Lajmi për vdekjen e saj u konfirmua për TMZ nga babai i saj, Joshua Hottle, i cili tha se vajza e tij vdiq në një aksident me makinë herët të martën. Ai tha gjithashtu se iu desh të udhëtonte nga Teksasi për të marrë trupin e saj.

Sipas tij, Kaylee ishte përfshirë në një aksident të rëndë dhe autoritetet e informuan menjëherë pas informacionit të parë se zemra e saj kishte ndaluar rrugës për në spital. Detajet e rrethanave të aksidentit nuk janë bërë të ditura.

Kaylee Hottle ka lindur në Atlanta dhe u shfaq për herë të parë para kamerës në moshën nëntëvjeçare, në reklama.

Ajo fitoi njohje më të gjerë në vitin 2021 në filmin “Godzilla vs. Kong”, ku luajti Jija-n, një vajzë adoleshente që komunikon me King Kong në gjuhën e shenjave dhe jeton në Skull Island me personazhin e Dr. Ilena Andrews, të luajtur nga Rebecca Hall. Ajo e përsëriti të njëjtin rol në filmin “Godzilla x Kong: The New Empire” të vitit 2024.
Ajo u vu re gjithashtu në serialin e ribërë “Magnum PI”, në të cilin luajti një personazh të quajtur Joon në një episod të sezonit të katërt.

The post Aktorja Kaylee Hottle, ylli i filmave “Godzilla vs. Kong”, vdes në moshën 18 vjeçare appeared first on Albeu.com.

TikTok, në pronësi të ByteDance të Kinës, njoftoi se ky afat i ri kohor do të instalohet automatikisht në javët e ardhshme në çdo llogari që u përket përdoruesve të rinj nën 18 vjeç, të cilët do të duhet të fusin një kod nëse duan të qëndrojnë në sajt më shumë se 60 minuta.

“Ndërsa nuk ka një pozicion të pranuar universalisht për kohën ‘e duhur’ para ekranit, ose efektet e kohës para ekranit në përgjithësi, ne u konsultuam me kërkime akademike dhe ekspertë në Digital Wellness Lab në Spitalin e Fëmijëve në Boston për të zgjedhur këtë kufi”, vëren Cormac Keenan, Shefi i Mbikëqyrjes dhe Sigurisë së TikTok.

TikTok tha se do të inkurajojë përdoruesit e rinj të vendosin kufirin e tyre ditor të përdorimit nëse shpenzojnë më shumë se 100 minuta në ditë në aplikacion, por kanë hequr dorë nga kufiri i parazgjedhur prej 60 minutash.

Vitin e kaluar Instagrami lançoi kontrolle të reja prindërore që lejojnë kujdestarët të shohin se sa kohë kalojnë fëmijët e tyre atje dhe të vendosin kufij. /albeu.com

The post TikTok vendos kufizime për kohën që personat nën 18 vjeç kalojnë në aplikacion appeared first on Albeu.com.

Shërbimet e Komisariatit të Policisë Dibër, në bashkëpunim me forcën e posaçme ‘Shqiponjat’ dhe Seksionin për Hetimin e Narkotikëve në DVP Dibër, në zbatim të detyrave për kontrollin e territorit me qëllim parandalimin dhe goditjen e paligjshmërisë, kapjen e personave që qarkullojnë me armë zjarri dhe lëndë narkotike, si dhe për monitorimin e zbatimit të masave anticovid, gjatë kontrollit të territorit rreth orës 21.40 të mbrëmjes së djeshme kanë konstatuar një lokal të hapur ku brenda ndodheshin disa të rinj.

Gjatë kontrollit fizik, shërbimet e policisë i kanë gjetur në trup shtetasit XH.K, 18 vjeç, një dozë me lëndë narkotike të dyshuar kokainë.
Shtetasi XH.K., sëbashku me tre shtetas të tjerë që ndodheshin në tavolinë me të janë shoqëruar në Drejtorinë Vendore të Policisë Dibër ku në përfundim të veprimeve është bërë arrestimi në flagrancë i shetasit XH.K., për veprën penale “Prodhimi dhe shitja e narkotikëve”.

Si dhe janë proceduar penalisht për veprën penale “Moskallzim krimi”, shtetasit S.E, K.A dhe R.M.

Gjithashtu nga forca e posaçme ‘Shqiponjat’, i është vendosur masa administrative 1.000.000 lekë pronarit të lokalit shtetasit F.Z., pasi ushtronte aktivitetin në fashën orare të ndaluar , në kundërshtim me Aktin Normativ.
Materialet procedurale i kaluan Prokurorisë Dibër për veprime të mëtejshme.

The post Arrestohet adoleshenti me drogë në lokal pas orës së lejuar appeared first on Albeu.com.