Ndryshe nga ditët e mëparshme, organizatorët vendosën që protesta të zhvillohet në orën 19:00, për shkak të temperaturave të larta që kanë përfshirë vendin.

Edhe pse kanë kaluar plot 17 ditë nga nisjja e protestave, pjesëmarrja ka qenë tejet masive edhe mbrëmjne e djeshme, me protestues që janë grumbulluar para godinës së Kryeministrisë, duke vijuar mobilizimin e pandërprerë të javëve të fundit.

Për 17 ditë me radhë, qytetarët kanë protestuar në Tiranë, duke shprehur pakënaqësinë e tyre dhe duke kërkuar ndryshime politike.

Ashtu si në tubimet e mëparshme, edhe këtë mbrëmje pritet që pas qëndrimit për disa orë para Kryeministrisë, protestuesit të zhvillojnë një marshim nëpër rrugët kryesore të kryeqytetit, duke përcjellë mesazhet dhe kërkesat e tyre.

Protestuesit theksojnë se do të vijojnë mobilizimin deri në realizimin e kërkesës së tyre kryesore: dorëheqjen e kryeministrit Edi Rama dhe të qeverisë.

The post Mijëra qytetarë kërkojnë dorëheqjen e Ramës/ Sot protesta e 18 qytetare, ndryshon orari appeared first on Albeu.com.