Zjarrfikësit dhe shërbimet e tjera të urgjencës janë ende duke u përpjekur të shuajnë një zjarr në bazën e një rezervuari të madh, ku zjarri shpërtheu të premten në mbrëmje gjatë një stuhie, tha departamenti i energjisë në Twitter.

Qeveria më vonë njoftoi se kishte kërkuar ndihmë nga ekspertë ndërkombëtarë nga “vendet mike” me përvojë në sektorin e naftës. Agjencia zyrtare kubane e lajmeve raportoi se rrufeja goditi një tank dhe ndezi një zjarr, i cili më pas u përhap në një tank tjetër.

Helikopterët ushtarakë u përpoqën të shuanin zjarrin dhe tymi i dendur dhe i zi u përhap më shumë se 100 kilometra në perëndim, drejt Havanës.

Qeveria e rajonit Matanza bëri të ditur se numri i të plagosurve ka shkuar në 77, ndërsa 17 persona rezultojnë të zhdukur. Presidenca shtoi se janë zhdukur 17 zjarrfikës që ndodheshin pranë zjarrit duke u përpjekur të parandalonin përhapjen e tij.

The post Rrufeja godet magazinën e naftës në Kubë! 77 të plagosur nga zjarri, zhduken 17 zjarrfikës appeared first on Albeu.com.