19 te vdekur Archives - Albeu.com

E rëndë/ Autobusi përplaset, 19 të vdekur (VIDEO)

V K — Wed, 31 Jan 2024 06:46:11 +0000

Një ngjarje e rëndë ka ndodhur në Meksikë, ku një përplasje e fortë mes një autobusi dhe një kamioni që transportonte mallra, kanë humbur jetën të paktën 19 persona dhe ka plagosur 22 të tjerë në një shtet veriperëndimor të Meksikës, thanë autoritetet lokale.

Aksidenti i rëndë ka ndodhur në Elota, një destinacion turistik. Pas përplasjes, automjetet u përfshinë në flakë.

“Ne numëruam 19 trupa. Identifikimi i tyre do të kërkojë pak kohë, pasi ata u karbonizuan”, u shpreh Sarah Quinones, prokurorja e përgjithshme në shtetin e Sinaloa.

Të plagosurit janë duke u trajtuar në spitalet lokale dhe po hetohet për shkaqet e aksidentit.

Në autobus ndodheshin 37 persona.

#Sinaloa🌐 La colisión se produjo en las inmediaciones del municipio #Elota, destino de #turístico sobre todo de ciudadanos estadounidenses – https://t.co/0eY735CupX pic.twitter.com/ylOpF2kKNZ

— EjeCentral (@EjeCentral) January 31, 2024

The post E rëndë/ Autobusi përplaset, 19 të vdekur (VIDEO) appeared first on Albeu.com.

Shpërthim i fuqishëm në cisternën e naftës në një tunel në Afganistan, 19 të vdekur dhe dhjetëra të plagosur

E S — Sun, 18 Dec 2022 19:06:52 +0000

Të paktën 19 persona kanë vdekur dhe dhjetëra të tjerë kanë plagosur nga një zjarr brenda një tuneli rrugor në Afganistan, raporton BBC. Një cisternë nafte u përmbys dhe mori flakë në tunelin Salang – që lidh kryeqytetin Kabul me provincat veriore – të shtunën në mbrëmje.

Zjarri u përhap në automjete të tjera para se të shuhej mëngjesin tjetër. “Një cisternë e karburantit shpërtheu… Unë rashë. Rrobat e mia morën flakë”, tha një dëshmitar i plagosur në tunel për Tolo news. Disa prej trupave u dogjën komplet, tha një zyrtar i lartë shëndetësor në Parwan.

“Midis të vdekurve ishte shumë e vështirë të identifikohej se kush ishte mashkull dhe kush femër,” tha zyrtari i lartë shëndetësor Abdullah Afganistan Mal. Mendohet se numri i viktimave mund të rritet ende. Ministria e Punëve Publike tha se rruga ishte mbyllur për trafikun ndërsa po kryheshin operacionet e shpëtimit.

Tuneli Salang është 2.6 km i gjatë. Një zjarr në tunel në vitin 1982 vrau të paktën 400 njerëz, megjithëse disa vlerësime thonë se numri i të vdekurve tejkalon këtë shifër.

The post Shpërthim i fuqishëm në cisternën e naftës në një tunel në Afganistan, 19 të vdekur dhe dhjetëra të plagosur appeared first on Albeu.com.

Aksident tragjik, autobusi me pasagjerë bie në greminë, të paktën 19 të vdekur

E S — Sun, 03 Jul 2022 11:19:50 +0000

Të paktën 19 persona janë vrarë dhe 14 të tjerë janë plagosur si pasojë e një aksidenti tragjik, pasi një autobus plot me pasagjerë ra në një greminë.

Aksidenti fatal ka ndodhur në Pakistanin Perëndimor. Sipas medieve vendase autobusi u përmbys në një rrugë të rrëshqitshme pranë Dhanisar në provincën Khyber Pakhtunkhwa ndërsa po shkonte për në Quetta nga Rawalpindi.

Aksidentet rrugore fatale janë të zakonshme në Pakistan për shkak të infrastrukturës së keqe në vend, automjeteve të vjetra dhe shoferëve të pakujdesshëm.

Në fillim të qershorit, një aksident i ngjashëm ndodhi në Pakistanin jugperëndimor kur një minibus ra në një kanion për shkak të shpejtësisë së madhe, duke vrarë 22 pasagjerë./albeu.com

The post Aksident tragjik, autobusi me pasagjerë bie në greminë, të paktën 19 të vdekur appeared first on Albeu.com.