17 vjecarja ne bagazh Archives - Albeu.com

Lufta në Gaza, Wall Street Journal: 10% e punonjësve të UNRWA kanë lidhje me Hamasin dhe Xhihadin Islamik

D Marku — Mon, 29 Jan 2024 13:44:07 +0000

Sipas një shërbimi sekret i marrë nga Wall Street Journal rreth 10% e stafit të Agjencisë së Kombeve të Bashkuara për Ndihmën dhe Punën për Refugjatët Palestinë në Lindjen e Afërt (UNRWA) në Rripin e Gazës kanë lidhje me Hamasin ose Xhihadin Islamik.

Një burim i qeverisë amerikane i tha gazetës se informacioni në dokument është shumë i ndjeshëm dhe bazohet në mbikëqyrjen e telefonave celularë, hetimet e terroristëve të kapur të Hamasit, dokumentet e gjetura mbi terroristët e vrarë dhe më shumë. Sipas të njëjtit burim, Izraeli e ka ndarë këtë informacion me qeverinë amerikane dhe kjo ka çuar në pezullimin e ndihmave humanitare për UNRWA nga SHBA dhe vende të tjera.

UNRëA nuk do të jetë në gjendje të vazhdojë operacionet e saj në Gaza pas shkurtit. Ndërkohë, UNRWA njoftoi sot se nuk do të jetë në gjendje të vazhdojë operacionet e saj në Rripin e Gazës dhe rajonin më të gjerë pas fundit të shkurtit, nëse financimi nuk rifillohet. Një numër vendesh, duke përfshirë SHBA-në, Gjermaninë dhe Britaninë, pezulluan fondet për agjencinë e ndihmës së OKB-së për refugjatët palestinezë pas akuzave se 12 nga stafi i saj ishin të përfshirë në sulmin e 7 tetorit nga militantët e lëvizjes islamike palestineze Hamas në Izrael.

The post Lufta në Gaza, Wall Street Journal: 10% e punonjësve të UNRWA kanë lidhje me Hamasin dhe Xhihadin Islamik appeared first on Albeu.com.

Bardhi rikthen Bylykbashin në Grupin Parlamentar, i dorëzon dokumentin Nikollës

E B — Mon, 09 Oct 2023 11:20:39 +0000

Gazment Bardhi ka rikthyer nënkryetarin e Rithemelimit të Sali Berishës, Oerd Bylykbashin në grupin parlamentar.

Në një dokument të dorëzuar në Kuvend, Bardhi informon kryetaren e Parlamentit Lindita Nikolla për revokimin e vendimit të 15 janarit 2022 për përjashtimin e Bylykbashit nga grupi i PD.

Sipas dokumentit, grupi parlamentar, në një mbledhje të 19 shtatorit 2023 ka vendosur revokimin e vendimit të 15 janarit dhe rikthimin e Bylykbashit.

The post Bardhi rikthen Bylykbashin në Grupin Parlamentar, i dorëzon dokumentin Nikollës appeared first on Albeu.com.

Kishin fshehur në bagazh të makinës një 17-vjeçare me qëllim hyrjen në Shqipëri, arrestohen në Morinë dy të rinj nga Kosova

E B — Thu, 04 May 2023 15:08:23 +0000

Policia ka arrestuar dy të rinj nga Kosova, pasi gjatë kontrollit të ushtruar në bagazhin e këtij automjeti, shërbimet e Policisë gjetën të fshehur një shtetase 17 vjeçe, banuese në Prishtinë, e cila dyshohet se po ndihmohej nga këta 2 shtetas, për të kaluar kufirin, në kundërshtim me ligjin.

Nga verifikimet ka rezultuar se 17-vjeçarja kishte tentuar edhe më parë të hynte në vendin tonë, por për shkak të moshës, nuk ishte lejuar të hynte e pashoqëruar, sipas përcaktimeve ligjore në fuqi.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.

Njoftimi i policisë:

Fshehën një 17-vjeçare, në bagazhin e automjetit me të cilin udhëtonin, me qëllim hyrjen në vendin tonë, në kundërshtim me ligjin, arrestohen në flagrancë dy 23-vjeçarë nga Kosova.

