Sipas Policisë, ngjarja ndodhi rreth orës 18:15. Shtetasi E. T., 29-vjeç, banues në Kukës, ishte duke drejtuar një Jet Ski, ku ndodhej edhe shtetasi E. P., 46-vjeç.

Gjatë lëvizjes, mjeti është përplasur aksidentalisht me një tjetër Jet Ski, që drejtohej nga shtetasi B. H., i cili po afrohej drejt bregut për të ankoruar mjetin.

Si pasojë e përplasjes, kanë marrë dëmtime të lehta E. T. dhe E. P. Të dy janë dërguar në spitalin e Prizrenit dhe ndodhen jashtë rrezikut për jetën.

Në lidhje me rastin, specialistët për Hetimin e Krimit të Komisariatit të Policisë Kukës kanë proceduar penalisht 29-vjeçarin E. T. për veprën penale “Plagosja e lehtë nga pakujdesia”.

Dy mjetet lundruese janë sekuestruar në cilësinë e provës materiale. Grupi hetimor, nën drejtimin e Prokurorisë, vijon punën për dokumentimin dhe sqarimin e plotë të rrethanave të aksidentit.

The post Përplasen dy Jet Ski në liqenin e Kukësit, dy persona të plagosur transportohen në spitalin e Prizrenit appeared first on Albeu.com.

Gjithashtu, janë ndëshkuar edhe drejtuesit e mjeteve lundruese, me një gjobë prej 10 mijë lekë të rinj secili.

Gjatë verifikimit të dokumentacionit, ka rezultuar se asnjëri prej mjeteve lundruese nuk kishte dokumentacion

Njoftimi i policisë:

Plan masash për ushtrimin e kontrolleve intensive në të gjithë vijën bregdetare, ndaj mjeteve lundruese, kryesisht ndaj atyre të argëtimit, për verifikimin e zbatimit të ligjit dhe të rregullave të lundrimit.

Në zbatim të planit të masave, Policia Kufitare dhe Njësia Policore Detare kanë nisur kontrollet intensive përgjatë gjithë vijës bregdetare, liqenore dhe lumore, për verifikimin e dokumentacionit të mjeteve lundruese.
Si rezultat i kontrolleve në Durrës, nga Njësia Policore Detare dhe Policia Kufitare, janë konstatuar 2 mjete lundruese argëtimi Jet Ski. Gjatë verifikimit të dokumentacionit ka rezultuar se asnjëri prej mjeteve lundruese nuk kishte dokumentacion dhe për këtë arsye Policia Kufitare ka bërë bllokimin e të 2 mjeteve lundruese, si dhe ka ndëshkuar me masën administrative 10 000 lekë, secilin nga drejtuesit e tyre.

Policia Kufitare apelon për pronarët dhe për përdoruesit e mjeteve lundruese, që të zbatojnë me korrektesë, kërkesat ligjore për daljen në det, për pajisjen me dokumentacionin përkatës dhe respektimin e zonave të sigurisë së pushuesve në plazhe.

Policia Kufitare dhe Njësia Policore Detare janë të angazhuara maksimalisht për të garantuar sigurinë në plazhe dhe në këtë kuadër, do të intensifikojnë kontrollet dhe monitorimin nga toka dhe në det, të të gjithë vijës bregdetare.

Ftojmë qytetarët që të denoncojnë në numrin pa pagesë 112, çdo rast paligjshmërie, duke iu garantuar anonimat, reagim të shpejtë dhe profesional.

The post Policia Kufitare kontrolle në vijën bregdetare/ Bllokohen dy Jet Ski, ndëshkohen drejtuesit e mjeteve appeared first on Albeu.com.