Në fjalën e tij para kabinetit qeverisës, kryeministri Albin Kurti, tha se teksa festojmë kujtojmë me krenari rrugëtimin tonë të gjatë drejt lirisë dhe pavarësisë

“Kushtetua jonë vërtetë është e re , por kultura jonë është e një populli të lashtë e autokton e rrënjosur thellë në historinë tonë të lavdishme. Ne sot nderojmë të gjithë ata që sakrifikuan dhe u flijuan për lirinë tonë”, ka thënë Kurti.

Gjithashtu, ai ka shtuar se liria për të cilën kemi sakrifikuar kaq shumë, kërkon demokraci e demokracia kërkon institucione të forta.

“Institucione të forta që mbrojnë sundimin e ligjit, garantojnë zgjedhje të lira te të ndershme dhe sigurojnë që pushteti u shërben qytetarëve”, shprehet Kurti.

Kryeminitri theksoi se suksesi ynë është dëshmi që kemi punuar në përputhje me amanetin e idealin e dëshmorëve të kombit dhe në përputhje me të drejtat e popullit, dëshirat e rinisë dhe ëndrrat e fëmijëve.

“Urime e gëzuar dita e pavarësisë. Rroftë Republika jonë”, u shpreh Kurti.

The post Albin Kurti uron 17 vjetorin e Pavarësisë: Kosova ka punuar për të përmbushur idealin e dëshmorëve dhe ëndrrat e rinisë appeared first on Albeu.com.