Shërbimet e Policisë Kufitare të PKK Morinë, në vijim të kontrolleve të bazuara në analizën e riskut, të ushtruara ndaj shtetasve dhe mjeteve me të cilat ata udhëtojnë, me qëllim parandalimin dhe goditjen e krimeve kufitare, në hyrje të RSH-së, kanë kaluar në vijën e dytë, për kontroll më të detajuar, automjetin tip “BMW”, me drejtues shtetasin A. M. dhe pasagjer shtetasin N. K.

Gjatë kontrollit të ushtruar në bagazhin e këtij automjeti, shërbimet e Policisë gjetën të fshehur një shtetase 17 vjeçe, banuese në Prishtinë, e cila dyshohet se po ndihmohej nga këta 2 shtetas, për të kaluar kufirin, në kundërshtim me ligjin. Nga verifikimet ka rezultuar se 17-vjeçarja kishte tentuar edhe më parë të hynte në vendin tonë, por për shkak të moshës, nuk ishte lejuar të hynte e pashoqëruar, sipas përcaktimeve ligjore në fuqi.

Në vijim të veprimeve procedurale për këtë rast, specialistët për Hetimin e Trafiqeve të Paligjshme dhe Narkotikëve të DVP Kukës arrestuan në flagrancë shtetasit A. M. dhe N. K., të dy të moshës 23 vjeç dhe banues në Prishtinë, për veprën penale “Ndihma për kalim të paligjshëm të kufijve”.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.

The post Kishin fshehur në bagazh të makinës një 17-vjeçare me qëllim hyrjen në Shqipëri, arrestohen në Morinë dy të rinj nga Kosova appeared first on Albeu.com.

Kapet me 17-vjeçaren në bagazh në Qafë Prush, prangoset 23-vjeçari rezident në Londër

admin — Thu, 25 Aug 2022 08:11:54 +0000

Një 23-vjeçar ka rënë në prangat e policisë pasi kishte fshehur në bagazhin e makinës një 17-vjeçare.

Lajmin e bëri të ditur policia përmes një njoftimi, sipas të cilit, ata tentuan të kalonin kufirin në Qafë Prush në mënyrë të paligjshme.

Njoftimi i Policisë:

Qafë Prush, Has

Tentuan të ndihmojnë një shtetase të mitur, për kalim të paligjshëm të kufirit, vihet të pranga 1 shtetas, si dhe procedohet në gjendje të lirë një 17-vjeçar.

Procedohet në gjendje të lirë edhe e mitura që tentoi të kalonte kufirin në mënyrë të paligjshme.

Në PKK Qafë Prush, në hyrje të RSH, shërbimet e Policisë Kufitare, në vijim të punës për goditjen e krimeve ndërkufitare, si rezultat i kontrolleve me përzgjedhje, kanë kaluar në vijë të dytë për kontroll më të imtësishëm, automjetin tip “Benz”, me drejtues shtetasin D. LL. dhe me pasagjer një 17-vjeçar.

Gjatë kontrollit në bagazhin e automjetit, u gjet e fshehur një shtetase e mitur 17 vjeçe, e cila tentonte të kalonte kufirin në mënyrë të paligjshme, përmes ndihmës (transportimit) të dhënë nga shtetasi D. LL. dhe 17-vjeçari.

Në përfundim të veprimeve procedurale, specialistët për Hetimin e Krimeve në DVP Kukës arrestuan në flagrancë shtetasin D. LL., 23 vjeç, rezident në Londër, si dhe proceduan në gjendje të lirë 17-vjeçarin, banues në Kosovë, për veprën penale “Ndihma për kalim të paligjshëm të kufirit” dhe shtetasen e mitur për veprën penale “Kalimi i paligjshëm i kufirit shtetëror”.

Materialet i kaluan Prokurorisë pranë Gjykatës së Rrethit Gjyqësor Kukës, për veprime të mëtejshme.

#angazhimpërkushtimsakrificë???‍️

#tëvendosurkundërkrimit✅

#24/7nëçdoskajtëvendit

#nëshërbimtëqytetarëve???‍️??/albeu.com/

The post Kapet me 17-vjeçaren në bagazh në Qafë Prush, prangoset 23-vjeçari rezident në Londër appeared first on Albeu.com.