarëve të pamposhtur për dinjitet njerëzor, për drejtësi sociale, për interes kombëtar. Protesta juaj ka një rrezatim të fuqishëm në të katër anët e vendit. Kudo në Shqipëri sot zien pakënaqësia e madhe ndaj narkoregjimit të Edi Ramës.

Por miqtë e mi, kjo protestë ka tmerruar Edi Ramën, i cili çdo natë lë çdo gjë dhe ngulet para protestës me shpresë se do gjejë ndonjë ngushëllim. Sonte do ju rrëfej një gjë që më kanë informuar disa ditë më parë.

Çdo natë, dërgonte hafijet dhe maste rrugën që mbushni ju, përpiqeshin të numëronin, por nuk arrinin ndonjëherë, pjesëmarrësit, qëndrestarët në Rrugën e Shpresës. E vërteta është se raportet që i shkonin, e tmerruan. Raportet flisnin për mijëra e mijëra protestues.

Në fakt, ai nuk i zvogëlonte, por i zmadhonte me bashkëbiseduesit. Disa vite më parë, ish-udhëheqësi i rëndësishëm i UÇK, Fatmir Limaj më tregon: Isha në Hagë, në burg aty ishin gjeneralë kryesorë serbë. Një ditë, njëri prej tyre më pyet, Fatmir, në muajin mars të vitit 1998, sa forca të UÇK-së gjendeshit në Klinë? Fatmiri i thotë, ne ishim tre kompani, rreth 300 luftëtarë. Fatmir, i thotë, ne na raportonin se ishin 6 mijë luftëtarë.

Ua thashë këtë shembull se çfarë bën frika, se sa e keni tmerruar ju Edi Ramën. Imagjinoni ju se ç’ndodh me 20 shkurt, kur t’i kujtohen pamjet e zvarritjes së babait të tij shpirtëror. T’i kujtohet udhëtimi me familjen e tij prej bllokmeni që bëri drejt bunkerëve të Zall Herrit. Pra, 20 shkurti po afron. Është dita juaj, dita e shqiptarëve, dita e fitores. Është fundi i narkodiktaturës, fundi i Edi Ramës dhe regjimit të tij./albeu.com 

The post “20 shkurti po afron”, Sali Berisha: Fundi i narkodiktaturës dhe Edi Ramës appeared first on Albeu.com.

Java në vazhdim nuk parashikon gjëra të mira përsa i përket ndjenjave në përgjithësi. Ju ende keni dyshime për historinë që po jetoni, sepse nuk shihni ndonjë rrugëdalje në të ardhmen. Do të merrni lajme të mira. Java do vijojë me ulje-ngritje.

DEMI

Kjo java që do të jetoni do të jetë veçanërisht plot ngjarje të paktën deri të enjten. Përpiquni të mbani nën kontroll stresin dhe të mos derdhni frikën dhe nervozat tuaja mbi partnerin tuaj.

BINJAKËT

Java do jete shume pozitive sidomos ne dashuri pasi Venusi do jete pozitive. Çiftet do përjetojnë një erë të pazakontë pasioni. Për sa i përket punës priten kënaqësi të mëdha. Në mes të javës mund t’ju duhet të përballeni me disa ngjarje të papritura.

GAFORRJA

Ju presin ditë shumë pozitive. Ju do të keni yjet që do t’ju shoqërojnë për shtatë ditët e ardhshme. Lajme të vogla mund të vijnë në dashuri dhe në punë.

LUANI

Komplikimet në dashuri po theksohen për shkak të një Hëne që nuk premton. Mundohuni të shmangni debatet e pakëndshme me partnerin tuaj, pse të krijoni grindje?

VIRGJËRESHA

Do të jetë një javë e mbarë, gjatë orëve të ardhshme do të mund të shfrytëzoni sa më mirë mundësitë që do të keni. Për sa i përket punës, angazhimi juaj po shpërblehet dhe çdo sakrificë së shpejti do të shpërblehet mirë.

PESHORJA

Nuk jeni ende të sigurt se e dini se çfarë kërkoni në të vërtetë në dashuri, por sigurisht që ju duhet të përjetoni ndjesi më intriguese. Është koha të filloni të planifikoni disa udhëtime interesante. Diçka që ju argëton.

AKREPI

Marrëdhëniet sentimentale duhet të rikuperohen nga një periudhë vështirësie. Java do jetë monotone dhe do jeni shumë të ngarkuar me angazhimet tuaja por njëkohësisht do duhet të përpiqeni të mos e neglizhoni shumë partnerin.

SHIGJETARI

Marsi tranzit do të ndikojë në disponimin tuaj dhe kjo do të sigurojë që ju ta përballoni ditën me një ton të vendosur optimistë dhe optimist. Kujdes nga çdo mashtrim i vogël nga një person që e njihni shumë mirë.

BRICJAPI

Gjatë orëve të ardhshme do të mërziteni nga ata që ju mbushin me iluzione të rreme, por, për fat, jo gjithmonë u kushtoni shumë rëndësi fjalëve të tyre. Mundohuni të kaloni një javë të qetë edhe në dashuri.

UJORI

Gjatë javës që po fillon, do të alternohen ditë dhe ditë shumë të nxehta që do t’ju shohin të ndrydhur. Humori juaj do të luajë një rol themelor në marrëdhënie, si në dashuri ashtu edhe në punë.

PESHQIT

Gjatë javës që do të fillojë do t’ju duhet të kaloni pak kohë të lirë për të kaluar disa orë në shoqërinë e njerëzve tuaj të dashur. Gjithashtu përpiquni të gjeni kohë për partnerin tuaj.

The post Horoskopi 20 shkurt 2023: Çfarë kanë parashikuar yjet për secilën shenjë appeared first on Albeu.com.