Nga Ministria e Financave, mësohet se po hartohet një projektligj tërësisht i ri, i cili do të miratohet në vitin 2026, ndërsa do të nisë të zbatohet bashkë me Kadastrën Fiskale nga 2028.

Shtyrja vjen pas konsultimeve dhe përgatitjeve të nevojshme për të ndërtuar një sistem të ri taksimi, i cili do të bazohet në vlerën e tregut të pasurive të paluajtshme.

Projektligji i mëparshëm, i publikuar për konsultim publik në vitin 2023, parashikonte që taksimi i ri të fillonte për ndërtesat në vitin 2026 dhe për parcelat, truallin e tokën bujqësore në 2028.

Sipas propozimeve të vitit 2023, niveli i taksës do të ishte:

Nga 0,1% në 0,2% për ndërtesat rezidenciale (aktualisht 0,05%),

Nga 0,15% në 0,25% për ndërtesat tregtare (aktualisht 0,2%),

Nga 0,15% në 0,25% për ndërtesat bujqësore dhe industriale.

Mësohet se drafti i ri që po hartohet, nuk parashikohet të ndryshojë koeficentët e taksës së ndërtesë, për truallin dhe tokën bujqësore të propozuara në 2023, që përafronin shkallën e taksës me vendet e rajonit.

Sipas relacionit drafti që u hartua në 2023, synonte kalimin nga një sistemi taksimi i bazuar në vlerë për ndërtesat dhe një sistem i thjeshtë taksimi i bazuar mbi sipërfaqen (area based) për tokën, në një sistem modern taksimi që takson si ndërtesat ashtu dhe tokën, duke e bazuar në vlerën e tregut të këtyre pasurive.

Parashikohej që vlera e pasurive të paluajtshme do të përcaktohej në një hartë te re me çmime mesatare referuese, por e ndarë për njësitë e ndërtesave rezidenciale, të shërbimit, si dhe çmimet mesatare referuese të parcelave, duke përfshirë të truallit, tokës bujqësore dhe asaj pyjore.

Më tepër baza e taksës do të mbështetej nga vlerësimi i pronave nëpërmjet kontratave të shitblerjes dhe çmimeve të tregut, duke krijuar zona të reja për vlerat e pronës së paluajtshme.

Pavarësisht se formula e propozuar për llogaritjen e taksës së ndërtesës për banesën e para parashikonte zbritje 50% të vlerës, propozim për dyfishim të shkallës (nga 0.05 u propozua nga 0.1 deri 0.2%) do të rriste pagesën e detyrimet.

Me shembujt e publikuar nga Ministria e Financave në atë kohë me dokumentin “Reforma e taksës së pasurisë 2024-2028” rriste detyrimin për ndërtesat rezidenciale nga 18 deri 50% dhe për dyqanet deri 28%.

SHKALLA E TAKSËS MBI NDËRTESAT

Shkalla e taksës aktualisht:

0,05%, për ndërtesën/njësinë pronësore që përdoret, shfrytëzohet për banim;

0,2%, për ndërtesën/njësinë pronësore që përdoret, shfrytëzohet për veprimtari ekonomike;

30% e shkallës së taksës përkatëse, për të gjithë sipërfaqen ndërtimore, për të cilën zhvilluesi është pajisur me leje ndërtimi dhe nuk ka arritur ta përfundojë atë, sipas afatit të përcaktuar në aktin e miratimit të kërkesës për leje ndërtimi.

Shkalla e taksës e propozuar me projektligjin e 2023

Për të gjithë njësitë e ndërtesave, që përfshihen në kategorinë e pronave rezidenciale, shkalla e taksës mund të variojë në shkallët nga 0,1% deri në 0,2%;

Për të gjithë njësitë e ndërtesave, që përfshihen në kategorinë e pronave bujqësore – blegtorale, shkalla e taksës mund të variojë në shkallët nga 0,15% deri në 0,25%;

Për të gjithë njësitë e ndërtesave, që përfshihen në kategorinë e pronave tregtare, shkalla e taksës mund të variojë në shkallët nga 0,15% deri në 0,25%;

Për të gjithë njësitë e ndërtesave, që përfshihen në kategorinë e pronave industriale, shkalla e taksës mund të variojë në shkallët nga 0,15% deri në 0,25%.

Shkalla e taksës për ndërtesën e papërfunduar është 30% (tridhjetë për qind) e shkallës së taksës së kategorisë përkatëse të ndërtesës./ Monitor

The post Shtyhet me 2 vjet zbatimi i taksës së re për pasuritë e paluajtshme, pritet të nisë në 2028 appeared first on Albeu.com.

Media arabe, “Al-Arabiya“, duke u bazuar në burime, ka raportuar këtë të premte se ylli portugez e ka nënshkruar edhe zyrtarisht kontratën “faraonike”.

Sipas medias në fjalë, Ronaldo do t’i bashkohet Al-Nassr nga janari i vitit 2023, teksa kontrata e tij do të jetë e vlefshme deri në verën e vitin 2025.

37-vjeçari besohet se do të paguhet me 200 milionë euro brenda një sezoni.

Pesë herë fituesi i “Topit të Artë” te klubi nga Arabia Saudite do të kalojë si lojtar i lirë, pasi Manchester United së fundmi kishte shkëputur kontratën me të.

The post “Al-Arabiya”: Cristiano Ronaldo ka nënshkruar zyrtarisht me Al-Nassr appeared first on Albeu.com.

Kjo, për shkak të frikës nga rrjedhja e të dhënave sekrete për avionët në Rusi.

Lajmi është bërë i ditur nga “Euroactiv” dhe është raportuar nga “Novinite”, duke iu referuar opinionit të dy ish-ministrave bullgarë të Mbrojtjes.

Në fillim të prillit, Departamenti amerikan i Shtetit miratoi shitjen në Bullgari të 8 avionëve të rinj F-16 dhe pajisjeve përkatëse.

“Vonesa në dorëzimin e avionëve të rinj amerikanë F-16 mund të jetë për shkak të mungesës së besimit tek autoritetet bullgare, të cilat nuk kanë vërtetuar se mund të mbrojnë me siguri sekretet e NATO-s”, deklaroi ish-ministri Velizar Shalamanov.

Delyan Peevski është një miliarder, një manjat mediatik, i cili pasi u bë deputet, shpejt mori një certifikatë në vitin 2013 për të drejtuar Agjencinë Shtetërore për Sigurinë Kombëtare.

Ish-kolegu i Shalamanov-it, Todor Tagaev pajtohet plotësisht me të.

“Bullgaria duhet të ndërtojë një sistem për mbrojtjen e informacionit të klasifikuar. Ne vazhdojmë të lejojmë përfaqësuesit rusë MiG në bazën ajrore Graf Ignatievo. Ne kemi nevojë për një garanci 110% që asnjë rus nuk do të shkelë përsëri atje dhe se personeli i bazës nuk do të pijë vodka me rusët”, shtoi ish-kreu bullgar për Euroactiv./albeu.com

The post Lufta/ SHBA shtyn me 2 vjet dorëzimin e avionëve F-16 në Bullgari appeared first on Albeu.com.