Policia bën me dije se në pranga ka rënë shtetasi V. T., 19 vjeç, banues në Durrës, i cili akuzohet për veprën penale “Ndihma për kalim të paligjshëm të kufijve”.

Nga hetimet dyshohet se ai ndihmonte emigrantët nga Vendet e Treta, që të kalonin ilegalisht kufirin tokësor me Greqinë dhe më pas me Malin e Zi, duke i transportuar me automjet dhe duke marrë pagesë prej 400 euro për person.

Njoftimi i Policisë:

Drejtoria Vendore për Kufirin dhe Migracionin Shkodër

Vijojnë operacionet nga Policia Kufitare, për parandalimin dhe goditjen e veprimtarisë kriminale të dhënies ndihmë emigrantëve, për kalim të paligjshëm të kufijve.

Finalizohet operacioni policor i koduar “Borders 3”.

Vihet në pranga një 19-vjeçar që ndihmonte emigrantë nga Vendet e Treta, kundrejt pagesës, që të kalonin kufijtë, në mënyrë të paligjshme.

19-vjeçari u kap në flagrancë, në fshatin Vukpalaj, duke transportuar me automjet, 4 emigrantë që synonin të kalonin kufirin me Malin e Zi.

Sekuestrohen automjeti dhe celulari i 19-vjeçarit.

Shërbimet e Stacionit të Policisë Kufitare Bajzë, bazuar në informacionet e siguruara në rrugë operative, për një rast të dhënies ndihmë shtetasve të huaj, kundrejt pagesës, për kalim të paligjshëm të kufijve, kanë organizuar dhe finalizuar operacionin policor të koduar “Borders 3”. Si rezultat i këtij operacioni, u arrestua në flagrancë shtetasi:

-V. T., 19 vjeç, banues në Durrës, për veprën penale “Ndihma për kalim të paligjshëm të kufijve”.

Nga hetimet dyshohet se ky shtetas ndihmonte emigrantë nga Vendet e Treta, që të kalonin ilegalisht kufirin tokësor me Greqinë dhe më pas kufirin tokësor me Malin e Zi, duke i transportuar me automjet, kundrejt pagesës 400 euro për person.

Vijojnë hetimet për dokumentimin e plotë të kësaj veprimtarie kriminale, identifikimin dhe kapjen e shtetasve të tjerë që mund të jenë përfshirë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

The post Ndihmonte emigrantët të kalonin kufirin ilegalisht, arrestohet 19-vjeçari nga Durrësi appeared first on Albeu.com.

Familja e Greit ka hapur sot dyert e mortit, ndërsa të afërm dhe miq janë tronditur nga humbja e papritur e të riut.

Grei u qëllua ditën e djeshme me thikë nga Florjan Muka në qendër të Fierit. Dyshohet se sherri mes tyre nisi në rrjetet sociale, për shkak të opsionit “like” ndaj një vajze dhe më pas degradoi në përleshje fizike.

Policia ka arritur të ndalojë autorin 20-vjeçar pas ngjarjes, i cili është dërguar në komisariat për t’u marrë në pyetje.

Shoku i viktimës Olti Serjanaj, 20-vjeç, i cili ndërhyri për ta shpëtuar, mbeti i plagosur dhe ndodhet në spitalin e Fierit jashtë rrezikut për jetën.

Viktima studionte në degën TIK dhe pasditeve punonte kamarier në një lokal pranë vendit të ngjarjes.

The post U vra për një debat në rrjete sociale, familja e Greit hap dyert e mortit, 19-vjeçari përcillet sot për në banesën e fundit appeared first on Albeu.com.

Policia britanike ka bërë të ditur se dy 12-vjeçarë janë arrestuar si të dyshuar për vrasje.

Sean Sissahai vdiq të hënën pasi u godit me thikë pranë një rruge në pjesën jugore të Wolverhampton, e cila është në veri-perëndim të Birmingham.

“Dy djem 12-vjeçarë u arrestuan në shtëpitë e tyre mbrëmë me dyshimin për vrasje dhe mbeten në paraburgim policor”, tha policia e Ëest Midlands në një deklaratë.

Më tej shtoi: “Ne kemi shtuar patrullimet në zonë pasi kuptojmë se ky incident do të ketë shkaktuar shqetësim të thellë në komunitetin lokal“.

The post E rëndë, vranë me thikë 19-vjeçarin, arrestohen dy minorenë appeared first on Albeu.com.

Gjatë kontrollit të imtësishëm të vendit të ngjarjes u gjet e fshehur dhe u sekuestrua një armë gjahu që 19-vjeçari e posedonte pa leje dhe 2 telefona celularë

NJOFTIMI I PLOTË:

Në Bulqizë goditet një rast i tentativës për kultivim të bimëve narkotike, arrestohet në flagrancë autori.

Në vijim të punës për parandalimin, evidentimin dhe goditjen e veprimtarisë kriminale në fushën e kultivimit të bimëve narkotike, kapjen e personave në kërkim apo të atyre që mbajnë apo qarkullojnë me armë zjarri pa leje, shërbimet e Komisariatit të Policisë Bulqizë, në bashkëpunim me strukturat e DVP Dibër, si rezultat i kontrollit të territorit kanë evidentuar dhe goditur një rast të tentativës për kultivim të kanabisit në një zonë pyjore në Fushë-Bulqizë.

Në vijim të veprimeve, specialistët për Hetimin e Krimit në Komisariatin e Policisë Bulqizë, arrestuan në flagrancë shtetasin L. Xh., 19 vjeç,  banues në Bulqizë, pasi dyshohet se është  autori i kultivimit të disa bimëve narkotike në vendin e quajtur   ‘Lugu i Menës’.

Gjatë kontrollit të imtësishëm të vendit të ngjarjes u gjet e fshehur dhe u sekuestrua një armë gjahu që 19-vjeçari e posedonte pa leje dhe 2 telefona celularë.

The post Kultivonte lëndë narkotike dhe i mbronte me armë gjahu, arrestohet 19 vjeçari në Bulqizë (FOTO LAJM) appeared first on Albeu.com.