Sipas organizatorëve, në referendumin  e organizuar në të gjitha degët e partive, ku ra në sy zhvillimi në vende të pazakonta si bare, lokale dhe bilardo, morën pjesë 44 mijë demokratë.

Kjo është një shifër, të cilën nuk e njeh as vetë Partia Demokratike, nuk u konfirmua dot nga burime të pavarura, .

Berisha e shpalli gjatë mbrëmjes së 18 dhjetorit rezultatin e këtij referendumi nga shkallët e PD-së, duke vendosur theksin në mënyrë të posaçme në një nga degët e Tiranës, njësinë nr. 8, që njihet si njësia e Lulzim Bashës.

Sipas Berishës në këtë njësi kishin votuar 760 demokratë për shkarkimin e kryetarit të PD, duke e konsideruar një humbje të thellë për Bashës.

Abcnews.al ka siguruar pamjet filmike nga kjo njëri, të marra nga një kamer sigurie pranë ambientit të votimit të ngritur në njësinë nr.8.

Nga këqyrja e pamjeve rezulton se në ambientin e përcaktuar për votimet kanë hyrë 196 persona, prej të cilëve rreth 117 janë identifikuar si anëtarë, ndërsa pjesa tjetër janë jo aktivë ose që nuk i përkasin fare kësaj dege. Dega në fjalë numëron rreth 1 300 anëtarë.

Ky ishte vetëm një rast, ku persona që nuk kanë lidhje me PD-në kanë marrë pjesë në referendumin e thirrur nga Berisha për të shkarkuar kryetarin Basha, ku cenohet rëndë besueshmëria e rezultatit të dalë nga kutia e votimit.

Një gjë e tillë shton dyshimet për numrin real të pjesëmarrësve në këto votime ku pretendohet se është miratuar masivisht shkarkimi i Bashës nga drejtimi i partisë.

KËTU gjeni pamjet e plota filmike. /abcnews.al

The post Dalin pamjet filmike nga njësia nr.8 në Tiranë, si votuan “anonimët” për shkarkimin e Bashës në referendumin e Berishës appeared first on Albeu.com.

Reagimi i Komisionit të Rithemelimit:

Pas 4 humbjesh radhazi, kukulla e Edi Ramës që pak muaj më parë i dhuroi atij mandatin e tretë në pushtet,  recitoi para shqiptarëve vjershën tashmë bajate që përsërit pas çdo humbje për beteja imagjinare që sapo kanë filluar!

Halli më i madh i demokratëve dje, pardje dhe sot janë tre mandate të regjimit më të korruptuar të Europës që vazhdon të qëndrojë në pushtet sepse ka kapur dhe korruptuar kukullën e tij në Partinë Demokratike!

Demokratët humbasin sepse Basha bën pazar me sakrificat e tyre!

Demokratët dështojnë sepse Basha pasurohet mbi kontributet e tyre!  Demokratët braktisin Shqipërinë sepse kur votat e tyre vidhen ndërsa kukulla e Ramës mbush xhepat dhe tradhëton betejën kundër atij që i vodhi!

Por luani brenda çdo demokrati është zgjuar!

Në 11 Dhjetor demokratet shkruajtën historinë duke shpëtuar Partinë Demokratike dhe pluralizmin politik nga pengmarrja!

Në dt 18 Dhjetor demokratët në gjithë Shqipërinë do i heqin përfundimisht Lulzim Bashës mundesinë për t’i shitur e për t’i tradhëtuar! Gjatë 8 viteve nën drejtimin e Lulzim dështakut, demokratët  kanë provuar vetëm shijen e hidhur të  humbjeve!

Në dt 18 Dhjetor rrethi vicioz i dështimeve për hir të pazareve të Bashes do marrë fund!

Referendumi i dt 18 Dhjetor do jetë dita kur demokratët do ndahen nga humbja dhe pengmarrja!

Koha e kukullave dhe humbjeve ka mbaruar! Demokratet janë në këmbë për të shpëtuar Partinë Demokratike dhe Shqiperinë! Vetëm të bashkuar do mund të fitojmë!

Komisioni i Rithemelimit./albeu.com

The post Berisha-Bashës: Më 18 dhjetor merr fund rrethi vicioz i dështimeve të tua appeared first on Albeu.com.